KASA 6:14 - Jinghpaw Common Language Bible 2009

¹⁴ Nazaret na Yesu ngu ai wa gaw, Nawku Htingnu hpe hpya kau nna anhte hpe Mawshe jaw da ai Tara a htung hking ni hpe galai kau na rai nga ai nga nna ndai wa shi nan tsun ai ga anhte na saga ai,” ngu nna tsun mu ai.

Jinghpaw Hanson Version Bible

¹⁴ Nazaret na Yesu ngu ai wa gaw, shara ndai hpe hpya kau nna, anhte hpe Mawshe jaw da ai tara a htung hking hpe galai kau na rai nga ai, nga nna shi nan tsun ai ga anhte na saga ai,” ngu nna tsun mu ai.

KASA 6:14 ပူးပေါင်းရင်းမြစ်များ

ESAIA 65:15

Lata la hkrum sai nye a amyu masha ni gaw na a mying hpe dagam dala ga hku lang wa na mara ai. Tsaw Htum ai dai Madu ngai gaw nang hpe sat kau na nngai. Rai ti mung ngai gaw nye a ga madat mara ai ni hpe mying nnan jaw na nngai.

YEREMIA 26:12

Dai hpang, ngai gaw, “Nanhte na ai ndai Nawku Htingnu hte ndai mare hpe ninghtan shai ai hku lam shagu htawn tsun na, dai Madu gaw ngai hpe shangun dat nga sai.

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

Daniela 9:26

Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

ZEHKARIA 11:1

Lebanon e, na a chyinghka ni hpe hpaw tawn u, shaloi, wan gaw na a arit hpun ni hpe hkru kau lu nga ai!

ZEHKARIA 14:2

Dai Madu gaw Yerusalem hpe gasat na matu masha amyu baw ni hpe jahpawng da na ra ai. Dai mare gaw gasat la kau ai hkrum nna, nta ni hpya katut nna numsha ni mung roi rip hkrum na mara ai. Amyu masha ka-ang hkup hte gaw bawng dung mat wa ti mung, naw ngam nga ai ni mahtang mare kaw nna tsan tsan de n woi la hkrum nga ma ai.

MAHTE 26:61

“Ndai wa gaw, ‘Karai Kasang a Nawku Htingnu hpe ngai run kau nna, masum ya laman dai hpe bai gaw gap lu na we ai,’ nga nna shi tsun sai,” ngu mu ai.

MARKU 14:58

“Ndai wa gaw, ‘Masha lata hte galaw da ai ndai Nawku Htingnu hpe ngai run kau nna, masum ya laman e, masha e galaw ai n re ai sha kaga langai mi ngai bai de da na we ai,” nga nna shi tsun ai ga hpe anhte na sagaw ai,” ngu mu ai.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

LUKA 21:6

Yesu gaw, “Ndai nanhte mu nga ai arai ni yawng nlung langai mi pyi, ndai kaw mi na shi a shara hta n mara nga lu na aten du na ra ai, nlung tawng shagu run kabai jahkrat kau ai hkrum na ra ai,” ngu mu ai.

YAWHAN 2:19

Yesu gaw, “Ndai Nawku Htingnu hpe hpya kau u, masum ya laman e, ngai dai hpe bai sharawt na we ai,” ngu nna shanhte hpe htan mu ai.

YAWHAN 4:21

Yesu gaw, “Numsha e, ngai hpe kam u, ndai bum e mung, Yerusalem mare e mung, masha ni Wa hpe n nawku na aten du wa na ra ai.

KASA 15:1

Ya Yuda mung na ni nkau mi Antioki mare de sa du nna, kam sham ai hpu nau ni hpe, “Nanhte Mawshe a jep ai Tara hte maren matu gadoi lam n hkan myit yang gaw, hkye hkrang la ai kaw n du lu na myit dai,” ngu nna sa sharin mu ai.

KASA 21:21

Rai ti mung nang gaw, maigan mungdan ni hta nga jahkran nga ai Yuda masha ni yawng hpe tinang a kasha ni hpe matu n gadoi ra ai Yuda htung hking n hkan ra ai ngu nna Mawshe a jep ai Tara hpe kabai kau na hku sharin achyin ya ndai nga ai ga dai ni nlang na ma masai.

KASA 25:8

Rai ti mung Pawlu gaw, “Yuda masha ni a jep ai Tara hpe mung, Nawku Htingnu hpe mung, Hkawhkam Kehta hpe mung, ngai hpa n shut n hpyit yu nngai,” ngu nna shi hkum hpe makawp maga ai ga tsun nga ai.

KASA 26:3

Yuda amyu masha ni a htung hking lam ni hte dangrang hkat chye ai manghkang lam magup hpe nang grai chye ai wa rai nga ndai. Dai rai nna myit galu kaba ai hte ngai hpe madat ya na, ngai hpyi nem nngai.

KASA 28:17

Masum ya nhtoi lai ai hpang, Pawlu gaw, dai buga na Yuda agyi salang ni hpe shaga jahpawng la wu ai. Shanhte du sa hpawng nga ma yang, shi gaw shanhte hpe, “Nye a hpu nau Israela amyu masha ni e, ngai gaw, nye a amyu hpe mung, ji wa ni a htung hking hpe mung, nhtan shai ai amu hpa mung n galaw yu nngai, rai ti mung Yuda amyu masha ni Yerusalem mare kaw ngai hpe rim la nhtawm Roma masha ni a lata de bawng masha langai mi hku ap kau ai ngai hkrum nngai.

GALATI 3:19

Dai rai yang gaw, jep ai Tara a yaw shada ai lam gaw hpa rai ta? jep ai Tara hpe Karai Kasang jat bang tawn da ya ai lam gaw shut hpyit yubak mara ni a masa lam hpe shapraw dan na matu rai nna dai gaw, ga ndat da ai Abraham a aru arat wa garai n du ai aten laman du hkra sha grin nga na matu rai nga ai. Karai Kasang gaw dai jep ai Tara hpe lamu kasa ni hku nna lapran e htinglet ya ai wa langai mi a lata hte jaw ya sai.

GALATI 3:23

Rai ti mung dai makam masham a matu aten garai n du yang makam masham dan dawng wa ai ten du hkra jep ai Tara gaw anhte yawng hpe bawng ni hpe zawn sharen da mi ai.