KASA 5:9 - Jinghpaw Common Language Bible 2009

⁹ Shaloi Petru gaw, “Madu a Wenyi hpe chyam yu na nan hpa majaw ndai hku myit hkrum myit ta? Yu u, na a madu wa hpe lup kau ai ni ya chyinghka lam de du wa mara ai rai nna nang hpe mung shanhte hpai kau na mara ai,” ngu wu ai.

Jinghpaw Hanson Version Bible

⁹ Shaloi Petru gaw, “Dai Madu a Wenyi hpe chyam yu na, nan hpa majaw ndai hku myit hkrum myit ta? Yu u, na a madu wa hpe lup kau ai ni a lagaw, dai chyinghka e du ra ai; nang hpe mung hpai kau na mara ai,” ngu wu ai.

KASA 5:9 ပူးပေါင်းရင်းမြစ်များ

NINGPAWT NINGHPANG 20:13

Dai rai nna Karai Kasang gaw ngai hpe nye wa a nta kaw nna maigan mung ni de shangun dat ai shaloi ngai shi hpe, “Nang ngai hta kade wa sadi dung nga ai hpe, ngai gaw na a kayung wa rai nga ai ngu nna masha shagu hpe tsun dan ai hku nna nang shadan dan lu nga ndai,’” ngu nna tsun we ai.

2 HKAWHKAM 6:32

Shing rai Elisha hpe sa woi wa na matu, kasa langai mi hpe shangun dat wu ai. Dai aten hta Elisha gaw shi kaw sa chyai ai myit su salang nkau mi hte rau shi a nta e nga nga wu ai. Hkawhkam wa a kasa garai n du shang wa ai aten hta Elisha gaw myit su salang ni hpe, “Dai masha sat ai wa gaw ngai hpe sat kau na matu marai langai ngai hpe shangun dat nga ai! Ya chyawm gaw nang e shi du nga sai rai nna shi hpe n shang shangun lu hkra chyinghka la kau mu. Hkawhkam wa nan shi a shingdu e hkan nang nga ai,” ngu nna tsun wu ai.

SHAKAWN KUNGDAWN 50:18

Nang mu hkrup ai lagut shagu hte a manang nang tai nna; numshaw lashaw ai ni hte rau nang kanawn nga ndai.

SHAKAWN KUNGDAWN 78:56

Rai ti mung, shanhte gaw Chyahtum Chyalai n-gun rawng ai Karai Kasang hpe gumlau nga ma ai hte shi hpe chyam yu nhtawm, shi a hkang da ai tara ni hpe n madat mara nga ma ai.

PRU MAT 17:2

Shanhte gaw Mawshe hpe aput let, “Anhte hpe lu na ntsin jaw mi,” ngu nna tsun ma ai. Mawshe gaw, “Nanhte hpa majaw aput nga myit ta? Nanhte gaw hpa lam a majaw dai Madu hpe chyam mayu nga myit ni?,” ngu nna htan wu ai.

PRU MAT 17:7

Dai shara kaw Israela amyu masha ni mahtang, “Dai Madu gaw anhte hte rau nga nga ai kun?, n nga nga ai kun?, ngu san let, aput ai hte dai Madu hpe chyam dinglik yu ma ai majaw shara dai hpe Masa hte Meriba ngu nna mung shamying ma ai.

GA SHAGAWP 11:21

N hkru ai masha ni ari hkrum na hpe nang teng tup myit hkawn lu ti mung; ding hpring ai masha ni chyawm gaw lawt wa na mara ai.

GA SHAGAWP 16:5

Myit tsaw myit dap re ai masha shagu hpe dai Madu n dawng nga ai; shanhte hpe ari jaw ai kaw nna galoi mung, shi shalawt dat na ra ai n rai.

MIHKA 7:3

Shanhte yawng hte gaw n hkru ai amu galaw ai lam hta grai kung kyang ai ni rai ma ai. Up hkang du salang ni hte tara agyi ni mayun kumhpa hpyi ma ai. Daru magam lu ai masha wa gaw shi hpa baw ra marit ai lam shanhte hpe tsun dan nga ai majaw shanhte gaw myit langai sha jawm myit shapraw ma ai.

BU HKAWM 14:22

ndai amyu masha ni kadai mung dai mung de shang lu na ma ai n rai, ngu nna ngai ga sadi tawn da nngai. Shanhte mahtang Egutu mung hte nam mali hkan ngai galaw dan sai mauhpa lamik kumla ni hte htoi tu ai nye a hpung shingkang hpe mu lu ma ti mung, nye a galu kaba ai myit hpe shanhte lang hte lang chyam dinglik yu nna nye a ga hpe n madat ya ma ai.

MAHTE 4:7

Yesu gaw, “Dai Madu na a Karai Kasang hpe nang chyam yu lu na n rai, nga nna mung ka da nga ai,” ngu wu ai.

LUKA 16:2

Dai majaw, sahti wa gaw, shi hpe shaga la nna, ‘Ngai na lu ai, na a lam gaw kaning re ai rai ta? Na a bungli hte seng nna, nye a sut rai ni hpe gara hku jai lang sai lam hkum tsup ai jahpan laika dan yu rit, hpa majaw nga yang, ya kaw nna hpareng amu nang galaw lu na nit dai n rai,’ ngu wu ai.

KASA 15:10

Dai rai yang, ji wa ni e mung n hpai dang anhte mung n dang ai lit hpe sape ni a lahpa hta shagun ga nga nna ya nanhte hpa rai Karai Kasang hpe chyam yu mayu nga myit ta?

KASA 5:6

Shaloi jang shabrang ma ni shang wa nna sumpan hte ahkyen kayawp nhtawm sa hpai lup kau ma ai.

ROMA 10:15

Hkaw tsun na ni hpe n shangun dat yang gaw, shanhte kaning rai hkaw dan lu na ma ta? Dai Chyum Laika hta tsun ai hte maren, “Mai kaja ai lam Kabu Gara Shiga hpe la sa ai ni gaw gade wa mauhpa rai nga malu hka!,”

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

1 KORINHTU 10:9

Shanhte nkau mi dai Madu hpe chyam dinglik nna lapu e kawa sat kau ai hkrum ma ai zawn, anhte mung Madu hpe chyam dinglik lu na n rai.