KASA 7:26 - Jinghpaw Common Language Bible 2009

²⁶ Hpang shani e Israela la lahkawng shada da gasat hkat nga ai hpe sa mu hkrup nna shi gaw shan a lapran e shangwi shapyaw htingram na matu, ‘hkau yan e, nan gaw hpu nau Israela shada she rai yang me, hpa rai gasat hkat nga myit ta?,’ ngu nna nem mu ai.

Jinghpaw Hanson Version Bible

²⁶ Hpang shani e shada gasat nga ai gaw sa ang hkrup nna, shan hpe je mayu ai majaw, ‘Hkau yan e, hpunau shada she rai yang me, hpa rai shada zingri hkat nga myit ta?’ ngu nna nem wu yang;

KASA 7:26 ပူးပေါင်းရင်းမြစ်များ

NINGPAWT NINGHPANG 13:8

Dai hpang Abram gaw Lawt hpe, “An gaw hpu nau rai nga ga ai majaw na a masha ni hte nye a masha ni ga law ga la ai amu hpe n shapraw ang nga ga ai.

NINGPAWT NINGHPANG 45:24

Shi gaw shi a kahpu kanau ni hpe shangun dat nhtawm shanhte pru wa ai shaloi, shi shanhte hpe, “Hkrun lam hkan e, ndang kalang hkum rai hkat myit,” ngu nna tsun dat wu ai.

SHAKAWN KUNGDAWN 133:1

Karai Kasang a amyu masha ni myit hkrum rap ra nna, rau hpawng nga lu ai gaw, kade wa mauhpa rai nga a hka, dai gaw kade wa ngwi pyaw nga a hka!

GA SHAGAWP 18:19

Na a hpu nau wa hpe karum madi shadaw u, shaloi, shi gaw ngang ai mare bunghku zawn nang hpe makawp maga na ra ai; rai ti mung, ga law ga la rai nga yang chyawm gaw na a man e, shi a chyinghka pat kau ya na ra ai.

MAHTE 14:22

Shaloi Yesu gaw, shawa masha ni hpe shabawn dat nga yang, sape ni hpe mung li shajawn nna, shi a shawng e nawng wora hkran de rap mat wa shangun mu ai.

KASA 7:25

(Mawshe gaw, Israela amyu masha ni lawt wa lu na matu shi hpe Karai Kasang asung jashawn hkyen nga ai lam shanhte chye na ma dawng, ngu nna myit wu ti mung, shanhte gaw n chye na ma ai.)

HPILIPI 2:1

Nanhte gaw Hkristu hte rau asak hkrung ai a marang e n-gun lagaw hpring wa myit dai hte shi a tsaw ra myit gaw nanhte hpe shalan shabran ai lam jaw myit dai. Dai hta n-ga Wenyi a kanawn mazum lu ai lam hte shada da n-gaw nwai matsan dum ai lam hkam la nga myit dai.

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.