KASA 8:1 - Jinghpaw Common Language Bible 2009

¹ Shawlu mung dai masha sat ai amu hta awlaw lawm nga ai. Dai shani kaw nna Yerusalem mare na hpung gaw zingri zingrat kaba laja lana hkrum hpang wa sai. Kasa ni hta lai nna kam sham ai ni yawng gaw, Yuda mung, Samari mung, shara magup hkan e bra ayai mat wa ma ai.

Jinghpaw Hanson Version Bible

¹ Shawlu mung shi hpe sat kau ai amu hta awlaw lawm nga ai. Dai shani e Yerusalem mare na Hpung gaw zingri zingrat kaba hkrum wa ai rai nna, kasa ni hta kaga, gale nlang hte gaw, Yuda mung, Samari mung, shara magup hkan e bra mat wa ma ai.

KASA 8:1 ပူးပေါင်းရင်းမြစ်များ

NEHEMIA 6:3

Ngai gaw shanhte hpang de kasa ni hpe shangun dat nhtawm, “Ngai gaw ahkyak ai amu galaw nga nngai majaw dai de n lu yu wa nngai. Nanhte kaw sa hkrum na hte sha nye a bungli hpe n jahkring da lu na nngai,” ngu nna tsun dat we ai.

Daniela 6:10

Dai zawn hkang da ai hta dazik shakap da sai hpe Daniela chye jang, nta de wa mat wa wu ai. Ya shi a nta ntsa gawk hta Yerusalem mare maga de man yawng nna hpaw da ai hkuwawt chyinghka ni nga nga ai. Dai yang e, shi galoi mung galaw nga ai hte maren, hpaw da ai hkuwawt chyinghka ni hta hput di let lani mi masum lang Karai Kasang kaw akyu hpyi nga ai.

Daniela 6:23

Hkawhkam wa gaw nachying kabu ai hte Daniela hpe nhkun kaw na gang shaw la na matu hkang dat wu ai. Shanhte gang shaw la ngut ai shaloi, Karai Kasang hpe shi kamhpa ai a jaw e, shi hta kachyi mi pyi n machyi hkrum nga ai hpe mu mada nga ma ai.

MAHTE 22:6

Naw nga ai ni mahtang gaw, shi a mayam ni hpe rim la nna anu kayat ai hte sat kau ma ai.

MAHTE 23:34

Dai rai nna, nanhte hpe ngai tsun made ai gaw, myihtoi ni, hpaji rawng ai ni hte tara sara ni hpe nanhte hpang de ngai shangun dat na mawe ai rai nna, shanhte hta na nkau mi hpe sat kau na ma ai, nkau mi hpe wudang hta jen da na hte, nkau mi hpe tara jawng ni hta anu kayat di nna mare mi hte mare mi de hkan shachyut rim zingri na maru ai.

MAHTE 5:13

Nanhte gaw dinghta shinggyim masha yawng a matu jum hte bung nga myit dai. Dai jum mahtang hkawng mat yang gaw dai hpe bai jashum la lu na lam n nga ai. Shinggan de kabai kau nna masha ni e kabye kau na hta kaga, hpa asung mi n shang lu ai.

YAWHAN 15:20

‘Mayam gaw madu hta grau kaba ai n rai,’ ngu nna ngai nanhte hpe tsun ai ga hpe dum nga mu; ngai hpe pyi zingri zingrat ma ai rai yang gaw, nanhte hpe mung zingri zingrat na mara ai. Shanhte nye a ga madat mara ma yang gaw, nanhte a ga hpe mung, madat mara ya na mara ai.

YAWHAN 16:2

Shanhte gaw Tara Jawng ni hta na nanhte hpe gawt shapraw kau na mara ai. Nanhte hpe sat kau lu ai wa kadai mung, Karai Kasang a magam gun hpai nga nngai, nga nna myit la ai aten kaja wa du wa na ra ai.

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 13:1

Ya Antioki mare na hpung hta e myihtoi ni, sara ni nkau mi lawm nang nga ma ai; Dai ni gaw, Barnaba, shan chyang masha ngu ai Simun, Kureni masha Luki, Herod munggyi a kaji kaw nna rau ram kanawn manang rai nga ai Manaen, hte Shawlu ni rai ma ai.

KASA 13:36

Dawi gaw shi asak hkrung nga ai laman hte hta, Karai Kasang a yaw shada ai lam nga ai hte maren hkan sa gun hpai ngut jang shi si nna, shi a kaji kawa ni a lup ding lup ra hta lup makoi ai hte shi a hkum hkrang gaw dai lup hta hten yat mat salu ai.

KASA 2:47

Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

KASA 22:20

Madu a lam sakse hkam ya ai wa Stehpan hpe sat kau ma ai shaloi mung ngai nan makau e tsap nna, shi hpe sat kau ai lam myit hkrum let, shi hpe sat kau ai ni a hpun palawng ni hpe sin ya nngai,’ ngu we ai.

KASA 26:10

Kaja wa Yerusalem mare e dai hku nan ngai galaw yu se ai. Hkinjawng agyi ni kaw na ahkang lu la nna, Karai Kasang a masha ni law law hpe htawng hta bang da nna, shanhte hpe sat kau na daw dan ai shaloi ngai myit hkrum lawm ni ai.

KASA 5:18

Shing rai shanhte gaw kasa ni hpe rim la nhtawm mare na htawng hta bang da mu ai.

KASA 5:20

“Nanhte pru wa nna Nawku Htingnu e wa tsap let, ndai asak hkrung ai lam ningnan hte seng ai ga yawng mayawng shawa masha ni hpe tsun dan mu,” ngu dat wu ai.

KASA 5:33

Kongsi hpawng hta lawm ai ni dai ga na jang shanhte ja ja masin pawt bu nna kasa ni hpe shanhte sat kau mayu da mu ai.

KASA 5:40

Shanhte gaw kasa ni hpe shaga jashawn la nna kayat nhtawm, Yesu a mying hte n sharin n shaga lu na lam hkang da ngut jang, dat dat mu ai.

KASA 7:38

Nam mali e hpawng nga ai Israela amyu masha ni hte mung, anhte a ji wa ni hte mung, Sina bum e shingran jaw ai lamu kasa hte mung rau rai nga ai wa gaw shi nan rai nga ai. Anhte hpe bai htawn tsun na ap ya ai Karai Kasang kaw na asak hkrung ai mungga hkap la ai wa mung shi rai nga ai.

KASA 7:54

Yuda tara kongsi hpung hta lawm ai ni gaw Stehpan a ga hpe na jang masin nachying pawt nna wa wudik let yu da mu ai.

KASA 7:58

Mare shinggan de dun shapraw nhtawm, nlung hte jawm kabai mu ai. Sakse ni mung Shawlu mying ai shabrang wa a lagaw nhpang e shanhte a hpun palawng ni hpe yu ya na matu raw tawn ma ai.

KASA 8:14

Samari masha ni, Karai Kasang a mungga hta la ma ai lam Yerusalem e nga ai Kasa ni na ma yang, shanhte gaw Petru hte Yawhan hpe shangun dat mu ai.

KASA 8:2

Tara hkungga ai masha nkau mi Stehpan a moi mang hpe makoi mayang nna, shi a majaw hkrap ngu hkrap ngoi kaba hte yawn hkyen ma ai.

KASA 8:4

Shara shagu bra hkawm mat ai dai kam sham ai ni gaw dai Kabu Gara Shiga hpe hkaw tsun nga ma ai.

KASA 8:5

Hpilip gaw Samari mung de sa wa nna Meshia a lam dai mare hta nga ai masha ni hpe hkaw tsun dan mu ai.

KASA 9:31

Dai majaw dai aten hte yang Yuda mung Galile mung hte Samari mung shara magup hkan e nga ai hpung gaw zingri zingrat n hkrum ai angwi apyaw sha nga lu nga ma ai. Dai hpung gaw Karai Kasang hpe hkrit hkungga ai myit hte asak hkrung shamu shamawt nna Chyoi pra ai Wenyi a karum madi shadaw ai hte ngang kang grin nga ai rai nna hpung masha ni law htam wa ma ai.

ROMA 1:32

Shing rai galaw ai ni gaw si ging nga ma ai nga nna Karai Kasang a tara hta hkang da nga sai hpe shanhte chye chyalu rai ma ai rai ti mung, shanhte hkum nan dai lam ni hpe galaw dingyang rai nga ma ai hta n ga, dai hku hkan galaw ai ni hpe mung n-gun jaw awlaw ma ai.

HPILIPI 1:12

Bai hpu nau ni e, ngai hta byin ai lam ni gaw dai Kabu Gara Shiga jat galu kaba wa na lam hpe kaja wa karum madi shadaw na matu byin wa sai rai nga ai lam ngai nanhte hpe chye shangun mayu nngai.

HEBRE 11:27

Kam sham ai hte Mawshe gaw Hkawhkam wa a masin pawt ai hpe n hkrit ai sha Egutu mung kaw na pru mat wa wu ai. Shi gaw myi hte n mu lu ai Karai Kasang hpe mu lu ai zawn Egutu mung de bai nhtang wa na hpe ningdang kau wu ai.