KASA 8:13 - Jinghpaw Common Language Bible 2009

¹³ Simun shi nan mung kam sham wa nna hkalup hkam la ngut jang Hpilip kaw hkan nang nga ai. Lamik kumla hte mauhpa amu kaba ni galaw dan ai hpe shi mu yang mau mahka mat nga ai.

Jinghpaw Hanson Version Bible

¹³ Simun shi mung kamsham nna, baptisma hkam la ngut jang, Hpilip kaw hkan nang nga ai: lamik kumla hte mauhpa amu kaba ni shi mu jang, mau mahka mat nga ai.

KASA 8:13 ပူးပေါင်းရင်းမြစ်များ

HABAKU 1:5

Dai hpang, dai Madu gaw shi a amyu masha ni hpe, “Nanhte hpe wang gawan da nga ai masha amyu ni hpe yu shati nga mu, nanhte gaw nanhte hpa mu ai lam hpe mau mat na myit dai. Nanhte dai lam na ai shaloi, nanhte n kam lu ai lam lama mi hpe ngai shabyin dat na nngai.

MAHTE 3:6

Shanhte gaw tinang a yubak mara ni hpe shapraw shadan yin la ma ai majaw, Yawhan gaw shanhte hpe Yawdan hka hta hkalup jaw mu ai.

MARKU 16:17

Kam sham ai ni hpe lamik kumla ni galaw na atsam jaw ya na ra ai; shanhte gaw nye a mying ningsang hte nat ni hpe shaden kau lu na mara ai; shanhte gaw laklai ai ga ni tsun shaga na mara ai.

LUKA 8:13

Nlung hkrai re ai ga hta hkrat ai nli tum ni gaw, dai mungga hpe na la nna kabu gara ai myit hte hkap la ma ai. Rai ti mung, shanhte hta ru sung sung n jung ai majaw, tawng marang mi sha kam sham nhtawm, agung alau hkrum ai ten du jang, shanhte bai htak mat ai ni hpe ngu ai rai nga ai.

YAWHAN 5:20

Kawa gaw Kasha hpe tsaw ra wu ai rai nna, shi nan galaw nga ai amu yawng mayawng Kasha wa hpe madun wu ai, ndai amu ni hta grau kaba ai amu ni hpe pyi galaw na matu Kawa gaw Kasha hpe madun dan na ra ai rai nna, nanhte yawng mau mahka na marin dai.

YAWHAN 7:21

Yesu gaw, “Ngai lamik kumla langai mi galaw se ai rai nna, nanhte yawng mau manit dai.

KASA 13:44

Hpang na Bansa Nhtoi hta Karai Kasang a mungga na la na matu, mare ting ganoi mahkra wa du sa hpawng nga ma ai.

KASA 19:11

Karai Kasang mung Pawlu hku nna shawoi n byin yu ai laklai ai lamik kumla ni hpe madun dan nga ai.

KASA 3:10

Dai wa gaw Nawku Htingnu a Tsawm Pra Chyinghka makau e dung nga nna hpyi sha ai wa rai nga ai hpe shanhte chye yu da mu ai rai nna, shi hta byin wa ai lam hpe mau mahka mat nga ma ai.

KASA 8:21

Karai Kasang a man e na a myit masin n ding n hpring nga lit dai majaw, anhte galaw ai amu hta na a matu kamhtaw hpa mung lawm lu na ndai n rai.