KASA 7:45 - Jinghpaw Common Language Bible 2009

⁴⁵ Dai hpang anhte a kaji kawa ni gaw shanhte a kawa ni kaw na hkam la ai sakse sum hpe Karai Kasang shachyut kau ya ai masha amyu ni a mung hta Yawshu hte rau shanhte shang madu sha wa ai shaloi, dai sum hpe la shawn shang wa ma ai. Dai sum gaw Dawi a ban prat du hkra dai mung e nga nga ai.

Jinghpaw Hanson Version Bible

⁴⁵ Karai Kasang gaw ji wa ni a man na shachyut kau ya ai masha amyu ni a ninghtawn hta shanhte shang sha wa ai shaloi, dai prat na ji wa ni Yawshu hte rau dai hpe la shawn wa ma ai rai nna, Dawi a aprat du hkra rai nga ai:

KASA 7:45 ပူးပေါင်းရင်းမြစ်များ

1 HKAWHKAM 8:4

Nawku Htingnu de hpai sa wa ma ai. Lewi masha ni hte hkinjawng ni mung dai Madu a hpung shingkang shanu nga ai Sum hte dai hta lang ra ai arung arai ni yawng hpe Nawku Htingnu de htawt sit bang ma ai.

1 HKAWHKAM LABAU 16:39

Hkinjawng Zadok hte shi a kahpu kanau hkinjawng masha ni gaw Gibeon mare na nawku ai shara hta dai Madu hpe nawku daw jau ai amu hta woi awn nga ma ai.

1 HKAWHKAM LABAU 21:29

Nam mali hkan e Mawshe galaw ai dai Madu a hpung shingkang shanu nga ai Sum hte wan nat hkungga nawng ya ai tawn hkungri ni gaw dai aten e Gibeon mare na nawku ai shara hta naw nga nga ai;

1 HKAWHKAM LABAU 7:27

Nun hte Yawshu ni rai nga ai.

NEHEMIA 9:24

Shanhte gaw Hkanan mung hpe madu la nna; dai yang e nga nga ai masha ni hpe dang kau nga ndai. Nang gaw na a amyu masha ni hpe masha amyu hte Hkanan masha amyu hpe shanhte ra sharawng ai hku galaw lu na daru magam na a amyu masha ni hpe jaw ya nga ndai.

SHAKAWN KUNGDAWN 44:2

maigan masha ni hpe nang kaning rai shaden kau sai lam, shanhte a mungdan hta na a amyu masha ni hpe shanu nga na matu shara jahkrat ya sai lam, kaga amyu baw ni hpe nang ari jaw kau nna na a amyu masha ni hpe ngamu ngamai shangun nit dai.

SHAKAWN KUNGDAWN 78:55

Shi a amyu masha ni shawng de rawt sa wa ai shaloi, shawng e de nga sai amyu masha ni hpe shi gawt shapraw kau ya nhtawm; Israela amyu baw ni hpe shanhte a lamu ga garan ya ai hte, shi a amyu masha ni hpe shanhte a dum nta ni jaw ya wu ai.

SHAKAWN KUNGDAWN 80:8

Nang gaw Egutu mung kaw na sabyi ru langai mi hpe la wa ndai; kaga amyu baw ni hpe nang gawt shapraw kau nhtawm, dai hpe shanhte a lamu ga hta, hkai nit dai.

KASA 13:19

Shi gaw Hkanan mung na masha amyu sanit hpe shaza kau nna shi a amyu masha ni hpe garan ya nhtawm dai mungdan a madu shatai nu ai.

TARA JAHPRANG 32:49

sa wa nhtawm Nebo bum de lung wa nna, Israela amyu masha ni hpe ngai jaw hkyen ai Hkanan mung hpe mada la u.

HEBRE 4:8

Lama wa Karai Kasang ga sadi jaw da sai ban sa ai lam hpe Yawshu gaw amyu masha ni hpe jaw ngut sai rai yang, nhtoi kaga a lam Karai Kasang hpang e bai tsun sana n rai.

YAWSHU 18:1

Shanhte gaw mungdan hpe gasat dang la ngut ai hpang, Israela shawa hpung ting Shilo mare e zup hpawng nna, dai Madu a hpung shingkang shanu nga ai Sum hpe sharawt ma ai.

YAWSHU 23:9

Nanhte rawt lung wa myit yang, dai galu kaba nna daru magam n-gun rawng ai masha amyu baw ni hpe dai Madu shaden kau nu ai rai nna, kadai mung nanhte a man e galoi mung rawt tsap lu ma ai n rai.

YAWSHU 24:18

Anhte dai mung de rawt lung wa yang, dai mung e nga ai Amori masha ni yawng hpe dai Madu shaden shapraw kau wu ai rai nna anhte gaw dai Madu hpe chyu sha daw jau na ga ai; shi chyu sha anhte a Karai Kasang rai nga ai law,” ngu nna htan ma ai.

TARA AGYI 18:31

Karai Kasang hpe nawku ai Sum gaw Shilo e naw nga nga dingsa Mihka galaw ai hpara sumla mung dai yang e naw nga nga ai.

1 SAMUELA 4:4

Shanhte gaw Shilo de kasa ni hpe shangun dat nhtawm singkaw tu ai hkrung kanu ntsa e dung ai Chyahtum Chyalai N-gun rawng ai dai Madu a Ga Shaka Sumpu hpe la sa ma ai. Eli a kasha Hopni hte Hpineha yan mung dai Ga Shaka Sumpu hte rau hkan sa wa ma ai.