KASA 7:25 - Jinghpaw Common Language Bible 2009

²⁵ (Mawshe gaw, Israela amyu masha ni lawt wa lu na matu shi hpe Karai Kasang asung jashawn hkyen nga ai lam shanhte chye na ma dawng, ngu nna myit wu ti mung, shanhte gaw n chye na ma ai.)

Jinghpaw Hanson Version Bible

²⁵ shi a lata hte kahpu kanau ni hpe, Karai Kasang hkye hkrang la ai lam hpaw ya nga ai gaw, shanhte chye na ma dawng, nga nna myit wu timung, shanhte chyawm gaw n chye ma ai.

KASA 7:25 ပူးပေါင်းရင်းမြစ်များ

2 HKAWHKAM 5:1

Suri hpyen luksuk hpe up hkang ai Naman gaw shi a lata hku nna dai Madu Suri masha ni hpe awng padang jaw ya wu ai majaw Suri hkawhkam e shagrau shatsaw ai hte arawng aya kaba hkam la hkrum ai wa rai nga ai. Shi gaw share ninghkrin hpyenla kaba wa rai nga ti mung, manggang ana hkam sha nga wu ai.

SHAKAWN KUNGDAWN 106:7

Egutu mung hta shanu nga ai anhte a kaji kawa ni gaw Karai Kasang a mauhpa magam amu ni hpe n chye na kau mu ai; shanhte hpe law law lang shi madun dan sai shi a tsaw ra myit hpe shanhte malap kau nna, shanhte gaw, dai Chyahtum Chyalai n-gun rawng ai Madu hpe pyi, dai Nawng Hkyen e gumlau ma ai.

PRU MAT 2:12

Mawshe gaw grup yin maga shagu de mada yu nhtawm kadai mung shi hpe n yu nga ai hpe chye jang, dai Egutu masha wa hpe sat kau nna shi a hkum hpe zaibru hta lup bang da wu ai.

MARKU 9:32

Rai ti mung shanhte gaw ndai sharin achyin ai lam hpa ngu mayu ai re hpe n chye na da mu ti mung, shanhte shi hpe san yu na hkrit agam da mu ai.

LUKA 18:34

Rai ti mung, dai lam langai mi hpe mung sape ni n chye na ma ai. Dai ga ni a lachyum, shanhte a man e makoi magap nga ai rai nna, shanhte gaw Yesu hpa baw a lam tsun nga ai ngu ai hpe n chye na ma ai.

LUKA 9:45

Rai ti mung sape ni gaw, dai ga hpa nga mayu ai n chye na ma ai. Shanhte dai hpe n chye na mu ga matu makoi magap da wu ai, de a lachyum mung shanhte n wam san ma ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

KASA 15:4

Yerusalem mare de du ai shaloi hpung masha ni kasa ni hte salang ni, shanhte hpe hkap hkalum la ma ai rai nna, Pawlu hte manang ni mung Karai Kasang shanhte hta galaw dan ai lam magup hpe hkai dan ma ai.

KASA 15:7

Dai lam hpe galu galang san htai lai hkat ai hpang, Petru rawt nna shanhte hpe, “Hpu nau ni e, maigan masha ni dai Kabu Gara Shiga na la nna kam sham wa na matu Karai Kasang gaw lai wa sai tsawmra na sai aten kaw nna dai Kabu Gara Shiga hpe tsun shana dan na nanhte a kata kaw na Karai Kasang ngai hpe lata san da sai gaw nanhte chye nga myit dai.

KASA 21:19

Pawlu shanhte hpe shachyen ngut jang, shi gun hpai ai amu majaw kaga maigan masha ni hta Karai Kasang shabyin wa ai amu lam langai hte langai hkai dan mu ai.

KASA 7:24

Shingrai sa yu hkawm nga ai ten hta Israela masha ni hta na marai langai mi hpe Egutu masha langai mi e kayat adup nga la ai hpe mu jang, Israela masha wa hpe maga nna zingri nga ai Egutu masha hpe matai htang let sat kau wu ai.

KASA 7:26

Hpang shani e Israela la lahkawng shada da gasat hkat nga ai hpe sa mu hkrup nna shi gaw shan a lapran e shangwi shapyaw htingram na matu, ‘hkau yan e, nan gaw hpu nau Israela shada she rai yang me, hpa rai gasat hkat nga myit ta?,’ ngu nna nem mu ai.

ROMA 15:18

Maigan amyu ni Karai Kasang a ga madat mara wa hkra Hkristu gaw ngai hpe jai lang ai lam hpe chyu sha ngai nden ja ai hte tsun na nngai. Maigan amyu ni madat mara lu hkra Hkristu gaw ngai tsun shaga ai mung sumtu ga hte galaw ai sat lawat hku nna mung ngai galaw ai laklai ai lamik kumla ni hte mauhpa magam amu ni hku nna mung, Chyoi Pra ai Wenyi a atsam madun ai hku nna mung ngai hpe jai lang nu ai.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

1 KORINHTU 3:9

Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai. Nanhte gaw Karai Kasang a yi hkauna hte Karai Kasang a wahpang htingnu rai nga myit dai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

KOLOSE 1:29

Shing rai dai lam byin lu hkra, ngai gaw Hkristu jaw ya ai mauhpa n-gun atsam hte jam jau hkam nna galaw shakut nngai. Dai n-gun atsam ngai hta amu galaw nga ai gaw, ngai galaw ai bungli hta dan dawng nga ai.

TARA AGYI 15:12

Shanhte gaw, “Shanhte a lata de nanhte hpe ap ya lu hkra ngu, nang hpe gyit la na matu, ndai yang e anhte du sa raga ai,” ngu nna tsun ma ai. Samson mahtang, “Nanhte nan ngai hpe n sat kau na ga ai, ngu ai ga ngai hpe jaw mi,” ngu nna tsun wu ai.

1 SAMUELA 14:45

Rai ti mung, amyu masha ni chyawm gaw Shawlu hpe, “Israela a matu nde wa kaba la ai awng padang ninglaw jaw ya ai Yonahtan gaw si lu na rai wu ni? Dai hku n rai u ga, shi a baw hta na kara singgawng mi mung mat lu na n rai nga ai gaw ahkrung nga ai dai Madu hta anhte ga sadi tawn ga ai. Dai ni shi galaw ai amu gaw Karai Kasang karum la ai hte sha galaw kau lu nu ai re,” ngu nna tsun ma ai. Dai rai nna amyu masha ni gaw Yonahtan hpe si na kaw na hkrang la nga ma ai.

1 SAMUELA 19:5

Shi gaw asak dan nna Goliat hpe sat kau nu ai majaw sha, Israela a matu awng padang kaba dai Madu jaw ya mani ai. Dai lam hpe nang mu nit dai shaloi kabu gara nga ndai. Dai rai yang, ndai hpa mara mung n shut, hpa mara mung n kap re ai Dawi hpe mara kata e hpa majaw shi hpe sat kau mayu nga n ni?,” ngu nna tsun wu ai.