KASA 8:32 - Jinghpaw Common Language Bible 2009

³² Shi hti ai laika a ga gaw ndai rai nga ai: “Sat na sagu hpe zawn shi hpe dun sa wa nu ai, Sagu kasha gaw shi a mun rep ai shaloi atsin sha nga ai zawn, shi mung n shaga ai sha nga nga ai.

Jinghpaw Hanson Version Bible

³² Shi hti ai laika a ga gaw ndai rai nga ai, “Sat na matu sagu hpe zawn, shi hpe dun sa wa nu ai; Sagu kasha gaw mun rep ai wa a man e atsin sha nga ai zawn, Shi mung n shaga ai sha nga ai.

KASA 8:32 ပူးပေါင်းရင်းမြစ်များ

SHAKAWN KUNGDAWN 39:2

Mai kaja ai lam hpe pyi, ga hkum mi n tsun ai sha, ngai zim rai nga nga nngai! Rai ti mung, nye a nni nkri chyu sha grau rawt sawng wa nga li ai,

SHAKAWN KUNGDAWN 39:9

Nang ngai hpe ndai zawn re ai nni nkri hpe jahkrum ai wa rai nga ndai majaw, ngai ga hkaw mi mung n tsun ai sha, zim rai nga na nngai.

YEREMIA 11:19

Ngai mahtang, sat na matu dun shapraw sa wa ai sumnung ai sagu kasha zawn rai nga nngai; shanhte gaw n hkru ai amu ni galaw maw mawn nhtawm ngai hpe gumle gumlau galaw kau na, dai hku lajang nga ma ai hpe ngai n chye nngai. Shanhte gaw, “Anhte gaw ndai hpun asi ja kat nga ai aten hta kran daw kau ga; kadai e mung shi hpe galoi mung n dum lu manu ga, anhte shi hpe sat kau ga,” ngu nna tsun ma ai.

YEREMIA 12:3

Rai ti mung, Madu e, nang gaw ngai hpe chye ndai; Ngai hpa galaw ai hte ngai nang hpe kade daram tsaw ra nga ai hpe nang mu ndai. Ndai n hkru ai amyu masha ni hpe sat na sagu ni hpe zawn dun garawt mat wa u; shanhte hpe sat kau na aten ladaw da ai du hkra shanhte hpe sin da u.

YEREMIA 51:40

Ngai gaw shanhte hpe sat kau na matu sagu kasha ni, bainam ni hte sagu la ni hpe zawn dun la na nngai. Dai Madu ngai nan tsun ni ai,” ngu nna tsun wu ai.

LUKA 23:34

Yesu gaw, “Wa e, shanhte a mara hpe dat kau ya mu, shanhte galaw ai lam hpe shanhte n chye nga ma ai,” nga ai. Shanhte gaw, shi a hpun palawng ni hpe mung hpaida da nna garan la ma ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe mu wu yang, “Mungkan masha ni a yubak gun kau ya ai, Karai Kasang a Sagu Kasha rai nga ai law!

KASA 8:31

Dai du wa gaw, ngai hpe marai langai ngai htai dan ai n nga yang, ngai kaning rai chye na na rai ta?, nga nna htan nhtawm shi kaw rau leng hta lung dung na Hpilip hpe saw wu ai.

ROMA 8:36

Dai gaw, “Na a jaw e anhte shani shagu sat kau ai hkrum ga ai; sat na san da ai sagu hpe zawn anhte hpe nawn da mi ai,” nga nna Chyum Laika hta ka da ai hte maren rai nga ai.

1 KORINHTU 15:3

Hpa majaw nga yang, ngai hkam la sai ahkyak dik ai lam ni hpe, ngai nanhte hpe ap ya made ai. Dai gaw, Chyum Laika ni hta ka da nga ai hte maren, Hkristu gaw anhte a yubak mara a matu si hkam sai lam,

1 PETRU 1:19

Ana n kap ra n rawng ai sagu kasha hte bung ai hpu la ai Hkristu a asak hpe nawng ya kau ai hku nna, hkye hkrang la ai lam rai nga ai.