KASA 9:11 - Jinghpaw Common Language Bible 2009

¹¹ Dai Madu bai tsun wu ai gaw, “Nang shajin la nhtawm Lam Ding ngu ai mare lam de sa nna Yuda ngu ai wa a nta e Tarshu mare na Shawlu ngu ai wa hpe sa tam su! Yu u, shi akyu hpyi nga ai rai nna,

Jinghpaw Hanson Version Bible

¹¹ Dai Madu bai tsun wu ai gaw, “Rawt u, Lam Ding ngu ai mare lam de sa nna, Yuda nta e, Tarshu masha Shawlu hpe sa tam su; yu u, shi akyu hpyi nga ai rai nna,

KASA 9:11 ပူးပေါင်းရင်းမြစ်များ

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

YAWHAN 4:10

Shaloi Yesu gaw, “Karai Kasang jaw ya ai chyeju kumhpa hpe mung, nang kaw lu ntsin hpyi nga ai wa hpe mung, nang chye wu taw gaw, nang shi kaw hpyi nna, shi gaw nang hpe asak jahkrung ya ai ntsin jaw na nit dai,” ngu nna shi hpe htan wu ai.

KASA 11:13

Shaloi dai wa gaw, shi a nta e lamu kasa yu sa tsap ai hte Yopa mare de masha shangun nna, ‘Petru ngu ai Simun hpe shaga su!

KASA 11:25

Dai hpang Shawlu hpe sa tam na Tarshu de pru sa mat wa ai.

KASA 2:21

Dai shaloi e dai Madu a mying nsang hpe gang shaga ai ni kadai mung, hkye hkrang la ai hkrum na ma ra ai,’ nga ai.

KASA 21:39

Pawlu gaw, “Ngai Kiliki mung na Tarshu mare hta shangai ai, grai ahkyak ai mare kaba na Yuda masha langai mi rai nngai. Chyeju hte ndai masha ni hpe ga shaga na ahkang jaw e,” ngu nna hpyi nem wu ai.

KASA 22:3

“Ngai gaw Kiliki mung na Tarshu mare e shangai ai Yuda masha rai nga nngai. Rai ti mung ndai Yerusalem hta Gamale a jawngma langai mi hku nna kaba wa nna, anhte a ji wa ni a ja la ai jep ai Tara htung hking hte maren azin ayang sharin achyin la nna dai ni nang e nga nga ai nanhte ni zawn Karai Kasang a magam bungli gun hpai na matu myit rawt ai hte ap nawng da nngai.

KASA 8:22

Dai majaw na a n hkru n kaja maw mawn ai lam hta na myit malai lu u. Dai Madu kaw hpyi nem nga u, shing rai yang na a kraw lawang hta dai n hkru n kaja ai hku myit mang kau ai lam hpe mara raw dat ya na rin dai.

KASA 8:26

Ya dai Madu a lamu kasa langai mi Hpilip hpe tsun wu ai gaw, “Rawt u, Yerusalem kaw nna Gaza de sa wa ai lam pru hkra dingda de tawk sa wa su,” ngu wu ai. (Dai lam gaw dai ni n lang mat sai nam mali lam rai nga ai.)

KASA 9:30

Dai lam kam sham ai hpu nau ni chye jang shi hpe Kesare de sa dat nna Tarshu de shangun dat mu ai.

TARA JAHPRANG 4:29

“Nanhte gaw dai hkan e dai Madu nanhte a Karai Kasang hpe marit let myit mada nna, nanhte a myit masin kraw lawang mahkra hte shi hpe hkan tam myit yang chyawm gaw mu lu na marin dai.