KASA 5:36 - Jinghpaw Common Language Bible 2009

³⁶ Lai wa sai shaning gade n na shi ai ten hta, Htuda ngu ai wa, shi hkum hpe reng ai wa rai nngai nga nna paw pru yang marai mali tsa daram shi kaw hkan nang yu sai. Rai ti mung shi sat kau ai hkrum nna shi kaw hkan nang ai ni yawng ayai aya rai bra mat ai hte shi a shamu shamawt ai lam sim mat sai.

Jinghpaw Hanson Version Bible

³⁶ Kaning rai nme law, moi shawng de Htuda ngu ai wa, shi hkum hpe reng ai wa rai nngai, nga nna paw pru yang, marai mali tsa daram shi kaw hkan nang yu sai; shi hkum nan sat kau ai hkrum nna, shi a ga madat ai ni nlang kamawng mat ma masai.

KASA 5:36 ပူးပေါင်းရင်းမြစ်များ

MAHTE 24:24

Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

MAHTE 24:26

“Shing n rai, nanhte gaw, ‘Yu mu! shi gaw nam mali hkan e nga nga ai!,’ nga nna tsun ma ti mung, nanhte dai de hkum pru sa myit. Bai, ‘Shi nang e makoi nga ai!,’ nga nna shanhte tsun yang, dai hpe hkum kam myit.

MAHTE 24:5

Masha law law wa nye a mying hte paw pru nna, ‘Ngai gaw Meshia rai nngai,’ nga nna law law hpe lam shadam na maru ai.

KASA 21:38

Dai rai yang shawng de lang mi gumlau rawt nna nam mali hkan e laknak lang ai kasu kabrawng hpyen ma hkying mali hpe woi ginrawn hkawm ai Egutu masha nang n rai n ni?,” ngu nna san wu ai.

KASA 5:35

tsun wu ai gaw, “Israela amyu masha manaw manang ni e, ndai ni hpe nanhte kaning di na ngu ai gaw atsawm sha sadi let naw myit yu mu.

KASA 8:9

Dai mare hta Simun mying ai masha langai mi nga ai. Dai wa gaw dai mare hta tawng marang mi lakle madun dan rai nna masha ni hpe shamau mu ai. Shi gaw shi hkum hpe shi ningbaw ningla kaba langai mi rai nngai nga ai.

GALATI 2:6

Arawng lu ai ningbaw ningla n san ai ni - shanhte kaja wa ningbaw ningla ni re ai n re ai gaw nye a matu hpa laklai ahkyak n rai nga ai; hpa majaw nga yang Karai Kasang gaw shinggan lam mu mada ai hku yu nna n daw dan ai. Dai arawng lu ai n san ai ningbaw ningla ni gaw ngai hpe hpaji jaw ai lam ningnan hpa mi n nga ai.

GALATI 6:3

Masha langai ngai gaw ahkyak ai masha kaja garai n tai yang ahkyak ai masha rai ni ai nga nna tinang hkum hpe rai dum ai wa gaw, tinang a hkum hpe hkalem kau da wu ai.

2 PETRU 2:18

Shanhte gaw shut hpyit lam dam mat ai masha hpawng kata na ningnan sha lawt pru magang wa ai ni hpe kaman lila grang ai ga tsun let hkum shan a myit kayut ai lam ni hte hkalum la nna lam woi shadam ma ai.

2 PETRU 2:2

Shing rai hkra rai ti mung, masha law law wa shanhte a n kaja ai kyang lai len lam hta hkan sa na mara ai. Shanhte shing rai galaw ma ai majaw dai teng man ai Lam hpe masha kaga ni n kaja ai hku tsun jahpoi na mara ai.

YUDA 1:16

Ndai masha ni gaw galoi mung aput angun nga nna masha kaga ni hpe mara sha shagun nga ma ai; shanhte gaw shanhte a n hkru n kaja ai, ra marin ai hta hkan nang ma ai. Shanhte gaw tinang a lam hpe shakawng gumrawng chye ma ai; shanhte gaw tinang a akyu pru hkra masha wa hpe kawng sharawt ya masu ai hku hkalem ai ga chye tsun ma ai.

SHINGRAN 17:3

Shaloi Wenyi gaw ngai hpe woi nawng mat wa nna, dai lamu kasa gaw, ngai hpe nam mali de woi sa mat wa ai. Dai shara e baw sanit hte nrung shi tu nna Karai Kasang hpe matsa shatan ai mying hkrai pri ka da ai, hkyeng mang ai matse labye a ntsa e dung nga ai numsha langai mi hpe ngai mu nngai.

SHINGRAN 17:5

Shi a lahtan ntsa e, “Ga ntsa na shawa num ni yawng hte n hkru n kaja lam dam lam yit ai ni yawng a kanu, Galu Kaba ai Babelon mare,” nga nna makoi magap ai hte sung htum ai lachyum rawng ai mying langai mi ka da nga ai.