KASA 7:53 - Jinghpaw Common Language Bible 2009

⁵³ Nanhte gaw lamu kasa ni a lata hku nna shalai jaw ya ai tara lu ai ni rai nga myit ti mung, dai hpe madat mara hkan sa myit dai n rai,” ngu nna Stehpan tsun wu ai.

Jinghpaw Hanson Version Bible

⁵³ lamu kasa a lata hte hpajang ai tara nanhte lu la myit timung, dai hpe hkan shatsup myit dai n rai,” ngu nna tsun mu ai.

KASA 7:53 ပူးပေါင်းရင်းမြစ်များ

SHAKAWN KUNGDAWN 68:17

Dai Madu gaw hkying mun law la nna, n-gun rawng ai shi a hpyen leng ni hte Sina kaw nna chyoi pra ai shara de sa wa nga ai.

YAWHAN 7:19

Mawshe gaw nanhte hpe Jep Ai Tara jaw da manit dai n rai ni? Rai ti mung nanhte hta na kadai mung, dai Tara hpe n hkan myit dai. Ngai hpe sat kau na hpa rai tam nga myit ta?,” ngu nna shanhte hpe htan mu ai.

KASA 7:38

Nam mali e hpawng nga ai Israela amyu masha ni hte mung, anhte a ji wa ni hte mung, Sina bum e shingran jaw ai lamu kasa hte mung rau rai nga ai wa gaw shi nan rai nga ai. Anhte hpe bai htawn tsun na ap ya ai Karai Kasang kaw na asak hkrung ai mungga hkap la ai wa mung shi rai nga ai.

GALATI 3:19

Dai rai yang gaw, jep ai Tara a yaw shada ai lam gaw hpa rai ta? jep ai Tara hpe Karai Kasang jat bang tawn da ya ai lam gaw shut hpyit yubak mara ni a masa lam hpe shapraw dan na matu rai nna dai gaw, ga ndat da ai Abraham a aru arat wa garai n du ai aten laman du hkra sha grin nga na matu rai nga ai. Karai Kasang gaw dai jep ai Tara hpe lamu kasa ni hku nna lapran e htinglet ya ai wa langai mi a lata hte jaw ya sai.

GALATI 6:13

Hpa majaw nga yang, matu gadoi hkam ai ni nan dai jep ai tara hpe shatup ma ai n rai, rai ti mung shanhte gaw, nanhte matu gadoi hkam la ma ai a jaw e, gumrawng gumtawng mayu ai majaw nanhte hpe matu gadoi hkam la shangun mayu ai lam rai nga ai.

TARA JAHPRANG 33:2

Dai Madu gaw Sina Bum kaw na yu wa nga ai; shi gaw Edom mung a ntsa e ate nga ai jan zawn rawt lung wa nna Paran Bum ntsa kaw na shi a amyu masha ni hpe shadan jahkung nga ai. Lamu kasa mun mi mung shi hte rau nga nga ai rai nna, shi a hkra lata hta grung ai wan tu nga wu ai.

HEBRE 2:2

Lamu kasa ni a n-gup hte anhte a ji wa ni hpe tsun da ai mungga gaw teng man ai tara rai nna, dai tara hpe n madat n mara tawt lai ai ni gaw tinang hte ging dan ai ari hkam la na ma ai lam teng yang gaw,