KASA 8:11 - Jinghpaw Common Language Bible 2009

¹¹ Shi gaw shanhte hpe mandan lakle hpaji hte shamau dan ai ram ram wa na wa sai majaw, shi hpe ndai zawn madat mara nga ma ai.

Jinghpaw Hanson Version Bible

¹¹ Dai wa gaw, na na wa shi a lakle amu hte shanhte hpe shamau mu ai majaw, shi hpe kam ya ai rai ma ai.

KASA 8:11 ပူးပေါင်းရင်းမြစ်များ

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

ESAIA 8:19

Rai ti mung amyu masha ni gaw kadum kahte nga nna tsun ai mandan bau ai sara ni hte nat myihtoi ni kaw mandan ga hpyi san na matu nanhte hpe tsun na mara ai. Shanhte gaw, “Hpang jahtum e, amyu masha ni gaw wenyi minla ni kaw nat ga san mai ang ai hte hkrung nga ai ni a matu si mat sai ni hte tsun shaga san jahkrup nga ma ai,” ngu nna tsun na mara ai.

KASA 13:6

Ya shanhte gaw dai zunlawng ting ga hkawm sa wa nna Pahpu mare du ma yang Bara-Yesu mying ai Yuda masha rai nga ai lakle sara mung rai, masu ai myihtoi mung rai, re ai wa hpe mu hkrup ma ai.

KASA 8:9

Dai mare hta Simun mying ai masha langai mi nga ai. Dai wa gaw dai mare hta tawng marang mi lakle madun dan rai nna masha ni hpe shamau mu ai. Shi gaw shi hkum hpe shi ningbaw ningla kaba langai mi rai nngai nga ai.

GALATI 3:1

Angawk angak re ai Galati masha ni e, wudang hta e Yesu Hkristu si hkam ai lam hpe nanhte a myiman e pra pra mu lu hkra, ngai tsun sanglang dan sai mi, nanhte hpe kade e hkalem la kau myit ta?