KASA 7:56 - Jinghpaw Common Language Bible 2009

⁵⁶ Dai shaloi Stehpan gaw “Yu mu! Ngai gaw sumsing lamu hpaw malang nga ai hpe mung, Karai Kasang a hkra maga dai Masha Kasha tsap nga ai hpe mung, ngai mu se ai,” ngu nna tsun mu ai.

Jinghpaw Hanson Version Bible

⁵⁶ “Yu u, sumsing lamu hpaw malang nga ai hte, Karai Kasang a hkra maga de Masha Kasha tsap nga ai gaw, ngai mu se ai,” nga ai.

KASA 7:56 ပူးပေါင်းရင်းမြစ်များ

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

MAHTE 25:31

“Dai Masha Kasha gaw lamu kasa ni nlang hte rau Hkawhkam hku nna du sa wa ai shaloi shi a hpung shingkang a tingnyang ntsa e dung nga nna,

MAHTE 3:16

Ya, Yesu hkalup hkam la ngut ai hte rau, dai hka hta na byawn hprang rai lung wa ai. Dai shaloi lamu hpaw malang wa nhtawm, Karai Kasang a Wenyi gaw hkrudu langai mi zawn yu hkrat wa nna shi a ntsa e dung nga ai hpe shi mu wu ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u tsip ni lu ma ai, dai Masha Kasha chyawm gaw baw tawn na shara pyi n lu nga ai,” ngu shi hpe tsun wu ai.

MARKU 1:10

Shaloi jang dai hka hta na pru lung wa yang, sumsing lamu hpaw malang wa nna dai Wenyi gaw hkrudu langai mi zawn shi a ntsa e yu hkrat wa ai hpe shi mu wu ai.

LUKA 3:21

Masha yawng hkalup hkam la ngut ai hpang, Yesu mung hkalup hkam la nhtawm, akyu hpyi nga yang, lamu hpaw malang wa nna,

YAWHAN 1:51

Bai Yesu gaw, “Ngai nanhte hpe teng teng tsun made ga, sumsing lamu hpaw malang wa nna, Karai Kasang a lamu kasa ni gaw, Masha Kasha a ntsa e lung wa, yu wa, rai nga ai hpe nanhte mu na marin dai,” ngu nna shanhte hpe tsun mu ai.

KASA 10:11

Shi gaw sumsing lamu hpaw malang wa nna hpajawng kaba zawn re ai jut de jum nna ga de shayu dat ai arai lama mi hpe mu wu ai.

KASA 10:16

Ndai zawn masum lang byin ai hpang dai arai hpe sumsing lamu de bai dawm la kau wu ai.

KASA 7:57

Shaloi shanhte gaw aja awa jahtau let tinang a na ni hpe pat kau nhtawm lang lata rau shi hpang de htim nna,

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 19:11

Dai hpang, sumsing lamu hpaw malang nga ai hpe ngai mu nngai. Dai yang e gumra hpraw langai mi nga nga ai rai nna, dai hta jawn ai wa gaw, kangka hte teng man ngu ai wa rai nga ai. Shi gaw ding hpring ai hku tara dara ai hte majan gasat nga ai.

SHINGRAN 4:1

Dai hpang, kaga shingran langai mi hta sumsing lamu e hpaw malang nga ai chyinghka langai mi ngai mu nngai. Ngai na hkrup ai ngai hpe tsun nga ai shawng na nsen gaw, pahtau zawn ngoi nga ai hte, “Nang de lung wa rit, htawm hpang e byin na ra ai lam hte hpe ngai nang hpe madun dan de ga,” nga nna tsun ai.