KASA 9:21 - Jinghpaw Common Language Bible 2009

²¹ Shi a ga na ai ni nlang mau mahka let, “Ndai wa gaw Yerusalem mare e Yesu ngu ai wa hpe nawku ai ni nlang hte hpe sat nga ai wa n rai ni? Ya ndai de mung dai baw ni hpe gyit la nna hkinjawng agyi ni hpang de wa ap na maw ai hte sa du ai wa shi rai nga ai n rai ni?,” nga nna san shajang ma ai.

Jinghpaw Hanson Version Bible

²¹ Shi a ga na ai ni nlang mau mahka let, “Ndai wa gaw Yerusalem e amying ndai gang ai ni hpe sharun shabya ai wa rai nga ai, n rai ni? ya ndai de mung, dai baw ni hpe gyit la nna, hkinjawng agyi ni hpang de wa ap na maw ai hte sa du ra hka,” nga nna tsun shajang ma ai.

KASA 9:21 ပူးပေါင်းရင်းမြစ်များ

SHAKAWN KUNGDAWN 51:13

Shaloi, yubak mara lu ai masha ni hpe na a hkang da ai tara lam ni hpe ngai sharin ya na nngai; shanhte gaw shi hpang de kayin wa na mara ai.

SHAKAWN KUNGDAWN 71:7

Nang gaw nye a n-gun ja ai shingbyi shara rai nga nit dai majaw; nye a asak prat gaw masha law law a man e, kasi tai nga li ai.

ESAIA 8:18

Ngai gaw ndai yang e dai Madu ngai hpe jaw da sai kashu kasha ni hte rau nga nga nngai. Chyahtum Chyalai N-gun rawng ai dai Madu a tingnyang gaw Ziun Bum ntsa e nga nga ai rai nna anhte hpe Israela amyu masha ni hpang de ahkrung nga ai mungga ni hku shangun dat mi ai.

ZEHKARIA 3:8

Dai rai nna Hkinjawng Kaba rai nga ai Yawshu e, madat u, shi a hkinjawng manang ni e, nanhte gaw htawm hpang du na ra ai aten a matu mai kaja ai a kumla rai nga myit dai; ngai gaw nye a shangun ma rai nga ai Lakung ngu shaga hkrum ai wa hpe madun dan na nngai!

BU HKAWM 23:23

Israela amyu baw hpe matsa ai hta lawng hpaji, hpyi lamum hpaji hpa mung shang lu na n rai; Ya chyawm gaw masha amyu ni Israela a lam hpe, ‘Yu mu, Karai Kasang shing di kau nu hka!,’ ngu nna kajai na mara ai.

KASA 2:12

Shanhte gaw mau mahka ung ang let, “Ndai zawn byin ai lam gaw hpa baw lachyum wa rai nga a ta?,” nga nna shada san hkat nga ma ai.

KASA 2:6

Shanhte dai nsen hpe na ma yang, masha wunawng wuwa hpawng nga ma ai. Kam sham ai ni hkai dan ai lam ni hpe kadai mung kadai tinang amyu ga hku na la lu ai majaw shanhte mau mat ma ai.

KASA 3:10

Dai wa gaw Nawku Htingnu a Tsawm Pra Chyinghka makau e dung nga nna hpyi sha ai wa rai nga ai hpe shanhte chye yu da mu ai rai nna, shi hta byin wa ai lam hpe mau mahka mat nga ma ai.

KASA 4:13

Kongsi hta lawm ai salang ni gaw hpaji n chye ai yu maya masha yan rai nga ai Petru yan Yawhan gade daram nden ja ai myit rawng ai hpe mu ma ai majaw mau mahka mat ma ai. Rai ti mung shawng de Yesu a manaw manang ni tai lai wa sai hpe shanhte dum chye ma ai.

KASA 7:59

Shing rai kabai nga mayang Stehpan gaw akyu hpyi let, “Madu Yesu e Nye a Wenyi hpe hkap la ya rit law!,” nga ai.

KASA 8:3

Rai ti mung Shawlu gaw hpung hpe hpya jahtum kau na matu shakut nga ai. Shi gaw nta langai hte langai shang nna kam sham ai numsha lasha ni hpe garawt ahkyik la nhtawm htawng hta sharen da mu ai.

KASA 9:22

Rai ti mung, Shawlu a hkaw tsun ai lam grau nna n-gun atsam rawng wa ai hte Yesu gaw Meshia rai nga ai lam sakse ni pra pra madun dan ai majaw Damasku e nga ai Yuda ni shi hpe ga bai n htan lu ma ai.

2 HTESALONI 1:10

Madu gaw bai du sa ai shani e, shi a amyu masha ni yawng mayawng a man e hpung shingkang hpe mung, kam sham ai ni yawng e shagrau hkungga ai lam hpe mung, hkam la na ra ai. Anhte hkaw tsun dan ai mungga hpe nanhte kam sham nga manit dai majaw, Madu hpe shagrau sha-a ai ni hta nanhte mung lawm na marin dai.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.