KASA 8:4 - Jinghpaw Common Language Bible 2009

⁴ Shara shagu bra hkawm mat ai dai kam sham ai ni gaw dai Kabu Gara Shiga hpe hkaw tsun nga ma ai.

Jinghpaw Hanson Version Bible

⁴ Bra hkawm mat wa ai ni chyawm gaw, mungga hkaw dan let htawt hkawm nga ma ai.

KASA 8:4 ပူးပေါင်းရင်းမြစ်များ

MAHTE 10:23

Mare langai mi hta nanhte hpe zingri zingrat myit yang gaw, kaga de hprawng sa mu. Nanhte hpe ngai teng teng tsun made ai gaw, Israela mare nga manga hte hta nanhte galaw ra ai amu n ngut kre shi yang, dai Masha Kasha gaw du na ra ai.

LUKA 1:2

Dai lam ni hpe shawng npawt kaw nna, tinang myi hte mu yu sai, dai Kabu Gara Shiga hkaw tsun ai ni tsun dan ai hte maren shanhte ka lajang da masai.

KASA 11:19

Ya Stehpan hpe sat kau ai kaw nna hpang wa ai zingri zingrat lam a majaw bra mat wa ai kam sham ai ni gaw, Hponisha, Kupru hte Antioki mare du hkra len hkawm nna Yuda ni hpe hkrai sha dai mungga hkaw dan ma ai.

KASA 15:35

Pawlu yan Barnaba chyawm gaw Antioki mare e matut hkring nga nna manang law law hte, Madu a mungga sharin achyin ya nna, hkaw dan ma ai.

KASA 8:1

Shawlu mung dai masha sat ai amu hta awlaw lawm nga ai. Dai shani kaw nna Yerusalem mare na hpung gaw zingri zingrat kaba laja lana hkrum hpang wa sai. Kasa ni hta lai nna kam sham ai ni yawng gaw, Yuda mung, Samari mung, shara magup hkan e bra ayai mat wa ma ai.

KASA 8:12

Rai ti mung, Karai Kasang a Mungdan hte seng ai, Madu Yesu Hkristu hte seng ai Kabu Gara Shiga a lam, Hpilip hkaw dan ai hpe kam sham ma yang numsha lasha hkalup hkam la ma ai.

1 HTESALONI 2:2

Anhte gaw nanhte nga ai Htesaloni mare de garai n sa yang, Hpilipi mare e anhte hpe gara hku zingri zingrat ai hte asawng asang di ai hkrum sha saga ai hpe nanhte chye nga myit dai. Shing rai nhtan shai ninghkap ai lam law law nga ti mung, nanhte hpe Karai Kasang kaw na Kabu Gara Shiga tsun dan lu na matu anhte a Karai Kasang gaw anhte hpe nden marai jaw da mani ai.