KASA 5:34 - Jinghpaw Common Language Bible 2009

³⁴ Rai ti mung, mung masha ni yawng e shagrau shatsaw hkungga tawn ai Tara sara kaba Gamale ngu ai Hparishe langai mi kasa ni hpe hkring mi shinggan de shapraw tawn shangun nhtawm

Jinghpaw Hanson Version Bible

³⁴ Rai timung, mung masha ni mahkra man e arawng lu ai tara sara Gamale ngu ai Hparishe langai mi, dai salang bawng hta rawt nna, kasa ni hpe hkring mi shapraw tawn shangun nhtawm,

KASA 5:34 ပူးပေါင်းရင်းမြစ်များ

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

YEREMIA 26:16

Dai hpang, ningbaw ni hte amyu masha ni gaw hkinjawng ni hte myihtoi ni hpe, “Ndai wa gaw dai Madu anhte a Karai Kasang a amying hta anhte hpe tsun mi ai; shi si ging ai wa n rai,” nga nna tsun ma ai.

YEREMIA 26:17

Dai hpang, myit su salang nkau mi gaw rawt tsap nna zup hpawng nga ai mung masha ni hpe,

YEREMIA 36:25

Ndai laika katsu hpe n nat kau na matu, Elnahtan, Delaia hte Gemaria ni gaw hkawhkam wa hpe tawng ban yu ma ai, rai ti mung shi gaw shanhte tsun ai ga hpe hpa zawn n nawn ya nga wu ai.

LUKA 2:46

Ya masum ya na wa sayang she, dai Nawku Htingnu kata, Yuda sara ni a ka-ang e, shanhte a ga madat la nna, shanhte hpe ga san ni san let dung nga ai hpe shan sa mu ma ai.

LUKA 5:17

Lani mi hta Yesu sharin shaga nga yang, Galile mung, Yuda mung, kahtawng shagu hkan na hte, Yerusalem mare de na Hparishe ni hte Tara Sara ni sa du dung nga ma ai. Machyi shamai ya na matu Madu Karai Kasang a atsam gaw Yesu hta nga nga ai.

YAWHAN 3:10

Yesu gaw, “Nang gaw Israela masha ni hta sara kaba langai wa mi ting rai da nhtawm, ndai lam nang n chye n ni?

KASA 22:3

“Ngai gaw Kiliki mung na Tarshu mare e shangai ai Yuda masha rai nga nngai. Rai ti mung ndai Yerusalem hta Gamale a jawngma langai mi hku nna kaba wa nna, anhte a ji wa ni a ja la ai jep ai Tara htung hking hte maren azin ayang sharin achyin la nna dai ni nang e nga nga ai nanhte ni zawn Karai Kasang a magam bungli gun hpai na matu myit rawt ai hte ap nawng da nngai.

KASA 4:15

Dai rai nna shan hpe dai kongsi hpawng gawk na pru mat wa shangun nhtawm shanhte shada bawng ban ma ai gaw,

KASA 5:21

Kasa ni mung ga madat nna jahpawt nhtoi hprim hpram rai wa ai aten hta dai Htingnu de shang wa nna sharin shaga hpang wa nga ma ai. Hkinjawng Agyi Kaba wa hte shi manang ni gaw Yuda agyi salang ni yawng hpe tara rap daw hpawng kaba hpawng na matu shaga tawn ma ai. Dai hpang kasa ni hpe shanhte a man de woi shapraw sa wa na matu hkang da nna tara rap daw hpawng sin ai ni hpe htawng de shangun dat mu ai.

KASA 5:27

Shing di shanhte hpe woi jashawn la nna Kongsi hpawng a man e tsap da shangun nhtawm Hkinjawng Agyi Kaba wa shanhte hpe ga san san mu ai gaw,

KASA 5:35

tsun wu ai gaw, “Israela amyu masha manaw manang ni e, ndai ni hpe nanhte kaning di na ngu ai gaw atsawm sha sadi let naw myit yu mu.