KASA 9:10 - Jinghpaw Common Language Bible 2009

¹⁰ Ya Damasku mare e Anani mying ai Hkristan langai mi nga ai. Shi gaw shingran langai mi mu wu ai. Dai shingran hta Madu gaw, “Anani e!,” ngu wu ai. Shi mung, “Madu e, nang e nga nga nngai,” ngu nna htan wu ai.

Jinghpaw Hanson Version Bible

¹⁰ Ya Damasku mare e Anani mying ai sape langai mi nga ai rai nna, Madu gaw shingran hta, “Anani e,” ngu wu ai. Shi mung, “Madu e, nang nga nga nngai,” ngu nna htan wu ai.

KASA 9:10 ပူးပေါင်းရင်းမြစ်များ

NINGPAWT NINGHPANG 14:15

Dai shara e, shi a masha ni hpe hpung hte hpung garan nna shana e dai hpyen ni hpe gasat ai hte shanhte hpe dang kau mu ai. Shi gaw shanhte hpe Damasku mare a dingdung maga,

NINGPAWT NINGHPANG 22:1

Ya aten ram ram na mat ai hpang, Karai Kasang gaw Abraham hpe chyam yu na nga shi hpe, “Abraham!,” ngu nna shaga wu ai. Abraham mung, “Rai sa, ngai nang e nga nga nngai!,” ngu nna htan wu ai.

NINGPAWT NINGHPANG 31:11

Karai Kasang a lamu kasa gaw ngai hpe yup mang hta, “Yaku e! ngu nngai; ngai mung, ‘Rai sa, nang nga nga nngai,’” ngu nna htan we ai.

2 SAMUELA 15:26

Rai ti mung shi ngai hpe n ra sharawng sai rai yang mung, hpa n ra ai, shi ra ai hku ngai hpe galaw nu ga,” ngu nna tsun wu ai.

PRU MAT 3:4

Dai Madu gaw Mawshe sit sa wa nga ai hpe mu ai shaloi, shi gaw, “Mawshe! Mawshe!, ngu nna dai sumwum kaw na shi hpe shaga wu ai. Shi mung, “Rai sa, ngai nang e nga nga nngai,” ngu nna htan wu ai.

ESAIA 6:8

Dai hpang Madu gaw, “Ngai kadai hpe shangun dat na i? Kadai wa anhte a shiga htawn ai wa tai na kun?,” ngu nna tsun ai ga hpe ngai na nngai. Ngai mahtang, “Ngai sa na nngai! Ngai hpe shangun dat e!,” ngu nna htan we ai.

Daniela 2:19

Dai hpang dai shana jang, makoi magap ai yup mang gaw Daniela a shingran hta shapraw shadan dan nga ai; shi gaw sumsing lamu a Karai Kasang hpe shakawn kungdawn wu ai:

BU HKAWM 12:6

dai Madu gaw, “Ya chyawm gaw ngai tsun na ga na la mu! Nanhte hta myihtoi nga ai rai yang ngai hkum nan shanhte hpe shingran hta shadan dan nna yup mang ni hta tsun dan na nngai.

KASA 10:3

Lani mi na shana de daw hkying masum daram e, Lamu kasa langai mi shi kaw du sa wa nna, “Korneli e!” nga nna shi hpe shaga ai hpe shingran langai mi hta leng leng mu wu ai.

KASA 11:5

“Ngai gaw Yopa mare e akyu hpyi nga yang, ngai myit nawng mat wa nna, hpajawng zawn san ai pa kaba langai mi jut mali de jum nna sumsing lamu de na shaya jahkrat dat ai arai lama mi gaw nye makau e wa hkring nga ai hpe shingran hta ngai mu we ai.

KASA 12:9

Shaloi Petru pru nna hkan nang wu ai. Rai ti mung, Lamu kasa shabyin ai amu dai hpe kaja wa re ai, shi n chye nna shingran rai nga ai, ngu nna myit nga ai.

KASA 16:10

Pawlu dai shingran mu ai shaloi jang, Makedoni mung de rap sa wa na matu anhte hkyen lajang shajin ga ai, hpa majaw nga yang, Makedoni mung masha ni hpe dai Kabu Gara Shiga hkaw tsun dan na matu Karai Kasang anhte hpe shaga ai rai sai, ngu nna kam sham ai myit hte daw dan ai majaw rai nga ai.

KASA 16:9

Dai shana e Pawlu gaw shingran hta, Makedoni masha langai mi sa tsap nga nna, “Makedoni mung de rap sa nna anhte hpe karum la mi,” nga nna shi hpe hpyi ai mu wu ai.

KASA 18:9

Lana mi hta Pawlu shingran langai mi mu wu ai. Dai shingran hta Madu gaw Pawlu hpe, “Hkum hkrit et, sha tsun dingyang di u, asum hkum hkam et!

KASA 2:17

‘Karai Kasang ning nga ai, hpang jahtum na nhtoi ni hta masha amyu baw yawng a ntsa hta, nye a Wenyi ngai ru jaw na nngai. Nanhte a shayi shadang sha ni, myihtoi htoi na mara ai. Nanhte a brang ram ni shingran mu nna nanhte a ding la ni yup mang mu na mara ai.

KASA 22:12

“Dai mare hta tara hkungga nna anhte a jep ai Tara hpe madat mara hkan sa ai hte dai yang e nga ai Yuda masha ni yawng a man e myi man pa nna hkungga tawn ai Anani ngu ai masha langai mi nga ai.

KASA 9:12

Anani mying ai wa shang sa nna shi myi bai hpaw u ga nga shi a ntsa e lata mara da ya ai hpe, shingran hta mu nu ai,” ngu wu ai.

KASA 9:9

Ya shi gaw masum ya tup myi n mu nna dai laman hte hta hpa n lu n sha ai nga nga ai.

2 KORINHTU 11:32

Damasku mare e ngai nga ai ten hta hkawhkam Areta a npu na munggyi wa gaw ngai hpe rim la na matu mare chyinghka ni hta sin langa ni hpe jahkrat da wu ai.

GALATI 1:17

Dai hta kaga nye a shawng e kasa tai nga ai ni hte sa hkrum na ngai Yerusalem de n lung wa ai sha Arabia mung de kalang ta sa mat wa nhtawm Damasku mare de bai wa nngai.

1 SAMUELA 3:4

dai Madu gaw Samuela hpe shaga wu ai. Shi gaw, “Rai sa, Madu e!,” ngu nna htan nhtawm,