KASA 7:43 - Jinghpaw Common Language Bible 2009

⁴³ Nanhte hpai hkawm ai gaw Molek hpara a sum hte nanhte a shagan hpara Rehpan a sumla rai malit dai. Dai ni gaw nanhte nawku na matu galaw la ai sumla ni rai malit dai. Dai majaw Babelon mung a shinggan de lai hkra ngai nanhte hpe gau kau na made ai,” nga nna ka da nga ai hte maren Karai Kasang gaw shanhte kaw na myi man kayin kau nna shanhte hpe sumsing lamu na gintawng shagan ni hpe nawku na matu ap kau mu ai.

Jinghpaw Hanson Version Bible

⁴³ Nanhte nawku na matu galaw la ai sumla ngu ai, Molak sumla a sum hte, Rehpan Hpara a shagan hpe she, hpai hkawm myit dai: Dai majaw Babelon tawt hkra ngai nanhte hpe woi mat wa na made ai,' nga nna rawng ai; dai hte maren Karai Kasang gaw shanhte kaw na myi man kayin kau nna, sumsing lamu na zaw nawng zaw wa hpe nawku shangun na ap kau wu ai.

KASA 7:43 ပူးပေါင်းရင်းမြစ်များ

1 HKAWHKAM 11:7

Yerusalem mare a sinpraw maga na bum ntsa e, matsat shabat re ai Moba karai Hkemosha hte matsat shabat re ai Amon a Molek hpe nawku na shara ni gaw da nga wu ai.

2 HKAWHKAM 17:6

Hoshea hkaw dung ai jahku ning hta, Asuri hkawseng wa gaw Samari mare hpe gasat la nna Israela masha ni hpe bawng masha hku Asuri mungdan de woi mat wa nga ai. Shanhte hta na nkau mi gaw Hala mare e nga nna, nkau mi mahtang Gozan ginwang na Habora hka makau hku mung, Medi mare ni hkan mung nga nga ma ai.

2 HKAWHKAM 18:11

Asuri hkawseng wa gaw Israela masha ni hpe bawng masha hku rim mat wa nhtawm shanhte hta na nkau mi hpe Hala mare, nkau mi hpe Gozan ginwang na Habora hka makau hte nkau mi hpe Medi mare ni hta nga shangun nga ai.

2 HKAWHKAM 21:6

Shi gaw shi a kasha hpe wan nat hkungga jaw jau nna shaba wawt ai hte mandan lakle amu galaw nhtawm gumhpan hpan ai ni hte nat num ni hpe ga san san let bawng yu nga ai. Shi gaw dai Madu hpe shut hpyit mara kaba galaw nna masin pawt shangun nga ai.

YEREMIA 32:35

Shanhte gaw shanhte a shayi shadang sha ni hpe Molek hpara a matu shagu hkungga nawng jau na nga, Hinom Kadit hta Bala hpara tawn hkungri ni hpe gap da nga ma ai. Dai amu galaw na matu, ngai shanhte hpe hkang da ni ai n rai; shanhte gaw dai zawn re ai amu galaw na hte Yuda amyu masha ni yubak hkrum na matu ngai n myit nngai,” ngu nna tsun nngai.

JAW JAU 18:21

Molek karai nawku ai hta na a kashu kasha ni kadai hpe mung ap ya lu na n rai; hpa majaw nga yang, dai gaw Madu Karai Kasang a mying ningsang hpe sari jahpoi ya na rai wu ai.

AMO LAIKA (AMOS) 5:25

“Israela amyu masha ni e, ngai gaw nanhte hpe nam mali hku woi wa ai mali shi ning laman shagu hkungga ni hte shadung hkungga ni hpe n hpyi yu nngai.