KASA 8:10 - Jinghpaw Common Language Bible 2009

¹⁰ Dai mare hta nga ai masha pang amyu myu kaw na masha ni mung, “Ndai wa gaw galu kaba ai n-gun atsam ngu ai Karai Kasang a n-gun atsam nsam dagraw nna du sa ai wa rai nga ai,” nga nna dai Simun ngu ai wa a ga hpe atsawm sha madat ma ai.

Jinghpaw Hanson Version Bible

¹⁰ masha kaji kaba yawng mung, “Ndai wa gaw, Galu kaba ngu ai, Karai Kasang a atsam rai nga ai,” nga nna shi a ga madat ma ai.

KASA 8:10 ပူးပေါင်းရင်းမြစ်များ

YEREMIA 31:34

Kaji htum ai kaw na kaba htum ai du hkra, nlang hte gaw ngai hpe chye wa na mara ai majaw, dai Madu a lam chye na na matu shanhte kaw na langai wa mi mung shi a htingbu ni hpe sharin achyin ya ra na n rai. Ngai gaw shanhte a yubak mara ni hpe raw dat kau ya nna shanhte a shut hpyit ai amu ni hpe galoi mung dum nga na nngai n rai. Dai Madu ngai nan tsun ni ai.”

YEREMIA 42:1

Dai hpang, hpyen du ni yawng, Karea a kasha Yohanan, Hoshaia a kasha Yezania hte mung masha tsang shara shagu de na ni gaw

YEREMIA 6:13

Masha kaji kaba yawng hte gaw n ding n man ai hku gumhpraw tam shakut nga ma ai; myihtoi ni hte hkinjawng ni pyi amyu masha ni hpe masu hkalem nga ma ai.

YEREMIA 8:10

Dai re ai majaw, ngai gaw shanhte a yi hkauna ni hpe madu nnan ni a lata de jaw kau na we ai; shanhte a madu jan ni hpe mung kaga masha ni a lata de ap kau na we ai. Masha kaji kaba yawng hte gaw n ding n man ai hku gumhpraw tam shakut ma ai. Myihtoi ni hte hkinjawng ni pyi amyu masha ni hpe masu hkalem nga ma ai.

YONA 3:5

Ninewe mare masha ni gaw Karai Kasang a mungga hpe kam ma ai. Dai rai nna shanhte myit malai lu sai hpe madun na matu kaba grau ai kaw nna kaji htum ai wa kaw du hkra, masha shagu lachyit nba hpun let lusha gam na matu daw dan da nga ma ai.

KASA 14:11

Shing rai Pawlu galaw ai amu hpe shawa masha ni mu jang, shanhte gaw Lukaoni ga hte, “Hpara ni, masha hkum hkrang dagraw nna, anhte hpang de yu hkrat wa mara ai,” nga nna jahtau ma ai.

KASA 28:6

Shanhte gaw shi hkum bum wa na ra ai, shing n rai shi jahkring sha hta kadawng si na ra ai, nga nna la yu nga ma ai. Rai ti mung shanhte na na wa la yu nga ma yang, shi hta hpa mung n byin wa ai hpe mu jang shanhte myit bai galai nna ndai wa gaw, “Hpara langai mi she rai nga ai,” nga nna bai tsun ma ai.

1 KORINHTU 1:24

Rai ti mung, Karai Kasang e shaga la hkrum ai Yuda ni hte maigan masha ni a matu mara, shi gaw Karai Kasang a atsam hte Karai Kasang a hpaji byeng-ya ngu ai Hkristu nan rai nga ai.

2 KORINHTU 11:19

Nanhte nan hpaji nau rawng nna angawk ai ni hpe kabu gara ai hte hkam sharang nga myit dai!

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

2 PETRU 2:2

Shing rai hkra rai ti mung, masha law law wa shanhte a n kaja ai kyang lai len lam hta hkan sa na mara ai. Shanhte shing rai galaw ma ai majaw dai teng man ai Lam hpe masha kaga ni n kaja ai hku tsun jahpoi na mara ai.

SHINGRAN 13:3

Matse labye a baw ni hta na langai mi gaw, si na daram nma kap ai zawn rai nga ai, rai ti mung dai nma gaw mai mat salu ai. Mungkan ting gaw dai matse labye a lam mau mahka ai hte shi a hpang hkan nang nga ma ai.