KASA 8:25 - Jinghpaw Common Language Bible 2009

²⁵ Shan chyawm gaw, dai Madu a mungga lam sakse hkam nna hkai dan ngut jang Yerusalem mare de bai wa mat ma ai. Shan a wa maga hkrun lam e Samari kahtawng law law hkan dai Kabu Gara Shiga hkaw dan ma ai.

Jinghpaw Hanson Version Bible

²⁵ Shan chyawm gaw, dai Madu a mungga lam sakse hkam nna hkai dan ngut jang, Samari kahtawng law law hkan e dai kabu gara shiga hkaw dan let, Yerusalem mare de bai wa ma ai.

KASA 8:25 ပူးပေါင်းရင်းမြစ်များ

MAHTE 10:5

Dai shi lahkawng hte hpe Yesu shangun dat nna matsun dat mu ai gaw, “Tara Maigan masha ni nga ai buga ginra hte kaga Samari mare ni hta mung hkum shang hkum sa mu.

LUKA 16:28

Ngai nau ni manga naw nga ma ai majaw, shanhte mung ndai nni nkri hkrum ai shara de n du mu ga, shanhte hpe wa shadum jahprang sadi jaw shangun ya rit law,’ ngu nna hpyi wu ai.

YAWHAN 15:27

Nanhte mung, shawng nnan kaw nna ngai hte rau nga nga manit dai majaw, nye a lam sakse hkam ya na marin dai, ngu mu ai.

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 13:12

Munggyi wa dai byin ai lam hpe mu jang Madu a sharin shaga ai lam hpe grai mau ai hte kam sham nga ai.

KASA 18:5

Ya Sila yan Timohti Makedoni mung nna hkan dep du wa ma yang Pawlu gaw mungga hkaw tsun ai amu hkrai san aten jaw nna, Yesu gaw Meshia nan rai nga ai lam Yuda masha ni hpe sakse hkam dan nga ai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

KASA 28:28

Hpungdim hku nna Pawlu gaw, “Dai re ai majaw Karai Kasang a hkye hkrang la ai mungga hpe maigan amyu ni hpang de jaw dat nu ai rai nna shanhte mahtang madat mara hta la na mara ai gaw nanhte nan chye nga mu law!,” ngu mu ai.

KASA 28:31

Karai Kasang a mungdan lam hkaw dan ai hte Madu Yesu Hkristu hte seng ai lam n dut n dang nden ja ai myit hte hkaw tsun sharin shaga nga ai.

KASA 8:40

Hpilip chyawm gaw, Azutu mare e shi du nga ai hpe chye wu ai. Dai hpang shi gaw Kesare mare de sa wa ai lam e mare langai hte langai hta shang nna Yesu Hkristu a lam Kabu Gara Shiga hkai dan wu ai.

1 PETRU 5:12

Ngai gaw ndai laika kadun ni hpe Sila a karum ai hte ka dat we ai; shi gaw ngai grai kam lu ai kangka ai Hkristan hpu nau wa langai mi rai nga ai ngu nna ngai sawn da ai rai nga ai. Ndai gaw Karai Kasang a teng man ai chyeju rai nga ai lam ngai nanhte hpe n-gun jaw let sakse hkam na matu ndai laika ka dat nngai, Dai hta ngang ngang tsap ngu mu.