KASA 8:5 - Jinghpaw Common Language Bible 2009

⁵ Hpilip gaw Samari mung de sa wa nna Meshia a lam dai mare hta nga ai masha ni hpe hkaw tsun dan mu ai.

Jinghpaw Hanson Version Bible

⁵ Shaloi Hpilip gaw Samari mare de sa wa nna, Hkristu a lam hkaw tsun dan wu ai.

KASA 8:5 ပူးပေါင်းရင်းမြစ်များ

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 21:8

Hpang shani e anhte bai pru nna Kesare mare de du ga ai. Anhte gaw Kabu Gara Shiga hkaw tsun ai Hpilip a nta hta manam ga ai. Hpilip gaw Yerusalem mare kaw karum na matu hpung kaw nna lata san da ai marai sanit hta na langai mi rai nga ai.

KASA 5:42

Shing rai shanhte gaw, shani shagu nawku Htingnu hta mung, nta hkan e mung, Yesu gaw Meshia rai nga ai, nga nna Kabu Gara Shiga hpe matut hkaw tsun sharin nga ma ai.

KASA 6:5

Shing nga hpaji jaw ai ga dai hpe hpung ting na ni na ra ma ai rai nna, makam masham hpring tsup ai hte Chyoi Pra ai Wenyi hpring ai Stehpan ngu ai wa hte Hpilip, Prokoru, Nikanora, Timun, Parmena hte Antioki mare na Proselutu hpung na Nikola hte hpe lata la ma ai.

KASA 8:1

Shawlu mung dai masha sat ai amu hta awlaw lawm nga ai. Dai shani kaw nna Yerusalem mare na hpung gaw zingri zingrat kaba laja lana hkrum hpang wa sai. Kasa ni hta lai nna kam sham ai ni yawng gaw, Yuda mung, Samari mung, shara magup hkan e bra ayai mat wa ma ai.

KASA 8:26

Ya dai Madu a lamu kasa langai mi Hpilip hpe tsun wu ai gaw, “Rawt u, Yerusalem kaw nna Gaza de sa wa ai lam pru hkra dingda de tawk sa wa su,” ngu wu ai. (Dai lam gaw dai ni n lang mat sai nam mali lam rai nga ai.)

KASA 8:30

Hpilip mung gat sa wa nna, Myihtoi Esaia a Laika hti nga ai hpe na wu yang, “Nang hti ai lam hpe chye na da wu ni?,” ngu nna san wu ai.

KASA 8:40

Hpilip chyawm gaw, Azutu mare e shi du nga ai hpe chye wu ai. Dai hpang shi gaw Kesare mare de sa wa ai lam e mare langai hte langai hta shang nna Yesu Hkristu a lam Kabu Gara Shiga hkai dan wu ai.

KASA 8:6

Shawa masha ni mung Hpilip tsun ai ga hpe atsawm sha na lasha nna madat nga ma ai. Shanhte madat nga yang, shi galaw dan ai lamik kumla ni hpe mung mu lu ma ai.

KASA 9:20

Shi gaw tara jawng ni de alawan sa du nna Yesu gaw Karai Kasang a Kasha rai nga ai lam hkaw dan nga ai.

1 KORINHTU 1:23

Anhte chyawm gaw, wudang hta jen da hkrum ai Hkristu a lam hkaw dan ga ai, dai hkaw dan ai mungga gaw Yuda ni a matu grai n rawn hpa hte myit kataw shara, maigan masha ni a man e lachyum n pru ai angawk angak re ai lam rai nga ai.

1 KORINHTU 2:2

Hpa majaw nga yang, ngai nanhte hte rau nga nga ai ten hta, Yesu Hkristu a lam, grau nna wudang ntsa e Madu si hkam ai lam hta jan nna kaga lam nga manga hpe malap kau na matu ngai myit daw dan da se ai.

1 KORINHTU 3:11

Hpa majaw nga yang, Karai Kasang kalang mi gaw jahkrat da sai Yesu Hkristu ngu ai npawt nhpang langai mi hta kaga npawt nhpang shaje gaw da lu ai n rai.