KASA 6:3 - Jinghpaw Common Language Bible 2009

³ Dai majaw hpu nau ni e, nanhte hta na Chyoi Pra ai Wenyi hte hpaji machye machyang hpring ai marai sanit lata tawn mu. Anhte dai ni hpe dai amu galaw hpajang na matu san da na ga ai.

Jinghpaw Hanson Version Bible

³ Dai majaw, hpunau ni e, nanhte hta na sari rawng nna, Chyoi pra ai Wenyi hte hpaji byeng-ya hta myit kup ai masha marai sanit lata tawn mu; dai ni hpe ndai amu madu shangun na matu, anhte san da nme ga.

KASA 6:3 ပူးပေါင်းရင်းမြစ်များ

PRU MAT 18:21

Rai ti mung, dai hta kaga, atsam ningja rawng ai masha nkau mi hpe nang lata la nhtawm, amyu masha ni a ningbaw tai ai hta, hkying mi a ningbaw ni, latsa a ningbaw ni, manga shi a ningbaw ni hte shi a ningbaw ni ngu nna san tawn u. Shaloi shanhte gaw Karai Kasang hpe hkrit kamyin ai ni, kam hpa ging ai ni hte mayun kumhpa n la sha ai ni rai lu na ma ai.

ESAIA 28:26

Karai Kasang gaw shanhte hpe sharin ya nu ai majaw shanhte a amu hpe gara hku galaw na lam shanhte chye ma ai.

ESAIA 28:6

Shi gaw tara agyi amu galaw ai ni hpe teng man ai nyan hte, mare chyinghka lam e hpyen hkap manga kau lu ai ni hpe n-gun atsam jaw na ra ai.

MAHTE 23:8

Nanhte mahtang ‘Sara e’ ngu nna shamying na hpe hkum ra myit: hpa majaw nga yang, nanhte a sara gaw langai sha rai nga ai rai nna, nanhte yawng kahpu kanau ni rai nga myit dai.

YAWHAN 21:23

Dai majaw dai sape gaw si na n rai, nga ai ga gaw, Yesu a hpang hkan nang ai hpu nau ni hta chyam bra mat wa ai. Rai ti mung dai sape hpe n si na re ngu nna Yesu tsun ai n rai, “Ngai du sa ai nhtoi du hkra, shi hpe ngai asak hkrung nga shangun mayu yang mung, nang hte hpa seng a ta?,” nga nna tsun ai sha rai nga ai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 1:21

“Dai re ai majaw, Madu Yesu hpe Karai Kasang e jahkrung sharawt la nu ai lam anhte hte rau sakse hkam na matu masha langai mi hpe anhte lata la na rai ga ai.

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

KASA 15:23

shan a lata hku laika langai mi ka ya dat mu ai. Dai laika hta: “Nanhte a hpu nau ni rai nga ai anhte kasa ni hte salang ni gaw, Antioki mare hte Suri mung, Kiliki mung hkan e nga ai maigan amyu Hkristan hpu nau ni hpang de ngwi pyaw ai ga shana shakram dat ga ai.

KASA 16:2

Shi gaw Lustra mare hte Ikoni mare na hpu nau ni a man e sari sadang lu nna shakawn hkrum ai wa rai nga ai.

KASA 2:4

Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

KASA 22:12

“Dai mare hta tara hkungga nna anhte a jep ai Tara hpe madat mara hkan sa ai hte dai yang e nga ai Yuda masha ni yawng a man e myi man pa nna hkungga tawn ai Anani ngu ai masha langai mi nga ai.

KASA 28:14

Dai mare kaw kam sham ai hpu nau nkau mi hte hkrum nna shanhte hte rau sanit ya hkring nga na hpyi ma ai majaw anhte hkring nga ga ai. Dai hpang Roma mare de du ga ai.

KASA 6:2

Dai rai nna dai kasa shi lahkawng hte gaw, sape hpung ting hpe shaga la nna, “Anhte wa Karai Kasang mungga hkaw tsun ai amu hpe hprai kau rap di nna dai ja gumhpraw lam hpajang chyai nga na gaw n jaw nga ai.

KASA 6:5

Shing nga hpaji jaw ai ga dai hpe hpung ting na ni na ra ma ai rai nna, makam masham hpring tsup ai hte Chyoi Pra ai Wenyi hpring ai Stehpan ngu ai wa hte Hpilip, Prokoru, Nikanora, Timun, Parmena hte Antioki mare na Proselutu hpung na Nikola hte hpe lata la ma ai.

KASA 6:6

Dai hpang shanhte hpe kasa ni a man de jashawn dat nna dung nga shangun mu ai, kasa ni akyu hpyi ngut jang, shanhte a ntsa e lata mara jaw da mu ai.

KASA 9:30

Dai lam kam sham ai hpu nau ni chye jang shi hpe Kesare de sa dat nna Tarshu de shangun dat mu ai.

1 KORINHTU 12:8

Hpa majaw nga yang, langai ngai hpe dai Wenyi gaw hpaji hte hpring ai mungga jaw wu ai; kaga wa hpe dai Wenyi gaw machye machyang hte hpring ai mungga jaw wu ai.

1 KORINHTU 16:3

Ngai sa du ai shaloi, htet shana shachyen dat ya ai laika ka nna, nanhte lata san da ai ni hpe dai alu gumhpraw Yerusalem de sa sa na, ngai shagun dat na mawe ai.

EHPESU 5:18

Chyaru hkum nang mu; dai gaw nang hpe jahten shabya kau na ra ai. Wenyi hte hpring tsup nga mu.

TARA JAHPRANG 1:13

Amyu bawsang shagu na hpaji byeng-ya rawng nhtawm chye na hkawn hkrang ai hpaji hte hpring nna mahkrum madup nga ai masha ni hpe lata tawn mu; shing rai ngai shanhte hpe nanhte a ntsa na hpareng dang ya na made ai,’ ngu nna ngai nanhte hpe tsun yu mase ai.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

3 YAWHAN 1:12

Masha shagu gaw Demetri a kaja ai lam hpe sakse hkam nga ma ai. Shi a hkan sa galaw ai lam ni mung dai teng man ai mungga hte bung pre nga ai. Anhte mung sakse hkam jat ga ai rai nna, anhte a sakse hkam ai ga teng nga ai gaw nang chye nga ndai.