KASA 5:42 - Jinghpaw Common Language Bible 2009

⁴² Shing rai shanhte gaw, shani shagu nawku Htingnu hta mung, nta hkan e mung, Yesu gaw Meshia rai nga ai, nga nna Kabu Gara Shiga hpe matut hkaw tsun sharin nga ma ai.

Jinghpaw Hanson Version Bible

⁴² Dai rai timung, shanhte shani shagu nawku Htingnu hta mung, nta hkan e mung, Yesu gaw Hkristu rai nga ai, nga nna a hkaw a tsun nga ma ai.

KASA 5:42 ပူးပေါင်းရင်းမြစ်များ

2 SAMUELA 6:22

ya na hta grau nna pyi, nye hkum hpe sari jahpoi kau na we ai. Ngai hpa n rai nga nngai ngu nna nang sawn la mai na ndai; rai ti mung dai numsha ni chyawm gaw ngai hpe shagrau shatsaw na she myit na mara ai.

LUKA 21:37

Yesu gaw dai nhtoi ni hta shani shanang Nawku Htingnu e sharin shaga nga nna, shana de du wa jang, Tsanlun ngu ai bum de pru sa nna sa nga nga re ai.

LUKA 22:53

Ngai shani shagu Nawku Htingnu e, nanhte hte rau nga nga yang, nanhte ngai hpe hpa rai n rim myit ta? Rai ti mung ndai ahkying gaw nanhte a ahkying rai nga ai hte nsin a n-gun atsam up ai aten mung rai nga ai,” ngu mu ai.

KASA 11:20

Rai ti mung, shanhte hta na Kupru hte Kureni mung na kam sham ai kaga nkau mi Antioki de du ma ai rai nna, Yuda n re ai maigan Heleni masha ni hpe Madu Yesu a lam Kabu Gara Shiga hpe htawn tsun ma ai.

KASA 13:32

Lahkawng ngu na Shakawn Kungdawn laika hta, ‘Nang gaw ngai Sha rai nga ndai; Dai ni nan nang hpe kasha aya ngai jaw sade ai,’ nga nna ka da nga ai hte maren,

KASA 17:18

Epikuri lam hte Sto-i lam hkan ai hpaji sara ni nkau mi shi hte dangrang hkat ma ai. Nkau mi gaw, “Ndai chye shakawng ai du ladi masha wa hpa tsun shakut nga ai kun?,” nga nna san ma ai. Nkau mi gaw, “Maigan masha ni a hpara ni a lam tsun dan ai wa rai sam ai,” nga nna mung htan shajang ma ai, shanhte shing nga tsun ai gaw, Kasa Pawlu gaw Yesu Hkristu hte si ai kaw na bai hkrung rawt wa ai lam hkaw tsun nga ai majaw rai nga ai.

KASA 17:3

Meshia gaw nni nkri hkrum na lam, si ai kaw na bai hkrung rawt wa na lam hpe Chyum Laika hku hkan nna tsun sanglang dan wu ai. Pawlu gaw, “Ngai nanhte hpe tsun dan nga ai Yesu gaw, dai Meshia nan rai nga ai,” nga nna mung tsun jahprang mu ai.

KASA 2:46

Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai.

KASA 20:20

Shawa masha yawng a man e mung, nanhte a nta ni hta mung, ngai hkaw tsun sharin shaga ai shaloi nanhte a matu akyu rawng na lam magup hpe ngai galoi mung n ginhtim n ip da ga nngai hpe mung nanhte chye nga myit dai.

KASA 4:20

An chyawm gaw, anhte nan lala mu la na la sai lam ni hpe n tsun ai n nga lu ga ai,” ngu nna shanhte hpe bai htan mu ai.

KASA 4:29

Madu e ya yang shanhte a jahkrit shama ahkrim ai lam ni hpe mu mada ya mi, Madu a shangun ma ni hpe nden ja ai myit hte tsun dan lu hkra karum ya mi law.

KASA 8:35

Shaloi ga tsun hpaw ai hte dai chyum ga hta npawt hpang nhtawm, Yesu hte seng ai Kabu Gara Shiga shi hpe hkai dan wu ai.

KASA 8:5

Hpilip gaw Samari mung de sa wa nna Meshia a lam dai mare hta nga ai masha ni hpe hkaw tsun dan mu ai.

KASA 9:20

Shi gaw tara jawng ni de alawan sa du nna Yesu gaw Karai Kasang a Kasha rai nga ai lam hkaw dan nga ai.

1 KORINHTU 2:2

Hpa majaw nga yang, ngai nanhte hte rau nga nga ai ten hta, Yesu Hkristu a lam, grau nna wudang ntsa e Madu si hkam ai lam hta jan nna kaga lam nga manga hpe malap kau na matu ngai myit daw dan da se ai.

GALATI 1:16

Dai hpang maigan masha ni hpe shi a kasha a lam Kabu Gara Shiga hkaw tsun dan lu u ga matu shi a kasha hpe ngai e shadan dan ni ai. Dai shaloi e ngai gaw kade a hpaji jaw ai lam hpe mung n hpyi n hkam la nngai.

GALATI 6:14

Ngai chyawm gaw, anhte a Madu Yesu Hkristu a wudang hta kaga hpa lam hta mung arawng mala gumrawng na nngai n rai, hpa majaw nga yang, shi wudang hta jen sat hkrum ai a majaw, mungkan ga gaw nye a matu jasi tai mat nna, ngai mung mungkan ga a matu jasi tai mat ni ai.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.