KASA 8:34 - Jinghpaw Common Language Bible 2009

³⁴ Shaloi dai du wa gaw Hpilip hpe, “Myihtoi wa gaw kadai hpe sha-ang nna tsun nga a ta? Shi hkum hpe tsun ai rai kun? Shing n rai kaga wa a lam tsun ai rai kun?,” ngu nna san wu ai.

Jinghpaw Hanson Version Bible

³⁴ Shaloi dai Unuk wa gaw Hpilip hpe, “Rai taw, dai myihtoi wa gaw kadai hpe sha-ang nna tsun ai rai ta? shi hkum hpe tsun ai rai kun? shing n rai, kaga wa a lam tsun ai rai kun?” ngu nna san wu ai.

KASA 8:34 ပူးပေါင်းရင်းမြစ်များ

MAHTE 13:36

Dai hpang Yesu gaw shawa masha ni kaw na pru mat wa nna nta hta e shang mat wa ai. Shaloi shi a sape ni shi kaw sit sa wa nna, “Hkauna hta e tu ai tsing ga shadawn a lam, anhte hpe htai dan mi,” ngu mu ai.

MAHTE 15:15

Shaloi Petru gaw, “Ndai ga shadawn anhte hpe htai dan mi,” ngu nna htan wu ai.

KASA 8:27

Shaloi Hpilip hkyen la nna rawt sa wa ai. Ya yu mu, Ehtiopi mung up ai Hkawhkam num Kandake a man e ahkang kaba lu nna sutgan yawng up sin ya ai Ehtiopi unuk langai mi gaw shi a nta de wa nga ai. Shi gaw Karai Kasang hpe nawku daw jau na matu Yerusalem de sa du nga ai.

KASA 8:33

Shagrit kau ai shi hkrum nna tara ai lam byin hkra shi a matu galaw ya ai wa n nga ai. Ndai mungkan na shi a asak hpe dawm kau ya wu ai majaw, shi a shu mashi shu masha ni a lam kadai gawn dan lu na rai ta?,” nga ai.

KASA 8:35

Shaloi ga tsun hpaw ai hte dai chyum ga hta npawt hpang nhtawm, Yesu hte seng ai Kabu Gara Shiga shi hpe hkai dan wu ai.