KASA 5:32 - Jinghpaw Common Language Bible 2009

³² Anhte mung ndai lam ni a sakse rai nga ga ai; Shi a mungga madat mara ai ni hpe Karai Kasang jaw ya ai Chyoi Pra ai Wenyi mung, dai hte a sakse rai nga ai,” ngu mu ai.

Jinghpaw Hanson Version Bible

³² Anhte mung ndai lam ni a sakse ni rai nga ga ai; shi a mungga madat mara ai ni hpe Karai Kasang jaw ya ai Chyoi pra ai Wenyi mung, dai hte a sakse rai nga ai,” ngu mu ai.

KASA 5:32 ပူးပေါင်းရင်းမြစ်များ

YAWHAN 7:39

Yesu gaw, shi hpe kam sham ai ni hkam la lu na rai nga ai Wenyi a lam hpe sha-ang nna ndai lam tsun nga ai. Hpa majaw nga yang, Yesu gaw shi a hpung shingkang garai n dan hkung ai majaw, shi hpe kam sham ai ni hpe dai Wenyi garai n jaw wu ai.

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 10:44

Petru dai lam naw tsun nga yang dai mungga madat la nga ai ni mahkra a ntsa e Chyoi Pra ai Wenyi yu hkrat wa ai.

KASA 13:31

Bai shi gaw Galile mung kaw nna Yerusalem de shi hte rau lung wa ai ni hpe, nhtoi tsawmra wa na hkra shi hkum shadan dan mu ai. Shanhte gaw ya shi a Israela amyu masha ni a man e shi a matu sakse ni tai nga ma ai.

KASA 15:28

Nanhte a matu gaw ra ahkyak ai hkang da ai tara rai nga ai, hpara sumla ni hpe nawng jau ai malu masha ni hpe n sha na, sai hpe n sha na, du manat sat ai shan hpe n sha na hte ndaw liknga n se n sa koi gam lu na lam hta kaga, lit shaje nanhte hta shagun shara n nga ai ngu nna Chyoi pra ai Wenyi hte anhte myit hkrum ga ai.

KASA 2:32

Dai Yesu hpe Karai Kasang jahkrung sharawt la wu ai rai nna anhte yawng mung dai lam a sakse ni rai nga ga ai.

KASA 2:4

Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

KASA 5:29

Petru hte kaga kasa ni gaw, “Anhte gaw masha a ga madat na hta Karai Kasang a ga hpe mahtang madat lu na ga ai.

ROMA 8:16

Anhte Karai Kasang a kashu kasha ni rai nga ga ai lam Karai Kasang a Wenyi nan anhte a Wenyi hte rau sakse hkam tsun shana shabra ya mi ai.

2 KORINHTU 13:1

Ya ngai gaw nanhte hpang de masum lang ngu na bai du sa wa na nngai. Chyum laika hta mung, “Mara shagun da ai lam langai ngai hpe chye ya ai sakse lahkawng, shing n rai lahkawng hta jan ai sakse ni a ga hte shagrin da lu na rai nga ai,” nga nna tsun da nga ai.

1 PETRU 1:12

Shanhte shachyen nga ai hkaw tsun ai amu gaw shanhte a akyu ara a matu n rai; nanhte a matu rai nga ai lam Karai Kasang gaw ndai myihtoi ni hpe shadan dan manu ai. Nanhte hpang de dai Kabu Gara Shiga la sa wa ai ni gaw dai myihtoi ni tau hkrau nna hkaw tsun ai ni hpe sumsing lamu kaw nna shangun dat ai Chyoi Pra ai Wenyi a n-gun atsam hte nanhte hpe tsun madun dan ai majaw nanhte na lu manit dai. Ndai lam hpe lamu kasa ni pyi chye na mayu ma ai.