KASA 6:1 - Jinghpaw Common Language Bible 2009

¹ Ya gade nna yang, Sape ni law htam wa ma ai rai nna Grik ga shaga ai Yuda ni hte Yuda majing ni a lapran e aput angun nga nna ga shai hkat wa ma ai. Grik ga shaga ai Yuda masha ni mahtang shani shagu jai na gumhpraw garan ai hta shanhte a maga na gaida jan ni hpe hprai kau nna shadawng da ya mi ai, nga nna tsun mara ai.

Jinghpaw Hanson Version Bible

¹ Ya, sape ni law htam wa ai nhtoi hte yang, Heleni ngu ai ni hta na gaida jan ni hpe, shani shagu na galaw lu galaw sha ai amu hta shadawng tawn ai nhkan e, dai Heleni ni gaw Hebre masha ni hpe, aput angun nga ma ai.

KASA 6:1 ပူးပေါင်းရင်းမြစ်များ

YOBA 29:13

Htum hkra nni nkri hkrum sha ai ni mung ngai hpe shakawn ma ai; ngai gaw gaida jan ni hpe shim lam mu la hkra karum nngai.

YOBA 31:16

Ngai gaw matsan mayan masha ni hpe galoi mung karum nngai; gaida gaina ni hpe mung galoi mung myit htum shangun ai n rai.

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

SHAKAWN KUNGDAWN 72:16

Lamu ga ni hta nsi naisi ni ja kat nga u ga; Lebanon mung na nsi naisi si ai zawn, kawng ni yawng hta hkai nmai ni rai nga mu ga; Prang yang na tsingdu ni zawn, mare ni hta amyu masha ni hte hpring nga mu ga.

ESAIA 1:17

teng man ai amu galaw na hpe sharin la mu, teng man rap ra ai amu yu la nna, dip gamyet sha hkrum nga ai ni hpe karum mu, jahkrai ma ni a ahkaw ahkang hpe jaw mu; gaida gaina ni hpe makawp maga nga mu.”

ESAIA 27:6

Dai nhtoi ni du jang, Yaku a aru arat ni ngu ai Israela amyu masha ni gaw hpun zawn aru jung wa nna asi si na matu apu pu majawm wa na mara ai. Ginding aga gaw shanhte shapraw ai nsi naisi hte jahpring na mara ai.

YEREMIA 30:19

Dai yang e nga ai amyu masha ni gaw mahkawn shakawn na mara ai; shanhte gaw kabu gara jahtau garu na mara ai. Nye a shaman chyeju ga a majaw, shanhte law htam mayat maya wa na mara ai; nye a shaman chyeju gaw shanhte hpe shagrau sha-a lam jaw ya na ra ai.

EZEKELA 22:7

Dai mare hta shanu nga ai ni kadai mung tinang a kanu kawa ni hpe shagrau hkungga nga ma ai n rai. Nang gaw tsasam masha ni hpe mawp sha nna gaida gaina ni hte jahkrai nmai ni hpe zai hku nna dip sha nga ndai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

KASA 11:20

Rai ti mung, shanhte hta na Kupru hte Kureni mung na kam sham ai kaga nkau mi Antioki de du ma ai rai nna, Yuda n re ai maigan Heleni masha ni hpe Madu Yesu a lam Kabu Gara Shiga hpe htawn tsun ma ai.

KASA 11:26

Shi hpe mu jang Antioki de woi wa wu ai. Ya, shan gaw laning mi tup dai hpung masha ni hte rau hpawng nga ma ai rai nna masha law law hpe sharin shaga lu ma ai, sape ni mung Hkristan ni ngu ai mying hpe Antioki mare hta shawng lu la ma ai.

KASA 11:29

Sape ni gaw, Yuda mung na kahpu kanau ni hpang de langai hte langai rai lu ai made karum dat na nga, myit daw dan da ma ai.

KASA 2:41

Shanhte hta law law wa shi a ga hpe kam sham hkap la nna hkalup hkam la shajang nhtawm dai shani e masha hkying masum dang jat bang wa ma ai.

KASA 2:45

Shanhte gaw tinang a sut rai ni hpe dut kau nna kadai wa hpe mung n ginhka ai, ra kadawn ai hte maren karan jaw mu ai.

KASA 2:47

Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

KASA 4:35

kasa ni kaw sa ap ma ai rai nna, ra kadawn ai kadai hpe mung rap shara nna karan jaw karan ya mu ai.

KASA 4:4

Rai ti mung, mungga na la ai ni law law wa kam sham ma ai rai nna, kam sham ai la sha yawng hkying manga daram jat wa ai.

KASA 5:14

Rai ti mung, Karai Kasang hpe hkap la kam sham ai numsha, lasha hpung kaba grau grau nna dai hpung hta jat bang wa ma ai.

KASA 5:28

“Nanhte hpe dai amying hte n sharin shaga na matu anhte aja awa hkang da saga ai. Rai ti mung nanhte hpa galaw manit dai lam yu yu mu! Nanhte gaw nanhte a sharin shaga ai lam hpe Yerusalem mare ting shachyam shabra dat manit dai rai nna, dai wa si ai gaw anhte a majaw re ngu nna nanhte shadu mayu nga myit dai,” ngu nna tsun mu ai.

KASA 6:2

Dai rai nna dai kasa shi lahkawng hte gaw, sape hpung ting hpe shaga la nna, “Anhte wa Karai Kasang mungga hkaw tsun ai amu hpe hprai kau rap di nna dai ja gumhpraw lam hpajang chyai nga na gaw n jaw nga ai.

KASA 6:7

Shing rai Karai Kasang a mungga matut manoi chyam bra wa nna kam sham ai hpung masha ni Yerusalem mare hta grau grau law htam wa ma ai. Hkinjawng ni law law pyi gaw dai Kabu Gara Shiga hpe hkap la kam sham wa ma ai.

KASA 9:29

Shi gaw Grik ga shaga ai Yuda ni hte mung tsun shaga ndang hkat nga ai rai nna shanhte gaw shi hpe sat kau na maw ma ai.

KASA 9:39

Shaloi Petru rawt nna dai yan hte rau hkan sa wa ai. Shi du ai shaloi ntsa gawk de woi shawn mu ai. Dai yang e gaida jan ni nlang Petru a makau e tsap gum bawm nna naw hkring nga yang, Dorka chywi ai kata palawng ni ntsa palawng ni hpe madun dan let, hkrap nga ma ai.

KASA 9:41

Petru mung lata ladawn nna gang sharawt la wu ai. Dai hpang gaida jan ni hte kam sham ai hpung masha ni yawng hpe shaga la nna asak bai hkrung wa ai Dorka hpe ap ya mu ai.

ROMA 12:7

Masha hpe karum daw jau chye ai chyeju kumhpa rai yang gaw daw jau ga, sharin shaga chye ai chyeju kumhpa rai yang gaw sharin shaga ga,

1 KORINHTU 10:10

Shanhte nkau mi aput angun nna, Si du a kasa wa a lata hte jahten shabyak kau ai hkrum ma ai zawn, anhte aput angun nga lu na n rai.

2 KORINHTU 11:22

Shanhte Hebre masha ni rai ma ni? Ngai mung rai nngai. Shanhte Abraham a aru arat ni rai ma ni? Ngai mung rai nga nngai.

TARA JAHPRANG 26:12

“Masum ning ladu wa hkrum shagu, na a nsi naisi htam shi hta na htam mi shinggyin tawn nhtawm, Lewi masha ni hte maigan masha ni, jahkrai nmai ni hte gaida gaina ni hpe jaw na rai myit dai; shaloi shawa hpung ting hta shanhte hkru hkru kat kat sha lu na rai mu ai.

HPILIPI 3:5

Ngai gaw asak matsat ya nhtoi hta matu gadoi hkam nngai; Israela amyu Benyamin a aru arat hte Hebre masha hta na Hebre sai jet rai nga nngai. Yuda ni a jep ai Tara hpe hkan sa shatup ai hku she yu ga nga yang ngai Hparishe rai nga nngai.

1 TIMOHTI 5:3

Masha shingtai rai taw nga ai gaida jan ni hpe hkungga lara nga u.

1 TIMOHTI 5:9

Asak kru shi ning sha n jan yang gaw kadai gaida jan hpe mung gaida jan ni a jahpan hta n bang u ga, shi gaw kalang sha hkungran dinghku de ai jan rai ra ai.

HEBRE 13:1

Nanhte gaw Hkristan hpu nau ni rai nga myit dai hte maren shada da tsaw ra nga mu.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.

YAKU 4:5

“Anhte hta Karai Kasang bang da ya ai wenyi gaw hkrithpa laja lana re ai ra marin ai myit hte hpring chyat nga ai,” nga nna dai Chyum Laika tsun ai ga hta teng man ai lam n rawng ai ngu nna nanhte myit nga myit ni?

YAKU 5:9

Nye a hpu nau ni e nanhte Karai Kasang e daw dan ai n hkrum myit ga, nanhte shada da mara shagun aput angun hkum galaw myit, Tara agyi wa gaw du magang ra ai rai nna dan pru na jin jin rai nga sai.