KASA 7:32 - Jinghpaw Common Language Bible 2009

³² “Ngai gaw na a nji nwa ni a Karai Kasang, Abraham, Isak, Yaku a Karai Kasang rai nga nngai,” nga ai. Mawshe chyawm gaw hkrit gari nna n mada wam wu ai.

Jinghpaw Hanson Version Bible

³² “Ngai gaw, na nji nwa ni a Karai Kasang, Abraham, Isak, Yaku a Karai Kasang rai nga nngai,” nga ai. Mawshe chyawm gaw hkrit gari nna, n mada wam wu ai.

KASA 7:32 ပူးပေါင်းရင်းမြစ်များ

NINGPAWT NINGHPANG 26:24

Dai shana jang, dai Madu gaw shi kaw dan pru nna, “Ngai gaw na a kawa Abraham a Karai Kasang rai nga nngai; hkum hkrit et, ngai nang hte rau rai nga nngai. Nye a shangun ma Abraham hpe jaw ai ga sadi hte maren, ngai nang hpe shaman ya nhtawm amyu matu law law mung nang hpe jaw na we ai,” ngu nna tsun wu ai.

NINGPAWT NINGHPANG 50:24

Shi gaw shi a kahpu kanau ni hpe, “Ngai si wa na ni ai; rai ti mung Karai Kasang gaw nanhte hpe teng teng lanu lahku nhtawm ndai mung kaw nna woi pru wa let, Abraham, Isak hte Yaku ni hpe dagam let ga sadi jaw da ai mung de nanhte hpe woi wa na marin dai,” ngu nna tsun wu ai.

1 HKAWHKAM 19:13

Elia gaw dai nsen hpe na jang, shi a myi man hpe shi a hpajawng hte magap nna lungpu makau e sa tsap nga ai. Shaloi nsen langai mi gaw shi hpe, “Elia e, nang ndai yang e hpa galaw nga n ta?,” ngu nna san wu ai.

YOBA 4:14

Ngai gaw hkrit gari ai hte gari gawa rai mat nngai; nye a hkum ting hkrit kahpra ai hte ashun mat nga li ai.

SHAKAWN KUNGDAWN 89:7

Nang gaw chyoi pra ai ni a hpawng hta hkrit hkungga ai lam hkam la lu nga ndai; shanhte yawng hte gaw nang hpe mau mahka let tsap nga ma ai.

PRU MAT 3:15

Nanhte a nji nwa ni a Karai Kasang, Abraham, Isak hte Yaku ni a Karai Kasang Ngai Madu nan shanhte hpang de nang hpe shangun dat ni ai, ngu nna Israela amyu masha ni hpe tsun dan u; dai gaw htani htana na nye a amying rai nga li ai; du na ra ai ban masha ni yawng mung dai hte maren ngai hpe shaga na mara ai.

PRU MAT 3:6

Ngai gaw na a nji nwa ni rai nga ai Abraham, Isak hte Yaku ni a Karai Kasang rai nga nngai,” ngu nna tsun wu ai. Dai rai nna Mawshe gaw Karai Kasang hpe yu na hkrit wu ai majaw shi a myi man hpe magap da wu ai.

PRU MAT 33:20

Ngai hpe mu lu ai wa kadai mung hkrung nga lu na n rai: dai majaw ngai nang hpe nye a myi man mu shangun na we ai n rai;

PRU MAT 4:5

Dai Madu gaw, “Shanhte a kaji kawa ni a Karai Kasang, Abraham, Isak hte Yaku ni a Madu Karai Kasang nang kaw dan pru ai gaw Israela amyu masha ni hpe sakse madun dan na matu rai nga ai majaw dai amu hpe galaw u,” ngu nna tsun wu ai.

MAHTE 17:6

Sape ni dai hpe na jang, shanhte nachying hkrit gari mat nna, shanhte a myi man ga de dagup nga ma ai.

MAHTE 22:32

Karai Kasang chyawm gaw, si nga ai ni a Karai Kasang n rai, ahkrung nga ai ni a Karai Kasang she rai nga ai,” nga ai.

MAHTE 22:46

Kadai wa mung, ga hkaw mi pyi shi hpe n htan lu ma ai hte dai shani kaw nna htawm hpang de kadai wa mung shi hpe hpa ga san ni mung n san wam mat ma ai.

LUKA 5:8

Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

KASA 3:13

Abraham, Isak hte Yaku a Karai Kasang ngu ai anhte ji wa ni a Karai Kasang gaw, shi a shangun ma Yesu hpe hpung shingkang shadan shapraw ya nu ai. Rai ti mung, nanhte chyawm gaw ahkang aya lu ai ni a lata de shi hpe ap kau myit dai rai nna, Pilat du wa pyi shi hpe dat kau na myit daw dan da sayang nanhte mahtang Pilat a man e shi hpe ndang kau myit dai.

KASA 7:31

Mawshe gaw shi mu lu ai hpe mau nna dai hpe atsawm sha yu yu na nga makau de sit sa wa yang, dai Madu a nsen ngoi pru ai gaw:

HEBRE 11:16

Ya chyawm gaw, dai hta grau ai sumsing lamu na buga mungdan hpe marit nga ma ai. Dai re ai majaw, Karai Kasang gaw shanhte a Karai Kasang re ai ngu na hpe kaya ma ai n rai, hpa majaw nga yang, Karai Kasang gaw shanhte a matu nga na shara langai mi lajang da ya manu ai.

SHINGRAN 1:17

Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.