KASA 7:34 - Jinghpaw Common Language Bible 2009

³⁴ Egutu mung na nye a amyu masha ni a zingri zingrat nni nkri hkrum sha nga ai hpe ngai mu se ai. Shanhte a madai ai nsen hpe ngai na ni ai; Shanhte hpe hkye shalawt la na ngai yu wa ring ngai. Ya sa rit, ngai nang hpe Egutu mung de shangun dat de ga,” ngu nna shi hpe tsun wu ai.

Jinghpaw Hanson Version Bible

³⁴ Egutu mung na nye amyu a ru tsang ai hpe ngai gaja wa mu se ai; shanhte a madai ai nsen ngai na ni ai; shanhte hpe hkye la na ngai yu wa ring ngai; ya sa rit, ngai nang hpe Egutu mung de shangun dat de ga,” nga nna shi hpe tsun wu ai.

KASA 7:34 ပူးပေါင်းရင်းမြစ်များ

NINGPAWT NINGHPANG 11:5

Dai hpang dai Madu gaw shinggyim masha ni galaw da sai mare hte langchyi hpe yu yu na nga, yu hkrat wa wu ai.

NINGPAWT NINGHPANG 11:7

Anhte yu sa nna, shanhte a ga hpe shanut kau ya ga; shaloi shada da tsun hkat ai ga hpe shanhte n chye na mat na mara ai,” ngu nna tsun wu ai.

NINGPAWT NINGHPANG 18:21

Ngai na la sai dai mara shagun ai nsen ni, teng ai n teng ai hpe chye lu na matu, ngai nan yu yu na nngai,’ ngu nna tsun wu ai.

NEHEMIA 9:9

“Anhte a kaji kawa ni Egutu mung hta kaning rai nni nkri hkrum sha ai hpe nang mu ndai; Nawng Hkyeng makau e karum la na matu shanhte a hpyi jahtau ai nsen hpe nang na nit dai.

SHAKAWN KUNGDAWN 105:26

Dai hpang, shi lata san da sai shi a shangun ma Mawshe hte Arun yan hpe shi shangun dat wu ai.

SHAKAWN KUNGDAWN 106:44

Ti mung, shanhte hpyi jahtau ai shaloi, Madu na ya wu ai; shanhte a myit ru myit tsang ai lam hpe shi dum ya mu ai.

SHAKAWN KUNGDAWN 144:5

Madu e, lamu hpe gang je hpaw nna yu hkrat wa rit; bum ni hpe ahtawk hkra ai hte dai ni wan hkut shapraw ya na ra ai.

PRU MAT 3:14

Karai Kasang gaw, “Ngai gaw Ngai rai nga nngai. Nang gaw shanhte hpe: ‘Ngai Rai Nga Nngai,’ ngu ai Wa gaw, nanhte hpang de ngai hpe shangun dat ni ai,’ ngu nna tsun lu na ndai.

PRU MAT 4:31

Dai Madu mung shanhte kaw du sa nna shanhte kade mazut ai hku adip arip hkrum sha nga ma ai hpe mu mada ya nu ai lam hpe shanhte na ma ai shaloi, kam sham ai hte gum dagup nna nawku ma ai.

ESAIA 64:1

Nang gaw hpa majaw sumsing lamu hpe gang hpaw nna n yu wa n ni? Bum ni mung nang hpe mu nna hkrit gari ai hte ashun mai nga ai.

HOSEA 12:13

Dai Madu gaw Egutu mung hta mayam shatai hkrum nga ai Israela amyu masha ni hpe hkye mawai la na matu mung, shanhte hpe lanu lahku na matu mung, myihtoi langai shangun dat ya wu ai.

MIHKA 6:4

Ngai gaw nang hpe Egutu mung kaw na woi shapraw wa nhtawm nang hpe mayam prat kaw na mawai la ni ai. Mawshe, Arun hte Miriam ni nang hpe woi awn na matu ngai dat dat ni ai.

BU HKAWM 11:17

Dai yang e ngai yu sa nna nang hte ga shaka na we ai; nang hpe ngai jaw tawn da ai wenyi hta na nkau mi hpe ngai la nhtawm shanhte hpe jaw na we ai. Shanhte gaw ndai amyu masha ni hte seng ai lit nang hpe gun hpai karum lu na mara ai; nang chyu sha gun hpai nga lu na ndai n rai.

YAWHAN 3:13

Sumsing lamu de na yu hkrat wa ai Masha Kasha hta kaga kadai mung sumsing lamu de lung wa yu ai n rai.”

YAWHAN 6:38

Hpa majaw nga yang, sumsing lamu nna ngai yu sa ai gaw, nye a myit ra ai hku hkan galaw na matu yu sa nngai n rai; ngai hpe shangun dat ai wa a myit ra ai hku hkan galaw na she, yu sa ai rai nngai.

TARA AGYI 2:18

Dai Madu gaw Israela hpe ningbaw jaw ai shaloi, dai Madu gaw dai ningbaw wa a prat tup hta shi hpe karum la nhtawm gumlau hpyen ni a lata kaw nna amyu masha ni hpe hkye hkrang la wu ai. Shanhte hkrum sha ai nni nkri hte dip gamyet sha hkrum ai madai sharung nsen ni a majaw dai Madu shanhte hpe matsan dum la wu ai.