KASA 6:4 - Jinghpaw Common Language Bible 2009

⁴ Anhte nan chyawm gaw, akyu hpyi ai lam hte mungga hkai dan ai amu hta aten tup gunhpai nga na ga ai,” ngu nna tsun mu ai.

Jinghpaw Hanson Version Bible

⁴ Anhte chyawm gaw, akyu hpyi ai amu hte mungga hkai dan ai amu hta, htep lahti shatsup nga na ga ai,” ngu nna tsun mu ai.

KASA 6:4 ပူးပေါင်းရင်းမြစ်များ

LUKA 1:23

Ya shi daw jau ai amu a nhtoi gu jang shi nta de bai wa mat ai.

KASA 1:14

Shanhte nlang hte gaw, Yesu a kanu Mari hte kaga numsha ni mung shi a kanau ni hte mung, akyu hpyi na matu ya sha ya sha myit mang langai sha hte hpawng nga ma ai.

KASA 2:42

Shanhte gaw Kasa ni a sharin shaga ai lam, rau kanawn mazum hpawng de ai lam, Madu a Shana Shat sha ai lam hte akyu hpyi ai lam hta htep lahti hkan nga ma ai.

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.

1 KORINHTU 9:16

Ndai Kabu Gara Shiga hpe ngai hkaw dan ai a majaw, nye a matu gumrawng shara n nga ai. Hpa majaw nga yang, ngai gaw Karai Kasang hkang da ai hte maren ngai n hkaw dan ai gaw n nga lu nngai. Ngai dai Kabu Gara Shiga hpe n hkaw dan a yang gaw hkrithpa dingnye lu na nngai.

HPILIPI 1:4

Ngai nanhte a matu akyu hpyi ai ten shagu hta kabu gara ai hte hpyi nngai.

KOLOSE 2:1

Ngai gaw nanhte a matu mung, Ladoki masha ni a matu mung, ngai hpe myi man chyaw n mu yu ai kaga masha ni yawng hte a matu mung, ngai gade wa galaw gun hpai shakut shaja sa wa ai lam nanhte hpe ngai tsun dan made ga.

KOLOSE 4:12

Nanhte kaw na rai nga ai Hkristu a mayam wa Epahpra gaw nanhte hpe shakram dat ai. Shi gaw nanhte a matu myit rawt sharawng awng ai hte akyu hpyi nga ai. Nanhte gaw Karai Kasang a myit ra ai lam hta tup hkrak madat mara hkan sa nna myit su kunghpan ai hte kam sham ai lam hta atsawm sha myit hkawn ai Hkristan tai nga let, dinggrin lahpran tsap nga lu myit ga, shi gaw Karai Kasang kaw hpyi nem ya nga ai.

KOLOSE 4:17

Dai Madu a amu hta gun hpai na matu ap da hkrum ai hpe ngut hkra gun hpai na matu Arhkipo hpe tsun shana mu.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.