KASA 6:5 - Jinghpaw Common Language Bible 2009

⁵ Shing nga hpaji jaw ai ga dai hpe hpung ting na ni na ra ma ai rai nna, makam masham hpring tsup ai hte Chyoi Pra ai Wenyi hpring ai Stehpan ngu ai wa hte Hpilip, Prokoru, Nikanora, Timun, Parmena hte Antioki mare na Proselutu hpung na Nikola hte hpe lata la ma ai.

Jinghpaw Hanson Version Bible

⁵ Ga dai hpe hpung ting na ra ma ai rai nna, makam masham tsup ai hte, Chyoi pra ai Wenyi hpring ai Stehpan ngu ai wa hte, Hpilip, Prokoru, Nekanora, Timun, Parmena hte Antioki mare na Proselutu hpung na Nikola hte hpe lata la nna,

KASA 6:5 ပူးပေါင်းရင်းမြစ်များ

NINGPAWT NINGHPANG 41:37

Hkawhkam wa hte shi a mung du salang ni mung shi a yaw shada ai lam hpe myit hkrum ya mu ai hte shagrin ya mu ai;

GA SHAGAWP 15:1

Si mani hte htan ai ga gaw myit kahtet ai hpe shakawp ya lu tim; kajet kajau re ai ga chyawm gaw pawt sindawng ai hpe shalut kabrawng ya nga ai.

GA SHAGAWP 15:23

Ra ahkyak ai aten hta ra ahkyak ai ga hpe tsun shaga lu ai gaw gade wa kabu gara shara rai nga a hka!

MIHKA 3:8

Rai ti mung, nye a matu chyawm gaw, dai Madu ngai hpe shi a wenyi hte daru magam n-gun hte jahpring ya nna tara dara ai nyan hpaji hte Israela amyu masha ni shanhte a yubak lam ni hpe tsun dan lu ai share shagan ai myit ni jaw bang ya nga ai.

MAHTE 23:15

Hpyi hpun ai tara sara ni hte Hparishe ni e, nanhte dingnye lu myit dai; sape langai mi shatai la na matu nanhte gaw nammukdara hte hkarang hpe htinglet kahkrang hkawm myit dai, rai ti mung, sape shatai la ngut jang, shi hpe nanhte hta htam lahkawng grau hkra, ngarai mung hta hkrat bang na ging dan ai wa shatai myit dai.

KASA 11:19

Ya Stehpan hpe sat kau ai kaw nna hpang wa ai zingri zingrat lam a majaw bra mat wa ai kam sham ai ni gaw, Hponisha, Kupru hte Antioki mare du hkra len hkawm nna Yuda ni hpe hkrai sha dai mungga hkaw dan ma ai.

KASA 11:20

Rai ti mung, shanhte hta na Kupru hte Kureni mung na kam sham ai kaga nkau mi Antioki de du ma ai rai nna, Yuda n re ai maigan Heleni masha ni hpe Madu Yesu a lam Kabu Gara Shiga hpe htawn tsun ma ai.

KASA 11:22

Ndai lam shiga Yerusalem na hpung a na hta kajai gumhkawng shang wa ai rai nna shanhte gaw Barnaba hpe Antioki mare de shangun dat mu ai.

KASA 11:24

Barnaba gaw masha kaja langai mi rai nna, Chyoi Pra ai Wenyi hte mung, makam masham hte mung hpring tsup ai wa rai nga ai. Masha law law hpe dai Madu hpang de jat bang wa shangun wu ai.

KASA 11:26

Shi hpe mu jang Antioki de woi wa wu ai. Ya, shan gaw laning mi tup dai hpung masha ni hte rau hpawng nga ma ai rai nna masha law law hpe sharin shaga lu ma ai, sape ni mung Hkristan ni ngu ai mying hpe Antioki mare hta shawng lu la ma ai.

KASA 11:27

Dai aten daram hta Myihtoi nkau mi Yerusalem kaw nna Antioki de sa du ma ai.

KASA 13:1

Ya Antioki mare na hpung hta e myihtoi ni, sara ni nkau mi lawm nang nga ma ai; Dai ni gaw, Barnaba, shan chyang masha ngu ai Simun, Kureni masha Luki, Herod munggyi a kaji kaw nna rau ram kanawn manang rai nga ai Manaen, hte Shawlu ni rai ma ai.

KASA 15:22

Dai hpang kasa ni hte salang ni gaw hpung masha yawng hte bawng ban nna shanhte hta na masha nkau mi hpe lata la nhtawm, Pawlu yan Barnaba hte rau Antioki de shangun dat na lam myit hkrum daw dan ma ai. Shanhte gaw kam sham ai ni grai hkungga ai hte kam mai ai Barsaba ngu ai Yuda hte Sila yan hpe lata la nna,

KASA 2:4

Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

KASA 21:8

Hpang shani e anhte bai pru nna Kesare mare de du ga ai. Anhte gaw Kabu Gara Shiga hkaw tsun ai Hpilip a nta hta manam ga ai. Hpilip gaw Yerusalem mare kaw karum na matu hpung kaw nna lata san da ai marai sanit hta na langai mi rai nga ai.

KASA 22:20

Madu a lam sakse hkam ya ai wa Stehpan hpe sat kau ma ai shaloi mung ngai nan makau e tsap nna, shi hpe sat kau ai lam myit hkrum let, shi hpe sat kau ai ni a hpun palawng ni hpe sin ya nngai,’ ngu we ai.

KASA 6:10

Rai ti mung Stehpan gaw dai Wenyi e jaw ya ai nyan hpaji hte tsun shaga ai majaw shanhte shi hpe n dang lu mu ai.

KASA 6:3

Dai majaw hpu nau ni e, nanhte hta na Chyoi Pra ai Wenyi hte hpaji machye machyang hpring ai marai sanit lata tawn mu. Anhte dai ni hpe dai amu galaw hpajang na matu san da na ga ai.

KASA 6:8

Stehpan gaw Karai Kasang kaw na chyeju ra n rawng hkra hkam sha ai wa, n-gun atsam hpring tsup ai wa rai nna, mung masha ni a man e lamik kumla kaba ni hte mauhpa amu ni madun dan nu ai.

KASA 7:1

Shaloi Hkinjawng Agyi Kaba wa gaw Stehpan hpe, “Ndai ni tsun ai ga teng nga a ni?,” ngu nna san wu ai.

SHINGRAN 2:15

Dai hte maren nanhte hta mung, Nikola a hpang hkan nang ai ni sharin shaga ai hta hkan nang nga ai masha ni lawm nga ma ai.

SHINGRAN 2:6

Rai ti mung Nikola a sape ni galaw ai arawn alai hpe ngai n dawng nga ai zawn nang mung n dawng n yawt nga ndai majaw, nang hpe shakawn shara akyu langai lu ndai.