KASA 7:60 - Jinghpaw Common Language Bible 2009

⁶⁰ Bai hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai, dai tsun ngut jang shi nsa hti mat ai.

Jinghpaw Hanson Version Bible

⁶⁰ Bai, hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai: dai tsun ngut jang shi yup mat wa ai.

KASA 7:60 ပူးပေါင်းရင်းမြစ်များ

EZRA 9:5

Ya, shana de na shagu hkungga nawng jau na aten du jang, ngai yawn hkyen nga ai shara kaw nna rawt nhtawm, gang je kau sai hpun palawng ni hpe bu hpun ai hte lahput hput di let, dai Madu nye a Karai Kasang hpang de lata ladawn nna akyu hpyi nngai.

Daniela 12:2

Dai si mat masai masha law law mung bai hkrung wa na mara ai; nkau mi gaw htani htana asak a majaw kabu gara na mara ai; nkau mi gaw htani htana arawng hpoi myi man sum ai nni nkri hpe hkam sha na mara ai.

Daniela 6:10

Dai zawn hkang da ai hta dazik shakap da sai hpe Daniela chye jang, nta de wa mat wa wu ai. Ya shi a nta ntsa gawk hta Yerusalem mare maga de man yawng nna hpaw da ai hkuwawt chyinghka ni nga nga ai. Dai yang e, shi galoi mung galaw nga ai hte maren, hpaw da ai hkuwawt chyinghka ni hta hput di let lani mi masum lang Karai Kasang kaw akyu hpyi nga ai.

MAHTE 27:52

Lup ni mung hpaw mahka wa nna si mat sai Karai Kasang a masha ni law law wa bai hkrung rawt wa ma ai.

MAHTE 5:44

Rai ti mung, ya ngai nanhte hpe tsun made ai gaw: nanhte a hpyen ni hpe tsaw ra mu; nanhte hpe zingri ai ni a matu mara akyu hpyi ya mu.

LUKA 22:41

Dai hpang shi gaw, sape ni nga ai kaw nna nlung kabai hkap daram gang hkra sa nhtawm, lahput hput di let,

LUKA 23:34

Yesu gaw, “Wa e, shanhte a mara hpe dat kau ya mu, shanhte galaw ai lam hpe shanhte n chye nga ma ai,” nga ai. Shanhte gaw, shi a hpun palawng ni hpe mung hpaida da nna garan la ma ai.

LUKA 6:28

Nanhte hpe dagam ai ni hpe shaman ya mu; nanhte hpe aroi arip di ai ni a matu akyu hpyi mu.

YAWHAN 11:11

Yesu gaw ning nga nna tsun ngut ai hpang “Anhte a jinghku wa Lazaru yup pyaw nga ai, rai ti mung shi hpe jasu sharawt na matu ngai sa na nngai,” nga nna bai tsun jat ai.

KASA 13:36

Dawi gaw shi asak hkrung nga ai laman hte hta, Karai Kasang a yaw shada ai lam nga ai hte maren hkan sa gun hpai ngut jang shi si nna, shi a kaji kawa ni a lup ding lup ra hta lup makoi ai hte shi a hkum hkrang gaw dai lup hta hten yat mat salu ai.

KASA 20:36

Shing nga tsun ngut jang, shi lahput hput di nna shanhte mahkra hte rau akyu hpyi nga ai.

KASA 21:5

Nhtoi sanit ya lai jang, anhte bai pru wa ga ai. Shanhte mung madu jan kasha ni hte rau mare shinggan du hkra hkan sa dat ma ai rai nna, hka kau e hput di let, akyu hpyi ga ai.

KASA 9:40

Petru chyawm gaw shanhte yawng hpe gawk kaw nna shapraw kau nhtawm hput di let kyu hpyi nga ai. Dai hpang dai mang maga de kayin nna, “Tabihta e rawt u!,” ngu wu ai. Tabihta mung myi hpaw nna Petru hpe mu jang, rawt dung nga ai.

1 KORINHTU 11:30

Dai re ai majaw, nanhte hta na n-gun kya ai hte n hkam kaja ai masha law law wa nga nga ma ai, si mat ai ni mung tsawm ra wa rai nga ma ai.

1 KORINHTU 15:18

Dai hta kaga Hkristu hpe kam sham nna si mat wa ai ni mung sum mat hkrum sai lachyum rai nga ai.

1 KORINHTU 15:20

Rai ti mung, teng teng byin ai lam gaw, Hkristu gaw si mat ai ni kaw na bai hkrung rawt wa sai rai nna, yup pyaw mat wa sai ni bai hkrung rawt wa na mara ai lam pahkam hkam ai lam lu la saga ai.

1 KORINHTU 15:51

Madat mu, makoi magap da ai teng man ai lam langai mi ngai nanhte hpe tsun dan made ga: anhte yawng si mat wa na ga ai n rai.

1 KORINHTU 15:6

Dai hpang lang lata sha shi a hpang hkan nang ai hpu nau manga tsa jan kaw dan pru wu ai. Shanhte hta na malawng maga ya du hkra naw hkrung nga shajang ma ai; nkau mi chyawm gaw yup pyaw mat wa masai.

1 HTESALONI 5:10

Hkristu bai du sa wa ai shaloi e anhte gaw si mat sai rai ti mung, naw hkrung nga ai rai ti mung, shi hte rau asak hkrung nga lu na matu shi gaw anhte a matu si hkam ya sai.

2 TIMOHTI 4:16

Shawng na lang ngai je yang hkrum ai ten hta nye a hkum hpe ngai tsun makawp maga ai shaloi ngai hpang maga tsap nna kadai mung n sa madi shadaw lawm ma ai. Masha yawng gaw ngai hpe kabai kau da mi ai. Karai Kasang gaw shanhte ning rai galaw ai a majaw mara n tai u ga;

2 PETRU 3:4

Anhte a kawa ni si mat wa masai; rai ti mung arai yawng mayawng gaw, mungkan ga hpe hpan da ai aten na hte maren sha arai nga a hka!,” nga nna san na ma ai.