KASA 8:7 - Jinghpaw Common Language Bible 2009

⁷ N seng ai nat shung nga ai masha ni law law kaw nna nat ni gaw nsen kaba hte jahtau marawn let pru mat shajang ma ai. Lagaw hten ai ni hte katsing si ai ni law law mung mai mat shajang ma ai.

Jinghpaw Hanson Version Bible

⁷ Kaning rai nme law, nat shung ai ni law law hta na, n seng ai nat ni jahtau marawn let pru mat shajang ma ai; hkum katsing si ai ni hte lagaw hten ai ni law law mung, mai mat shajang ma ai.

KASA 8:7 ပူးပေါင်းရင်းမြစ်များ

ESAIA 35:6

Lagaw hten ai wa gaw gumlawt ai hte ka manawt na ra ai, ma-a ai wa gaw kabu gara jahtau na ra ai. Hka shi ni zaibru jang hku lwi wa na mara ai;

MAHTE 10:1

Madu Yesu gaw shi a sape shi lahkawng hte hpe shaga la nna, n seng ai nat ni hpe shaden kau lu mu ga hte, ana ahkya amyu myu, machyi makaw amyu myu hpe shamai shatsai lu na ahkang shanhte hpe jaw mu ai.

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MARKU 9:26

Nat gaw marawn shabam wa ai hte, ma hpe aja awa bu lashan shangun nhtawm, pru mat wa ai, dai ma mung, si mang langai mi zawn san mat ai hte masha shagu gaw, “Shi si mat sai,” ngu shajang ma ai.

LUKA 10:17

Dai sape marai sanit shi lahkawng hte gaw, nachying kabu gara ai myit hte bai du wa nna, “Madu e, na a mying hte daru dat yang, nat ni pyi anhte a ga madat ma ai,” ngu mu ai.

YAWHAN 14:12

Nanhte hpe ngai kaja wa teng teng tsun made ai gaw, ngai hpe kam sham ai wa gaw, ngai galaw ai amu lu galaw na ra ai, rai sa, dai hta grau kaba ai amu mung lu galaw na ra ai; hpa majaw nga yang, ngai gaw Wa hpang de wa na nngai.

KASA 5:16

Dai hta kaga, Yerusalem grup yin mare ni hkan na masha wunawng law law wa machyi ai ni hte nat shang zingri hkrum ai ni hpe woi nna, du shajang ma ai, dai ni mung yawng hte shamai shatsai ai hkrum ma ai.

KASA 8:6

Shawa masha ni mung Hpilip tsun ai ga hpe atsawm sha na lasha nna madat nga ma ai. Shanhte madat nga yang, shi galaw dan ai lamik kumla ni hpe mung mu lu ma ai.

HEBRE 2:4

Dai hta kaga Karai Kasang gaw shi nan lamik kumla ni, mauhpa amu amyu myu galaw dan ai hku nna mung, Chyoi Pra ai Wenyi hte seng ai chyeju kumhpa ni hpe shi a myit ai hku hte maren garan jaw ai hku nna mung, shanhte a sakse ni hta jat kahtap nna madun dan nga ai.