KASA 7:51 - Jinghpaw Common Language Bible 2009

⁵¹ “Dai daram wa nanhte du ja nga myit hka! Nanhte a myit masin ni gaw Karai Kasang hpe dai daram wa n kam n sham nga malit hka! Karai Kasang a shingran mungga hpe na la na dai daram wa na lahpang nga myit hka! Nanhte gaw, nanhte a nji nwa ni galaw ai zawn Chyoi Pra ai Wenyi hpe nanhte galoi mung ninghkap nga myit hka!

Jinghpaw Hanson Version Bible

⁵¹ Du ja nna, masin hte ana hpe matu n gadoi ai ni e, nanhte galoi mung Chyoi pra ai Wenyi hpe hkap daw myit dai; nanhte a nji nwa ni galaw ai zawn, nanhte mung a galaw nga myit dai.

KASA 7:51 ပူးပေါင်းရင်းမြစ်များ

2 HKAWHKAM 17:14

Rai ti mung shanhte mahtang n madat n mara nga ma ai hte, dai Madu shanhte a Karai Kasang hpe n kam n sham ai shanhte a kaji kawa ni zawn du ja nga ma ai.

2 HKAWHKAM LABAU 30:8

Shanhte zawn myit hkum ja nga myit; dai Madu a ga hpe madat mara nga mu. Dai Madu nanhte a Karai Kasang gaw htani htana a matu shachyoi shapra da ai Yerusalem mare na Nawku Htingnu de sa nhtawm shi hpe nawku mu, shaloi shi nanhte hpe galoi mung pawt bu na ra ai n rai.

NEHEMIA 9:16

Rai ti mung anhte a kaji kawa ni gumrawng gumtawng ai hte du ja wa nna, na a hkang da ai ga ni hpe madat na matu ningdang kau ma ai.

NEHEMIA 9:30

Nang gaw shanhte hpe laning hte laning hkam sharang ai hte shadum jahprang nga ndai. Nang gaw na a myihtoi ni ga shaga na matu wenyi n-gun jaw ya nga ndai, rai ti mung na a amyu masha ni madat ai n rai, dai rai nna nang gaw shanhte hpe kaga amyu ni a lata de ap kau nga ndai.

SHAKAWN KUNGDAWN 75:5

Shanhte a shakawng shakat ai lam hpe jahkring kau na matu mung ngai shanhte hpe hkang da ni ai,” nga nna tsun ai.

SHAKAWN KUNGDAWN 78:8

Shanhte gaw gumlau ai ni hte n madat n mara ai ni, Karai Kasang hpe kam hpa ai lam hta galoi mung n ngang ai ni hte shi hta sadi sahka myit n dung ai shanhte a kaji kawa ni zawn rai nga na ma ai n rai.

PRU MAT 32:9

Ndai amyu masha ni kade wa baw ja nga ma ai hpe ngai chye ni ai.

PRU MAT 33:3

Nanhte gaw ngamu ngamai ai sut hte ningru ningja ai ga de sa wa na rai myit dai. Rai ti mung, ngai hkum nan chyawm gaw nanhte hte rau sa lawm na n rai; nanhte gaw du ja ai amyu masha ni rai myit dai majaw hkrun lam e ngai nanhte hpe jahten kau mai nga nngai,” ngu nna tsun wu ai.

PRU MAT 33:5

Shanhte hpe ning ngu tsun na matu dai Madu gaw Mawshe hpe hkang da nu ai: “Nanhte gaw du ja ai amyu masha ni rai nga myit dai. Nanhte hte rau hkring mi sha pyi ngai hkawm ai rai yang, nanhte hpe atsai awai shamyit kau na mawe ai. Dai re ai majaw nanhte hpe kaning di na ngai daw dan lu n ga, ya jang, dai nanhte a ja lung seng ni raw kau mu.

PRU MAT 34:9

Shi gaw, “Madu e, nang ngai hpe teng teng awng sharawng ndai rai yang, anhte hte rau sa wa na matu ngai nang hpe lajin nngai. Ndai amyu masha ni du ja nga ma ti mung, anhte a n hkru n hkra ai hte shut hpyit ai yubak mara hpe dat kau ya nna, na a amyu masha majing ni zawn anhte hpe hkap la mi law,” ngu nna tsun wu ai.

ESAIA 48:4

Nang gaw hpri zawn ja nna garai n kapru ai magri mang zawn du ja nga na sakse madun nga ndai gaw ngai chye nngai.

ESAIA 63:10

rai ti mung, shanhte gaw shi hpe gumlau nna shi a chyoi pra ai wenyi hpe yawn shangun ma ai. Dai rai nna dai Madu gaw shanhte a gumlau tai mat nhtawm shanhte hpe gasat wu ai.

YEREMIA 17:23

Shanhte a kaji kawa ni mahtang nye a ga hpe n madat ma ai, myit maju n jung ma ai. Shing rai galaw na malai, shanhte gaw du ja ai ni tai nhtawm nye a ga hpe madat mara ma ai n rai, ngai kaw na sharin achyin hkam la nga ma ai n rai.

YEREMIA 4:4

Dai Madu ngai hte tawn da ai na a ga shaka hpe shagrin da u; Yuda hte Yerusalem amyu masha ni e, na a hkum hpe ngai hta ap nawng tawn u. Dai hku nang n galaw ai rai yang, nang galaw kau sai n hkru ai amu ni a majaw nye a pawt sindawng ai gaw wan zawn hkru na ra ai. Dai gaw hkru nna dai hpe kadai mung krip lu na ra ai n rai,” ngu nna tsun wu ai.

YEREMIA 6:10

Ngai gaw, “Ngai shanhte hpe ga shaga nna sadi jaw ai rai yang, nye a ga hpe kadai madat ya na rai ta? Shanhte gaw du ja ai hte na a mungga hpe n kam madat ma ai; nang ngai hpe tsun shangun ai lam hpe shanhte mani asawng kau ya nga ai.

EZEKELA 2:4

Shanhte gaw adu ja ai hte ngai hpe hkungga n chye ma ai, dai rai nna, Tsaw Htum ai Madu ngai nan shanhte hpe kaning ngu tsun nga ai lam, shanhte hpe htawn tsun na matu, ngai nang hpe shangun dat nngai.

EZEKELA 44:7

Nye a matu ngu nna sau man hte shagu hkungga asai ni hpe nawng ya myit dai shaloi, nye a ga n madat n mara ai maigan masha ni ngu ai matu n gadoi ai ni hpe jashawn nna nye a Nawku Htingnu hpe awu asin di kau nga myit dai. Dai rai nna nye a amyu masha ni gaw shanhte galaw kau sai matsat shabat amu ni yawng a jaw e, nye a ga shaka hpe jahten kau manu ai.

EZEKELA 44:9

“Matu gadoi n hkam ai maigan masha, nye a ga n madat n mara ai wa gaw Israela amyu masha ni a lapran e nga ai maigan masha wa rai tim pyi, nye a Nawku Htingnu de shang lu na n rai nga ai hpe Tsaw Htum ai dai Madu ngai nan hkang da ni ai.

JAW JAU 26:41

ngai hte nhtan shai shangun sai majaw shanhte a gumlau hpyen ni a mung de sa kau dat ai hpe shanhte yin la na mara ai. Hpang jahtum e, nanhte a amyu matu ni shagrit shanem ai hte shanhte a yubak mara hte gumlau ai amu a ari hpe hkam la ai shaloi,

BU HKAWM 27:14

Shawa hpung ting dai Meriba shara e ngai hpe aput angun nga nna nhtan shai hkat nga yang, shanhte a man e nye a chyoi pra ai daru magam n-gun hkam la na ningdang kau myit dai,” ngu nna tsun wu ai. (Meriba gaw Zin Nam Mali na Kadesha shara hta pru ai hka hpawk rai nga ai.)

KASA 6:10

Rai ti mung Stehpan gaw dai Wenyi e jaw ya ai nyan hpaji hte tsun shaga ai majaw shanhte shi hpe n dang lu mu ai.

KASA 7:27

‘Rai ti mung, htingbu manang wa hpe zingri ai wa mahtang, “anhte a ntsa e du hte tara agyi tai na, nang hpe kadai san da a ta?

KASA 7:35

Mawshe gaw, Israela masha ni e n hkap la ai ndang kau hkrum ai wa rai nga ai. Shanhte gaw, “Nang hpe anhte a ntsa e du hte tara gyi tai na kadai san da a ta?,” nga nna san ma ai. Dai wa nan dai singwum hkru ai shara e dan pru ai lamu kasa a karum ai hte amyu masha ni hpe up hkang ai hte shalawt dat na matu Karai Kasang dat dat ai wa rai nga ai.

KASA 7:39

“Rai ti mung, anhte a ji wa ni chyawm gaw, shi a ga hpe n madat ma ai. Shi hpe ndang kau nna Egutu mung de bai yu wa mayu ma ai.

KASA 7:9

“Yaku a kasha ni gaw shanhte a kanau Yosep hpe manawn nna, Egutu mung de mayam hku dut kau dat mu ai. Rai ti mung Karai Kasang gaw shi hte rau rai nga ai rai nna,

ROMA 2:25

Dai jep ai Tara hpe hkan shatup myit yang gaw, matu gadoi hkam ai lam akyu rawng nga ai; rai ti mung tara hpe tawt lai ai wa nang rai nga n yang gaw, matu gadoi ai hking galoi mung n hkam la ai mahtang grau kaja nga ai.

EHPESU 4:30

Dai hta n ga Chyoi Pra ai Wenyi hpe hkum shayawn kau nga myit; hpa majaw nga yang dai Chyoi Pra ai Wenyi gaw nanhte hpe Karai Kasang madu nga ai lam sakse masat dazik rai nna hpang jahtum nhtoi e nanhte hpe Karai Kasang shalawt dat hkrum na ra ai hpe pahkam hkam ya ai lam langai mi mung rai nga ai.

TARA JAHPRANG 10:16

Dai re ai majaw ya kaw nna dai Madu a ga hpe madat mara nga mu; du hkum shaja da nga myit.

TARA JAHPRANG 30:6

Nanhte hpe mung, nanhte a amyu matu mara ni hpe mung madat mara chye ai myit masin, dai Madu nanhte a Karai Kasang jaw ya na ra ai rai nna nanhte a myit masin kraw lawang mahkra hte shi hpe tsaw ra lu na rai myit dai; shing rai dai mungdan hta nanhte anga nga lu na rai myit dai.

TARA JAHPRANG 31:27

Shanhte kade wa mi myit ja nna gumlau ai myit rawng nga ma ai hpe ngai chye nga nngai. Ngai naw hkrung nga ai hte yang pyi, dai Madu hpe shanhte gumlau ma ai rai nna, ngai si mat wa ai hpang dai hta grau nna pyi shanhte gumlau na mara ai.

TARA JAHPRANG 9:13

“Dai Madu gaw ngai hpe mung, ‘Ndai amyu masha ni kade wa du ja nga ma ai hpe ngai chye ni ai.

TARA JAHPRANG 9:6

Dai Madu gaw nanhte lu la ging ai majaw dai ga sau hte hpring nna ningru ningja ai lamu ga hpe jaw ya nga ai n rai nga ai hpe nanhte hkrak matsing da lu na rai myit dai. Dai hku n rai, nanhte gaw du ja ai amyu masha ni rai nga myit dai.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

KOLOSE 2:11

Nanhte gaw Dai Madu hte langai sha tai nna asak hkrung ai shaloi e matu gadoi hkam la manit dai rai nga ai. Dai gaw masha a lata hte galaw ai n re ai sha, ndai yubak kap ai hkum shan a n-gun atsam kaw na shalawt dat ai ngu ai Hkristu e shabyin ai matu gadoi hkam ai lam rai nga ai.