KASA 6:11 - Jinghpaw Common Language Bible 2009

¹¹ Dai rai nna shanhte gaw, “Ndai wa Mawshe hte Karai Kasang hpe shatan ai ga tsun nga ai gaw anhte na saga ai,” ngu nna masha kaga hpe mayun kumhpa jaw nna tsun shangun ma ai.

Jinghpaw Hanson Version Bible

¹¹ Shaloi shanhte gaw, “Ndai wa Mawshe hte Karai Kasang hpe shatan ai ga tsun nga ai gaw, anhte na saga ai,” nga nna tsun na masu ai sakse tam tawn ma ai.

KASA 6:11 ပူးပေါင်းရင်းမြစ်များ

PRU MAT 23:1

“N teng n man ai shiga hkum htawn shamawng et; mara kap ai wa hpe n teng n man ai sakse hkam nna hkum karum la et.

YEREMIA 26:11

Dai hpang hkinjawng ni hte myihtoi ni gaw ningbaw ni hte amyu masha ni hpe, “Anhte a mare hpe ninghtan shai ai hku shi tsun nu ai majaw ndai wa gaw si ging ai wa rai nga ai. Nanhte gaw shi a lam hpe nanhte a na hte nan shi a nsen hpe na manit dai,” ngu nna tsun ma ai.

YEREMIA 37:13

Rai ti mung, Benyamin Chyinghka lam de ngai du shang wa ai shaloi, Hanania a kashu, Shelemia a kasha, sin langa ni a agyi Iriya mying ai wa gaw, ngai hpe hkap jahkring nhtawm, “Nang gaw Babelon masha ni hpang de hprawng shang mat wa ai wa rai nga ndai!,” ngu nna hkap tsun wu ai.

JAW JAU 24:16

Israela masha ni hpe tsun u. Israela amyu masha mi rai ti mung, Israela mung hta nga ai maigan masha rai ti mung dai Madu hpe matsa ai wa kadai mung shawa hpung ting e nlung hte kabai sat kau ai hkrum na rai wu ai.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

YAWHAN 16:3

Shanhte gaw nye Wa hpe mung, ngai hpe mung, n chye ma ai majaw, ndai lam ni nanhte hpe di na mara ai.

YAWHAN 9:29

Karai Kasang gaw Mawshe hpe mungga jaw ai anhte chye ga ai; dai wa kanang na du sa ai hpe chyawm gaw anhte n chye ga ai,” ngu mu ai.

KASA 15:21

Hpa majaw nga yang Mawshe a Tara gaw Bansa Nhtoi shagu tara jawng ni hta ahti dan nga ma ai hte moi prat kaw nna mare shagu hta dai tara hkaw dan ai ni nga nga ma ai,” ngu nna tsun wu ai.

KASA 18:6

Yuda masha ni Pawlu hpe ninghkap nna shi a lam n kaja ai hku amyu myu roi n ra nga tsun jahpoi asawng ma yang, Pawlu gaw shi a hpun palawng kaw na nhpu ni hpe ahpu jahkrat dan let, “Nanhte hten byak mat ai rai yang nanhte a mara nanhte a ntsa she rai nu ga, ngai hta lit n nga sai. Ya kaw nna gaw, maigan amyu ni hpang de ngai kayin mat wa na ni ai,” ngu nna shanhte hpe tsun mu ai.

KASA 21:28

Shanhte gaw, “Israela masha ni e, karum la marit! Ndai wa gaw shara shagu hkan hkawm nna yawng mayawng hpe anhte Israela amyu hpe mung, Mawshe a Tara hpe mung ndai Nawku Htingnu hpe mung nhtan shai mara shagun ai hku hkaw tsun sharin shaga ai wa rai nga ai law. Dai hta n-ga ya shi gaw tara maigan masha ni hpe Nawku Htingnu kata de shaga shashawn nna ndai Chyoi pra ai shara hpe awu asin di kau nu ai law!” nga nna jahtau ma ai.

KASA 25:3

Shanhte gaw Pawlu hpe lam e hkap gyam sat kau na matu makoi magap ai hku lajang da ma ai. Dai rai nna, shanhte hpe chyeju galaw ai hku nna, Pawlu hpe Yerusalem mare de sa dat ya na Hpestu kaw hpyi ma ai.

KASA 25:7

Pawlu du jang Yerusalem mare na yu wa ai Yuda masha ni gaw shi hpe tsap shinggrup da let shanhte sakse n madun lu ai mara kaba law law wa shi a ntsa e shagun mu ai.

KASA 26:11

Tara jawng ni hta shanhte hpe law law lang ari jahkrum nhtawm, shanhte a makam masham nyet kau mu ga galaw shakut se ai. Shanhte hpe ngai nachying pawt bu ai hte maigan mare kahtawng du hkra pyi, hkan zingri mase ai.

KASA 6:10

Rai ti mung Stehpan gaw dai Wenyi e jaw ya ai nyan hpaji hte tsun shaga ai majaw shanhte shi hpe n dang lu mu ai.

KASA 6:12

Shing rai shanhte gaw mung masha ni hte agyi salang ni, Tara sara ni hpe myit sharawt ya nna shi hpe sa rim la nhtawm Kongsi hpawng a man e woi tawn mu ai.

KASA 6:13

Dai hpang shanhte gaw masu ai sakse ni hpe shaga shawn dat mu ai rai nna shanhte gaw, “Dai wa, ndai Chyoi Pra ai Nawku Htingnu hte Mawshe a Tara hpe jahpoi asawng ai ga atsun nga ai.

ROMA 3:8

“Mai kaja ai lam byin pru u ga, n kaja ai lam galaw ga,” ngu nna tsun na rai ni? Ndai hku nan ngai tsun ai nga nna masha nkau mi ngai hpe mara shagun ai hte n kaw n law roi asawng ma ai. Dai masha ni gaw daw dan ai ari hkrum ging ai hte maren shanhte hkrum na mara ai.

1 TIMOHTI 1:13

Ngai chyawm gaw lai wa sai ten hta Madu hpe n kaja ai hku mara shagun tsun shatan ai zingri zingrat ai hte roi asawng re ai wa rai nngai. Rai ti mung Karai Kasang gaw ngai hpe matsan dum nga ai; hpa majaw nga yang, ngai hta makam masham garai n rawng ai rai nna ngai hpa galaw nga ai hpe ngai n chye we ai.