KASA 8:39 - Jinghpaw Common Language Bible 2009

³⁹ Shan hka na lung wa ma yang dai Madu a Wenyi Hpilip hpe woi mat wa wu ai. Du wa mung Hpilip hpe bai n mu nu ai rai tim shi sa wa ai lam de kabu gara let wa mat nu ai.

Jinghpaw Hanson Version Bible

³⁹ Hka na lung wa ma yang, dai Madu a Wenyi Hpilip hpe woi mat wa nna, Unuk wa mung shi sa wa ai lam de kabu gara let bai wa wu ai rai nna, shi e bai n mu wu ai.

KASA 8:39 ပူးပေါင်းရင်းမြစ်များ

1 HKAWHKAM 18:12

Ngai pru mat wa ai shaloi jang, dai Madu a wenyi gaw n chye ai shara nkau mi de nang hpe woi mat wa na ra ai n rai ni? Dai hpang nang ndai yang e nga nga ai ngu nna Ahab hpe ngai tsun jang, shi nang hpe n mu tam ai shaloi ngai hpe sat kau na ra ai. Ngai chyawm gaw ma aten kaw nna dai Madu hpe kam sham nawku ai wa rai nga nngai hpe dum u law.

2 HKAWHKAM 2:16

“Nang e n-gun ja ai masha yawng anhte hta manga shi rai nga ga ai. Na a madu hpe sa tam saga. Dai Madu a wenyi gaw shi hpe shapoi mat wa nna bum ntsa hkan e mung, kadit shara nkau mi hkan e mung shi hpe tawn kau da mai nga ai,” ngu nna tsun ma ai. Elisha gaw, “N rai law, nanhte sa lu na myit dai n rai,” ngu nna htan wu ai.

SHAKAWN KUNGDAWN 119:111

Na a hkang da ai tara ni gaw prat dingsa na nye a sut gan ni rai nga ai; dai ni gaw nye myit masin kabu gara ai lam rai nga ai.

SHAKAWN KUNGDAWN 119:14

Sut gan nlang hkam la lu ai hta, na a hkang da ai tara ni hpe hkan nang nga na, ngai grau ra sharawng nga nngai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

EZEKELA 11:1

Karai Kasang a wenyi gaw ngai hpe pawn la nna, Nawku Htingnu a sinpraw chyinghka de ngai hpe woi wa nga ai. Shaloi dai chyinghka lam a makau e marai hkun manga nga nga ai hpe ngai mu nngai; shanhte hta amyu baw a ningbaw rai nga ai Azura a kasha Yazania hte Benaia a kasha Pelatia yan mung lawm nga ma ai hpe ngai mu nngai.

EZEKELA 11:24

Karai Kasang a wenyi gaw shi a shingran hta ngai hpe pawn la nna Babelon mung na bawng dung ai ni hpang de ngai hpe bai woi nhtang wa ni ai. Dai hpang shingran hkoi mat wa nna,

EZEKELA 37:1

Dai Madu a hpung shingkang gaw ngai hta nga ai rai nna, shi a wenyi gaw ngai hpe woi lakawn mat wa nna, nrut nra ni hte hpring ai kadit shara hta tawn da wu ai.

EZEKELA 43:5

Dai Madu a wenyi gaw ngai hpe pawn let, kata wang de woi wa yang, yu u, dai Madu a hpung shingkang hte hpring nga ai Nawku Htingnu hpe ngai mu nngai.

EZEKELA 8:3

Shi gaw lata hkrang zawn re ai hpe ladawn dat ai hte nye a kara hpe magra jum da wu ai. Shaloi ndai shingran hta, Karai Kasang a wenyi gaw ngai hpe ntsa de pawn shalun la nhtawm Yerusalem de woi sa nga ai. Shi gaw ngai hpe Nawku Htingnu a dingdung chyinghka a kata shang wa lam de woi sa nga ai; dai shara gaw Karai Kasang hpe nchyi nmu byin shangun ai nsu nnawn hpara sumla langai mi hpe shadun da ai shara mung rai nga ai.

MAHTE 13:44

“Sumsing Lamu a Mungdan gaw, ga dachyawk hta e makoi da nna masha langai mi e mu hkrup ai hte bai makoi da ai sutgan hte bung nga ai. Kabu gara ai myit hte shi wa nhtawm, shi lu malu hte hpe dut kau nna, ga dachyawk dai hpe mari la wu ai.

MAHTE 3:16

Ya, Yesu hkalup hkam la ngut ai hte rau, dai hka hta na byawn hprang rai lung wa ai. Dai shaloi lamu hpaw malang wa nhtawm, Karai Kasang a Wenyi gaw hkrudu langai mi zawn yu hkrat wa nna shi a ntsa e dung nga ai hpe shi mu wu ai.

MARKU 1:10

Shaloi jang dai hka hta na pru lung wa yang, sumsing lamu hpaw malang wa nna dai Wenyi gaw hkrudu langai mi zawn shi a ntsa e yu hkrat wa ai hpe shi mu wu ai.

KASA 13:52

Antioki mare na sape ni chyawm gaw, kabu gara ai hte Chyoi Pra ai Wenyi hpring nga ma ai.

KASA 16:34

Bai shi gaw Pawlu yan Sila hpe shi a nta ntsa de woi shashawn la nna lusha galaw daw let Karai Kasang hpe kam sham lu sai majaw, shi hte nta ting nachying kabu gara nga ma ai.

KASA 8:29

Dai Chyoi Pra ai Wenyi gaw Hpilip hpe, “Htawra gumra leng de sa nna rau htep hkan nang u,” ngu wu ai.

KASA 8:38

Shaloi shi a leng jahkring na tsun nna shan lahkawng hka de yu wa nhtawm Hpilip gaw du wa hpe hkalup jaw wu ai.

KASA 8:8

Dai rai nna, dai mare hta kabu gara lam kaba rai nga ai.

ROMA 5:2

Anhte Madu Yesu Hkristu hpe kam sham ga ai rai nna shi gaw Karai Kasang anhte hpe gade chyeju hkam sha shangun ai lam wa mu chye shangun mi ai. Dai chyeju hta ya anhte hkrung nga ga ai. Dai rai nna Karai Kasang a hpung shingkang hpe hkam la lu na myit mada let anhte kabu gumrawng nga ga ai.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.

YAKU 4:16

Rai ti mung ya gaw nanhte gumrawng gumtawng ai hte shakawng shakat rai nga myit dai; shing rai shakawng shakat rai gumrawng ai lam yawng gaw shut ai lam rai nga ai.