KASA 9:20 - Jinghpaw Common Language Bible 2009

²⁰ Shi gaw tara jawng ni de alawan sa du nna Yesu gaw Karai Kasang a Kasha rai nga ai lam hkaw dan nga ai.

Jinghpaw Hanson Version Bible

²⁰ Yesu gaw Karai Kasang a kasha rai nga ai, nga nna shaloi jang tara jawng ni hta hkaw dan nga ai.

KASA 9:20 ပူးပေါင်းရင်းမြစ်များ

SHAKAWN KUNGDAWN 2:12

hkrit gari ai hte shi hpe dingnyawm nga mu; shing n rai yang, shi a masin kahtet ai gaw alawan su rawt wa ai hte nanhte gaw akajawng sha si mat na marin dai. Makawp maga la na matu, shi kaw du sa ai ni gaw a lu ma ai.

SHAKAWN KUNGDAWN 2:7

Hkawhkam wa gaw, “Madu kaning nga tsun ai lam hpe ngai tsun shabra na nngai,” nga nna tsun ai. Shi gaw ngai hpe, ‘Nang gaw nye a kasha rai nga ndai; dai ni, ngai gaw na a kawa tai nga ni ai.

MAHTE 27:43

Shi gaw Karai Kasang hpe kam hpa nna, ‘Ngai gaw Karai Kasang a Kasha rai nngai!,’ nga nna shi tsun ai. Rai sa, dai rai yang gaw ya Karai Kasang shi hpe hkye la mayu nga ai kun? Anhte yu yu ga!,” nga ma ai.

MAHTE 27:54

Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

MAHTE 4:3

Shaloi, dai gunglau ai Nat shi kaw du nna, “Nang Karai Kasang a Kasha rai n-yang gaw, ndai nlung ni hpe muk tai mu ga, tsun u!,” ngu wu ai.

YAWHAN 1:49

Nahtanela gaw, “Sara e, nang gaw Karai Kasang a Kasha rai nga ndai,” ngu nna shi hpe htan wu ai.

YAWHAN 19:7

Shaloi Yuda masha ni gaw, “Dai wa gaw shi hkum hpe Karai Kasang a Kasha rai nngai nga nna hpyi hpun ai ga tsun ai majaw, si ging ai ngu nna anhte a tara hta tsun da nga ai,” ngu nna shi hpe htan mu ai.

YAWHAN 20:28

Dai rai nna Htawma gaw, “Nye a Madu nye a Karai Kasang rai nga ndai,” ngu nna shi hpe htan wu ai.

YAWHAN 20:31

Rai ti mung, Yesu gaw Karai Kasang a Kasha ngu ai Meshia rai nga ai hpe, nanhte kam sham lu nna, shi hpe kam sham ai a marang e asak hkrung ai lu la myit ga, ngu nna ndai hte wa ka tawn da nga ai.

KASA 13:14

Bai shanhte gaw Perga kaw nna rawt sa wa yang Pesidi mung na Antioki mare de du ma ai rai nna, Bansa Nhtoi hta e shanhte tara jawng hta shang dung nga ma ai.

KASA 13:33

Karai Kasang gaw Yesu hpe si ai kaw na hkrung sharawt ya ai hte ji wa ni hpe jaw da ai ga ndat hpe shanhte a kashu kasha rai nga ai anhte a matu galaw shabyin nu ai. Anhte gaw dai Kabu Gara Shiga hpe ndai kaw gun sa na matu ya du sa wa ai rai nga ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 13:5

Shanhte Salami mare de du ai shaloi, Yuda ni a tara jawng ni hta, Karai Kasang a mungga hkai dan ma ai. Yawhan Marku mung shan a nrum ntau tai nna karum nga ai.

KASA 14:1

Dai hte maren Ikoni mare kaw mung Pawlu yan Barnaba gaw tara jawng hta shang nna, Yuda masha ni hte maigan masha ni wunawng kaba kam sham mat hkra hkaw tsun dan ma ai.

KASA 16:13

Bansa Nhtoi hta mare shinggan de anhte pru sa nna Yuda ni akyu hpyi ai shara langai ngai nga na zawn nawn nna hka kau de sa du ga ai. Dai yang e dung let zuphpawng nga ai numsha ni hpe hkaw tsun dan ga ai.

KASA 17:10

Shana ahkying du ai shaloi jang, kam sham ai hpu nau ni gaw Pawlu yan Sila hpe Beria mare de shangun kau dat mu ai. Dai de du yang, shan gaw Yuda Tara jawng hta shang bang wa ma ai.

KASA 17:17

Dai re ai majaw shi gaw tara jawng hta Yuda masha ni, Karai Kasang hpe nawku kam sham ai maigan masha ni hte mung shani shagu gat hkan e lai sa lai wa masha ni hte mung dai mungga lam tsun bawng ai lam ni galaw nga ai.

KASA 17:2

Pawlu gaw shi galaw ga nga ai lai hte maren, dai tara jawng hta shang nna Bansa Nhtoi masum tup dai kaw na masha ni hte bawng ban ai lam ni woi galaw nga ai.

KASA 18:19

Shanhte Ehpesu mare de du ma yang, Pawlu gaw Priskila yan Akula hpe dai mare hta shangam kau da wu ai. Shi gaw tara jawng de shang nna, Yuda masha ni hte tsun bawng hkat nga ai.

KASA 18:4

Bansa Nhtoi shagu tara jawng hta Yuda masha ni hpe mung, Grik masha ni hpe mung kam sham wa hkra dai mungga lam ni woi bawng ban tsun sang lang dan nga ai.

KASA 19:8

Dai hpang Pawlu gaw tara jawng de shang nna, shata masum tup nden ja ai hte Karai Kasang a Mungdan lam chye na hkap la mu ga, shanhte hte tsun hkai hkat nga nna, woi awn da wu ai.

KASA 8:36

Shing rai shan hkawm sa wa ma yang hka nga ai shara langai mi kaw du jang dai du wa gaw, “Yu u, nang e hka nga nga ai; ngai hkalup hkam na hpa hkum shara nga a ta?,” ngu wu ai.

KASA 8:37

Hpilip gaw, “Na a myit masin mahkra hte nang kam sham nit yang gaw hkam la mai ai,” ngu wu ai. Shi mung, “Yesu Hkristu Karai Kasang a Kasha rai nga ai hpe ngai kam sham ni ai,” ngu nna htan wu ai.

KASA 9:22

Rai ti mung, Shawlu a hkaw tsun ai lam grau nna n-gun atsam rawng wa ai hte Yesu gaw Meshia rai nga ai lam sakse ni pra pra madun dan ai majaw Damasku e nga ai Yuda ni shi hpe ga bai n htan lu ma ai.

ROMA 1:4

Chyoi Pra ai Karai hkum hku nna Karai Kasang a Kasha nan rai nga ai hpe shadan dan na matu Karai Kasang gaw hpung shingkang kaba hte dai Madu hpe si ai kaw na bai jahkrung sharawt dat nu ai.

GALATI 1:16

Dai hpang maigan masha ni hpe shi a kasha a lam Kabu Gara Shiga hkaw tsun dan lu u ga matu shi a kasha hpe ngai e shadan dan ni ai. Dai shaloi e ngai gaw kade a hpaji jaw ai lam hpe mung n hpyi n hkam la nngai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

SHINGRAN 2:18

“Htuatira mare na hpung a lamu kasa hpe ning ngu ka dat u: “Ndai gaw, wan shinglet zawn tu ala ai myi hte, arut shatsawm tawn ai magri htoi zawn san ai lagaw tu ai Karai Kasang a kasha kaw na mungga rai nga ai.