KASA 7:36 - Jinghpaw Common Language Bible 2009

³⁶ Shi gaw Egutu mung hte Nawng Hkyeng hta mung, shaning mali shi ning tup nam mali hta mung, mauhpa hte lamik kumla ni madun nna Israela amyu masha ni hpe Egutu mung na woi shapraw wa ai wa rai nga ai.

Jinghpaw Hanson Version Bible

³⁶ Dai wa nan, Egutu mung e mung, Nawng hkyeng hta mung, nam mali hkan e mung, mali shi ning tup mauhpa hte lamik kumla amu madun let, shi a amyu masha ni hpe woi wa mu ai.

KASA 7:36 ပူးပေါင်းရင်းမြစ်များ

NEHEMIA 9:10

Nang gaw hkawhkam wa hpe mung, shi a du salang ni hte shi a mung masha ni hpe mauhpa lamik kumla ni galaw dan nga ndai, hpa majaw nga yang, shanhte na a amyu masha ni hpe dip gamyet sha nga ma ai hpe nang chye ndai. Nang gaw dai ni du hkra kajai gumhkawng ai hpe naw hkam la lu nga ndai.

SHAKAWN KUNGDAWN 95:10

Ngai gaw mali shi ning tup, dai amyu masha ni hpe n yu ra mat nngai. ‘Shanhte gaw kade wa sadi n dung nga ma hka! shanhte gaw nye a hkang da ai tara ni hpe ndang kau ai ni rai ma ai.’

SHAKAWN KUNGDAWN 95:8

“Meriba e nga lai wa sai nanhte a kaji kawa ni zawn nanhte a du ni hpe hkum shaja da nga myit; nam mali na Masa shara e, nanhte a kaji kawa ni nga lai wa ai shaloi na zawn, nanhte a myit hpe hkum shaja da nga myit.

PRU MAT 12:41

Dai 430 ning htum ai shani hta nan, dai Madu a masha ni rai nga ai amyu bawsang ni yawng Egutu mung kaw na pru mat wa ma ai.

PRU MAT 14:21

Mawshe gaw shi a lata hpe panglai ntsa de ladawn dat wu yang, dai Madu mung n-gun ja ai sinpraw nbung hte panglai hka hpe kanawng shabai da wu ai. Nbung dai gaw shana tup bung nga ai rai nna panglai gaw hkun hkraw ai hkarang ga tai mat nga ai. Dai hka mung garan mat nga sai majaw,

PRU MAT 16:35

Israela masha ni gaw Hkanan mung de wa shang nga ai aten du hkra mali shi ning tup manna muk sha ma ai.

PRU MAT 3:20

Rai ti mung nye a daru magam n-gun hpe ngai lang nhtawm mauhpa amu ni hte jahkrit shama let Egutu mung hpe ari jaw na we ai. Dai hpang shi nanhte hpe sa wa shangun na ra ai.

PRU MAT 33:1

Dai Madu gaw Mawshe hpe, “Nang hte Egutu mung na nang woi wa ai amyu masha ni ndai shara kaw na pru sa wa nhtawm, Abraham, Isak, Yaku hte shanhte a amyu matu ni hpe jaw na ngu nna ngai ga sadi jaw da ai ga de sa wa masu.

YAWHAN 4:48

Yesu gaw, “Nanhte gaw lamik kumla hte mauhpa amu ni n mu myit yang gaw, nanhte langai mi mung galoi mung kam na n rai myit dai,” ngu nna shi hpe tsun wu ai.

KASA 13:18

shaning mali shi ning tup nam mali hkan e shanhte a akyang hpe hkam sharang ya mu ai.

KASA 7:42

Dai rai nna myihtoi laika hta, “Israela amyu masha ni mali shi ning tup nam mali e nanhte a dusat hkungga ni hpe sat nna nawng jau ai gaw ngai hpe jaw ai n rai myit dai!

TARA JAHPRANG 8:4

Lai sai mali shi ning laman nanhte hpun ai hpun palawng ni je htum mat ai n rai; nanhte a lagaw ni mung bum lapau mat, manit dai n rai.

HEBRE 3:8

Karai Kasang hpe gumlau nna nam mali e rai nga ai ten hta shi hpe chyam dinglik yu ai nanhte a nji nwa ni zawn du hkum ja nga myit.

HEBRE 3:9

Karai Kasang gaw, nanhte a nji nwa ni shaning mali shi ning ting, nam mali e ngai galaw dan sai amu hpe mu ma ti mung ngai hpe ninghkap nna chyam yu nga ma ai.

HEBRE 8:9

Dai ga shaka gaw, shanhte hpe ngai lata hte dun la nna, Egutu mung na woi wa ai shaloi, shanhte a kaji kawa ni hte ngai tawn da ai ga shaka hte bung na ra ai n rai. Shanhte gaw ngai hte tawn da ai ga shaka hta sadi n dung ma ai majaw, ngai shanhte hpe n yu n gawn na nngai, nga nna dai Madu tsun ai.