KASA 7:23 - Jinghpaw Common Language Bible 2009

²³ “Ya Mawshe asak mali shi ning du ai shaloi shi a kahpu kanau Israela kashu kasha ni hpe gara hku di nga ma ai lam mu chye na matu sa kawan katsan yu na myit daw dan ai hte sa wa ai.

Jinghpaw Hanson Version Bible

²³ Ya shi asak mali shi ning du magang yang, shi a kahpu kanau Israela kashu kasha ni hpang de kawan katsan yu na, myit pru nna sa wa ai.

KASA 7:23 ပူးပေါင်းရင်းမြစ်များ

2 HKAWHKAM LABAU 30:12

Hkawhkam wa hte shi a du salang ni hkang dat ai ga hta hkan let, shi a myit ra hkan lu hkra nga, Karai Kasang mung Yuda mung hta amu galaw ai hte amyu masha ni hpe shanhte daw dan ai hte maren myit hkrum shinggyin da wu ai.

EZRA 1:1

Persi hkawseng Kuru hkaw dung ai shawng shaning hta e, myihtoi Yeremia hku tsun nu ai dai Madu a mungga gaw dik wa nga sai. Shi gaw ndai hkang da ai ga hpe ning ngu ka shapraw nhtawm shi up ai mungdan shara shagu hkan hproi hkra ja ja hti ndau na matu Kuru hpe kalang lata galaw shangun wu ai:

EZRA 1:5

Dai hpang, tinang myit masin hta Karai Kasang e shamu shamawt ya hkrum sai Yuda hte Benyamin amyu bawsang hta na lakung ni a ningbaw ni, hkinjawng ni hte Lewi masha ni gaw Yerusalem mare na dai Madu a Nawku Htingnu bai sa gap na matu jin jin rai ma ai.

EZRA 7:27

Ezra gaw, “Dai Madu anhte a kaji kawa ni a Karai Kasang hpe shakawn mu! Shi gaw Yerusalem na dai Madu a Nawku Htingnu hpe ndai hku nna shagrau sha-a na matu hkawseng wa hpe myit lawm shangun nu ai.

PRU MAT 35:21

dai Madu a hpung shingkang shanu nga ai Sum galaw na matu sharawng awng ai ni kadai mung dai Madu hpang de kumhpa la sa na rai ma ai. Shanhte gaw nawku daw jau na amu hta lang ra ai arai shagu hpe mung, hkinjawng bu hpun palawng ni hpe mung galaw na matu la sa shajang ma ai.

PRU MAT 35:29

Dai Madu Mawshe hpe hkang dat ai amu lam shagu a matu Israela amyu masha ni yawng hta kam jaw ai shawang myit rawng ai ni gaw shanhte a hkungga kumhpa ni la sa shajang nga ma ai.

PRU MAT 4:18

Dai hpang Mawshe gaw shi a katsa Yehtru kaw nhtang wa nna shi hpe, “Egutu mung na nye a jinghku kahpu kanau ni naw hkrung nga ma ai kun? Dai ni hpe sa yu na nngai majaw chyeju hte ngai hpe nhtang wa shangun e,” ngu nna tsun wu ai. Yehtru mung myit hkrum ya ai hte shi hpe shakram dat wu ai.

PRU MAT 7:7

Shan hkawhkam wa kaw shang tsun ai aten hta, Mawshe gaw asak matsat shi ning rai nna, Arun a asak mahtang matsat shi masum ning rai nga salu ai.

GA SHAGAWP 21:1

Dai Madu gaw hka shi hpe de a lwi lam de, aloi sha shalen dat wu ai zawn, hkawhkam wa a myit mang ai lam hpe mung, hkang ya nga ai.

KASA 15:36

Dai hpang nhtoi ram ram na wa jang Pawlu gaw Barnaba hpe, “Madu a mungga hkaw dan da sai mare shagu hkan na kahpu kanau ni kaning rai nga ma ai hpe bai sa kawan yu saga,” nga nna tsun wu ai.

KASA 7:24

Shingrai sa yu hkawm nga ai ten hta Israela masha ni hta na marai langai mi hpe Egutu masha langai mi e kayat adup nga la ai hpe mu jang, Israela masha wa hpe maga nna zingri nga ai Egutu masha hpe matai htang let sat kau wu ai.

2 KORINHTU 8:16

Nanhte hpe karum madi shadaw na matu anhte hta myit rawt sharawng awng ai lam rawng ai zawn, Titu hta mung rawng shangun ai Karai Kasang a chyeju hpe gade shakawn shagrau shara rai nga a hka!

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

SHINGRAN 17:17

Hpa majaw nga yang, shanhte gaw Karai Kasang a mungga dik wa ai nhtoi du hkra, shanhte up hkang na ahkang aya, dai matse labye hpe myit hkrum ai hte ap ya mu ga nga, Karai Kasang gaw shanhte a kraw lawang hta shi a yaw shada ai lam hkan galaw na myit bang ya mu ai.