KASA 5:38 - Jinghpaw Common Language Bible 2009

³⁸ Dai rai nna ya ndai amu hta ngai nanhte hpe tsun made ga, ndai masha ni hpe hpa hkum di myit, ra mi nga nga mu ga! Shanhte maw mawn ai lam hte galaw ai lam ni shinggyim masha kaw na rai yang, dai gaw mat mat wa na ra ai.

Jinghpaw Hanson Version Bible

³⁸ Ya mung, ndai ni hpe hpa mi hkum gawn myit, ra mi rai mu ga; hpaji ndai hte, lam ndai rai timung, masha kaw na rai yang gaw, byak mat na ra ai:

KASA 5:38 ပူးပေါင်းရင်းမြစ်များ

NEHEMIA 4:15

Anhte a gumlau hpyen ni mahtang shanhte hpaji daw maw mawn nga ma ai amu hpe anhte mu chye kau ya sai lam na mu yang Karai Kasang gaw shanhte a maw mawn ai lam hpe dang kau nu ai lam shanhte dum chye wa ma ai. Dai hpang anhte yawng mung bunghku bai gaw gap ai shara de bai wa ga ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

ESAIA 14:25

Ngai gaw Asuri masha ni hpe nye a lamu ga ngu ai Israela mung hta shamyit kau nhtawm shanhte hpe nye a bum ni a ntsa hta kabye anut kau na we ai. Ngai gaw nye a amyu masha ni hpe Asuri ni a kandang kaw nna mung, shanhte gun hpai nga ai lit ni kaw nna mung shalawt dat na we ai.

SHARUNG SHAYAWT 3:37

Dai Madu a myit chyu sha hpa lam hpe rai tim tut nawng shabyin ya lu nga ai.

MAHTE 15:13

Yesu gaw, “Sumsing lamu e nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.

MARKU 11:30

Yawhan gaw hkalup jaw na ahkaw ahkang kanang na lu a ta? Karai Kasang kaw na rai ni? Masha kaw na rai ni? Ngai hpe tsun dan yu marit,” ngu nna shanhte hpe tsun mu ai.

YAWHAN 11:48

Anhte shi hpe ndai hku sha dat da nga yang gaw masha yawng mayawng shi hpe kam sham wa na mara ai rai nna, Roma ahkang aya lu ai ni sa nna, anhte a Nawku Htingnu hpe mung, anhte a amyu mungdan ting hpe mung jahten kau na mara ai,” nga ma ai.

KASA 5:35

tsun wu ai gaw, “Israela amyu masha manaw manang ni e, ndai ni hpe nanhte kaning di na ngu ai gaw atsawm sha sadi let naw myit yu mu.

1 KORINHTU 3:19

Hpa majaw nga yang, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai Chyum Laika hta tsun ai hte maren, “Karai Kasang gaw hpaji byeng-ya rawng ai ni hpe, shanhte nan lang ai hpaji mahkam hta lu si mat shangun mu ai.”