KASA 5:5 - Jinghpaw Common Language Bible 2009

⁵ Anani gaw, dai ga hpe na ai shaloi jang kadawng si mat ai. Dai na ai ni yawng mung nachying hkrit kahpra nga ma ai.

Jinghpaw Hanson Version Bible

⁵ Dai ga na jang Anani gaw kadawng si mat ai: dai na ai ni yawng mayawng mung nachying hkrit kahpra mat ma ai.

KASA 5:5 ပူးပေါင်းရင်းမြစ်များ

2 HKAWHKAM 2:24

Shi gaw nhtang kayin yu let shanhte hpe mada azi yu nna, dai Madu a mying ningsang hta shanhte hpe dagam kau wu ai. Dai hpang tsap yi lahkawng maling de nna pru wa nhtawm lasha ma mali shi lahkawng hte hpe ashep ashin di amya je da nga ai.

1 HKAWHKAM LABAU 13:12

Dai hpang Dawi gaw Karai Kasang hpe hkrit nna, “Ngai gaw Ga Shaka Sumpu hpe kaning rai hpai wa lu na kun?,” ngu nna tsun wu ai.

1 HKAWHKAM LABAU 15:13

Shawng na lang hpai ai shaloi dai yang e nanhte n lawm nga myit dai hte anhte galaw ang ai hte maren, shi hpe n nawku ai majaw dai Madu anhte a Karai Kasang anhte hpe ari jaw mi ai,” ngu nna tsun wu ai.

SHAKAWN KUNGDAWN 119:120

Na a majaw, ngai hkrit gari nga nngai, na a tara dara ai lam ni a majaw, ngai hta hkrit kamyin ai myit hpring nga nngai.

SHAKAWN KUNGDAWN 64:9

Shanhte yawng hte gaw hkrit wa na mara ai rai nna, Karai Kasang hpa galaw da sai lam hpe shanhte myit aru yu na mara ai hte shi a amu bungli lam hpe tsun hkai dan na mara ai.

EZEKELA 11:13

Ngai myihtoi htoi nga yang pyi, Pelatia gaw du krung shakya kau ai hte si mat sai. Ngai gaw nye a myi man hpe ga de gum dagup let, “Tsaw Htum ai Madu e, nang gaw Israela mung hta naw ngam nga ai masha shagu hte hpe sat kau na ngu wu ni?,” ngu nna jahtau tsun nngai.

JAW JAU 10:3

Dai hpang Mawshe gaw Arun hpe, “Da ndai gaw, ‘Ngai hpe daw jau ai ni yawng nye a chyoi pra ai ban hpe hkungga lu na rai nna, nye a amyu masha ni hpe nye a hpung shingkang madun dan na we ai,’ nga nna dai Madu tsun ai gaw ndai zawn re ai lam hpe shi tsun ai re,’” ngu nna tsun wu ai. Rai ti mung Arun mahtang atsin sha nga nga wu ai.

KASA 13:11

Ya jang Madu kaw na ari nang kaw du hkrat wa nna nang gaw tawng marang mi shani a nhtoi n mu lu ai, myi kyaw nga na rin dai,” ngu wu ai. Shaloi jang Eluma a myi shinggang mat nna nsin chyip rai mat salu ai. Shingrai marai langai ngai e lata hte woi dun la na matu tam kayin abram hkawm nga ai.

KASA 2:43

Kasa ni gaw lamik kumla law law hte mauhpa amu ni galaw dan ma ai majaw masha nlang hte mung hkrit kang shajang ma ai.

KASA 5:13

Masha ni shan hte hpe grai tsun shakawn ma ai rai tim shinggan masha gale kadai mung shan hte n kanawn wam ma ai.

1 KORINHTU 4:21

Ngai gaw nanhte hpang de shingna lang nna sa na rai ni? Shing n rai, tsaw ra nna sumnung shingdi ai wenyi hte nanhte hpang de sa du na kun? Nanhte gara mahtang hpe grau ra sharawng nga myit ta?

2 KORINHTU 13:10

Nanhte hte tsan gang nga yang ngai ndai laika hpe ka ai lam gaw, ngai nanhte kaw du sa ai shaloi Madu ngai hpe jaw da ai ahkang aya hpe sheng mareng di nna n jai lang ra na matu rai nga ai. Dai ahkang aya gaw nanhte hpe sharun shabya kau na matu n rai, nanhte hpe gaw gap na matu she rai nga ai.

2 KORINHTU 13:2

Shawng de yubak galaw lai wa sai ni hte kaga ni yawng hpe ngai tsun mayu nngai. Dai hpe shawng de lahkawng lang ngu na nanhte hpang de sa du ai shaloi mung ngai tsun ni ai hte maren, ya nanhte hte tsan gang nga ai ten hta mung ngai kalang mi bai tsun na nngai. Dai gaw hpang na lang ngai bai sa du ai shaloi nanhte langai mi mung jeyang ari jaw ai hta na lawt lu na n rai.

2 KORINHTU 7:11

Nanhte a myit yawn hkyen ai hpe Karai Kasang gara hku jai lang ai lam hpe yu yu mu: dai gaw nanhte hpe gade myit rawt sharawng awng shangun ai, nanhte hta mara n kap ai lam madun dan na myit gade katu shangun ai, kaja ai lam shabyin mayu ai majaw grai myit rawt nna masin pawt ai hte myit kajawng kahpra mat ai, myit hta hkam sha nga ai lam ni, nanhte a kam sham maju jung ai lam, mara lu ai wa hpe ari jaw na matu jin jin rai nga ai lam ni gaw lam shagu hta nanhte mara n lu ai, ngu ai hpe madun dan nga manit dai.

TARA JAHPRANG 13:11

Dai hpang Israela amyu masha ni yawng dai zawn byin ai lam hpe na wa nhtawm hkrit gari ai hte dai zawn re ai n hkru ai amu, htawm hpang de kadai mung bai galaw wam na ma ai n rai.

TARA JAHPRANG 21:21

Shaloi mare na lasha nlang shi hpe nlung hte kabai sat kau na rai ma ai. Shing rai dai zawn n hkru n shawp ai amu hpe yeng seng kau na rai myit dai. Shing re ai lam a majaw dai shiga na ai Israela amyu masha shagu hkrit gari nga na mara ai.

YAWSHU 22:20

Zera a kasha Ahkan mung jahten kau na matu daw dan da sai arai ni hpe hta la kau nu ai majaw, Israela shawa hpung ting ari jaw ai hkrum nga ai hpe dum nga mu. Shi galaw shut kau sai yubak a majaw Ahkan shi chyu sha si hkrum wu ai n rai,” ngu nna tsun ma ai.

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 11:5

Masha langai ngai shan hpe hpyen na hkyen ai shaloi, shan a n-gup hta na wan pru nna, hpyen ni hpe hkru kau shangun mu ai. Shanhte hpe hpyen na matu shakut ai ni nga manga gaw ndai hku nna sat kau ai hkrum na rai ma ai.