KASA 5:31 - Jinghpaw Common Language Bible 2009

³¹ Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

Jinghpaw Hanson Version Bible

³¹ Israela amyu hpe myit malai lam hte mara raw ya ai lam hpaw ya na matu, Daru Magam hte Hkye hkrang la ai Madu shatai na nga, Karai Kasang gaw dai wa hpe, shi a hkra lata hte shagrau tawn nu ai.

KASA 5:31 ပူးပေါင်းရင်းမြစ်များ

SHAKAWN KUNGDAWN 89:19

Kalang mi na shingran langai mi hta, na a kangka ai shangun ma kaja ni hpe nang tsun ai gaw, “Gumhkawng ai hpyenla langai mi hpe ngai shadaw karum yu se ai; amyu masha ni kaw na langai mi hpe ngai lata la nna hkawhkam tingnyang ap ya se ai.

SHAKAWN KUNGDAWN 89:24

Ngai shi hpe tsaw ra nga nna shi hta sadi dung nga na nngai; ngai shi hpe tut nawng e, awng dang shangun na nngai.

ESAIA 43:11

“Ngai chyu sha dai Madu rai nga nngai, ngai chyu sha nang hpe hkye la lu ai wa rai nga nngai.

ESAIA 43:3

Ngai gaw dai Madu na a Karai Kasang, Israela a chyoi pra ai Karai Kasang, nang hpe hkye la ai wa rai nga nngai. Dai majaw nang hpe shalawt dat na matu, Egutu mung hpe mung, Ehtiopi mung hpe mung, Seba mung hpe mung ngai jaw na nngai.

ESAIA 45:21

Tara rung hta na a amu sa shawn u; mara shut ai ni gaw shanhte shada da jahkrup hkat mu ga. Moi chyaloi nhkoi kaw nna byin mat wa sai lam ni hpe kadai tau tsun lu a ni? Shi a amyu masha ni hpe hkye la ai Karai Kasang ngu ai dai Madu ngai wa rai nga ai, n rai ni? Karai shaje n nga nga ai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

EZEKELA 17:24

Dai mung na hpun ni yawng gaw ngai nan dai Madu rai nga nngai hpe chye na mara ai. Ngai gaw hpun galu ni hpe kran kau nna hpun kaji ni hpe tu galu shangun na nngai. Ngai gaw tsit lali ai hpun ni hpe shanyip kau nna hkraw ai hpun ni hpe tsit lali shangun na nngai. Dai Madu ngai nan tsun ni ai. Ngai galaw na ngu tsun sai amu hpe ngai galaw na we ai.”

EZEKELA 34:24

Dai Madu ngai gaw shanhte a Karai Kasang tai nna nye a shangun ma Dawi hte bung ai hkawhkam wa gaw shanhte hpe up hkang ai du tai na ra ai. Ngai nan dai ga hpe tsun ni ai.

EZEKELA 37:25

Nye a shangun ma Yaku hpe ngai jaw da ai lamu ga ngu ai shanhte a kaji kawa ni shanu yu sai mungdan hta shanhte shanu nga na mara ai. Shanhte gaw dai mung e prat tup nga lu na mara ai. Shanhte a kasha ni mung kashu ni hte dai ni a aru arat matu mara ni yawng mung, dai mungdan hta htani htana prat dingsa shanu nga na mara ai. Nye a shangun ma Dawi hte bung ai hkawhkam wa gaw shanhte hpe htani htana prat dingsa up hkang na ra ai.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

MAHTE 1:21

Shi gaw shadang sha shangai na ra ai rai nna, nang shi a mying hpe, Yesu ngu nna shamying lu na rai nga ai; hpa majaw nga yang, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

MARKU 2:10

Masha Kasha gaw ga ntsa e, yubak dat kau ya ai ahkang aya lu ai wa re ai lam ya ngai nanhte hpe madun dan made ga,” ngu nhtawm dai hkum katsing si ai wa hpe,

MARKU 4:12

Hpa majaw nga yang, ‘Shanhte gaw yu layu e n mu na ma ai, na lana e n chye na ma ai. Lama wa shanhte gaw, tinang yu ai arai hpe mu nna, na ai ga hpe chye na shajang ma ai rai yang gaw, shanhte Karai Kasang hpang de kayin wa na ma ai rai nna, Shi gaw shanhte a yubak mara dat kau ya na rai nga ai,” nga nna Chyum Laika ni hta tsun nga ai,” ngu nna shanhte hpe tsun mu ai.

LUKA 2:11

Dai ni na nhtoi hta Hkye Hkrang La ai Wa Hkristu ngu ai Madu gaw, Dawi a mare e nanhte a matu shangai wa sai.

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

YAWHAN 4:42

Dai masha ni gaw, dai num sha hpe, “Ya gaw na a ga majaw sha kam sham ai n rai saga ai, shi a mungga hpe anhte nan na la lu nna, ndai wa gaw mungkan ga a hkye hkrang la ai Madu majing rai nga ai hpe anhte chye saga ai,” ngu mu ai.

KASA 11:18

Shanhte dai lam na ma yang, shanhte a mara tam dinglun ai lam jahkring kau nna myit pyaw ai hte, “Aw rai sa, Karai Kasang gaw maigan masha ni hpe mung myit malai lu nna asak hkrung nga na ahkaw ahkang jaw nga a hka!” nga nna Karai Kasang hpe shagrau sha-a ma ai.

KASA 13:23

Karai Kasang gaw, shi a ga sadi nga ai hte maren, Israela amyu masha ni a matu hkye hkrang la ai Yesu hpe Dawi wa a amyu matu kaw na paw pru shangun wu ai.

KASA 2:33

Shi hpe Kawa Karai Kasang a hkra maga de dung nga lu ai ahkang aya hte shagrau da nu ai hpang, Kawa Karai Kasang ga ndat jaw da ai Chyoi Pra ai Wenyi hpe hkam la nhhtawm ya nanhte mu lu na lu ai Wenyi hpe anhte a ntsa e ru jaw dat wu ai.

KASA 2:36

Dai re ai majaw, Israela amyu ting a Meshia hku nna mung, Madu hku nna mung, Karai Kasang e san da ai wa gaw, nanhte wudang hta jen sat kau ai Yesu nan rai nga ai gaw kaja wa chye nga myit ga law!,” ngu nna tsun mu ai.

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

KASA 3:15

Nanhte gaw asak jaw ya lu ai wa hpe gaw sat kau myit dai, rai ti mung Karai Kasang gaw shi hpe si ai kaw na sharawt la nu ai rai nna anhte gaw dai lam a sakse ni rai nga ga ai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

KASA 3:26

Dai rai nna nanhte langai hte langai tinang a n hkru n shawp ai lam ni hta na myit malai kayin wa ai hte shaman chyeju hkam la lu mu ga nga Karai Kasang gaw shi a shangun ma hpe paw pru shangun ai hte nanhte hpang de shawng shangun dat ya sai,” ngu nna tsun mu ai.

KASA 4:11

Dai Chyum Laika hta tsun da ai, ‘Nanhte nta gap ai ni lata kau ai nlung rai ti mung, ningjut jahtum na nlung bai tai wa sai,’ nga ai ga gaw Yesu hpe lakap nna tsun ai rai nga ai.

2 KORINHTU 2:10

Nanhte gaw marai langai ngai hpe shi shut ai mara dat kau ya myit yang, ngai mung raw dat ya nngai. Hpa majaw nga yang, lama rai nna masha marai langai ngai hpe mara dat ya ra wa ai shaloi, ngai gaw nanhte a myi man hpe tau nna Hkristu a man e shi a mara hpe dat ya nngai.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

HPILIPI 3:20

Anhte chyawm gaw sumsing lamu mung chying sha ni rai nga ga ai rai nna sumsing lamu kaw nna anhte a Hkye Hkrang la ai Madu Hkristu Yesu du sa wa na hpe ala nga ga ai.

KOLOSE 1:14

Dai Kasha a asai hte htingrai htingrat ya ai a marang e anhte hpe shalawt dat mi ai; dai gaw anhte a yubak mara ni hpe raw dat ya ai lam nan rai nga ai.

TITU 1:4

Madu Yesu hpe anhte hte maren kam sham ai hta rau rum nga ai ngai sha majing re ai Titu hpang de ngai ndai laika hpe ka shana dat nngai. Kawa Karai Kasang hte anhte a hkye hkrang la ai Madu Yesu Hkristu gaw nang hpe chyeju hte ngwi pyaw ai lam jaw ya u ga law.

TITU 2:10

lagu masun la ai baw n galaw mu ga. Shing rai na malai, shanhte gaw galoi mung kaja reng ai hte kangka sadi dung ai ni re ai lam madun dan lu na rai ma ai. Ndai lai ladat hku nna, shanhte gaw tinang galaw ai lam nga manga hta anhte a hkye hkrang la ai Karai Kasang a mungga a ningja hpe shapraw shadan dan lu na rai ma ai.

TITU 2:13

sari sadang hte si si rai nga na lam, ding hpring nna tara hkungga ai asak hkrung lam hte ndai mungkan hta nga pra na matu mung, dai chyeju tara gaw anhte hpe sharin ya nga ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

HEBRE 2:10

Yawng mayawng hpe hpan da nna bau sin yu lanu lahku nga ai Karai Kasang gaw, kasha ni law law hpe hpung shingkang hkam la shangun lu na matu nni nkri hkam ai hku nna Yesu hpe jahkum shatsup ya wu ai. Ning rai Karai Kasang galaw ai lam gaw mai ang ai lam sha rai nga ai, hpa majaw nga yang, shanhte hkye hkrang la hkrum na matu woi wa ai wa gaw Yesu nan rai nga ai.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

2 PETRU 1:11

Dai lam hku hkan sa myit yang gaw, anhte a Madu hte hkye hkrang la ai Yesu Hkristu a htani htana re ai mungdan de shang lu na ahkang nanhte hpe hpring hpring tsup tsup jaw ya na marin dai.

2 PETRU 2:20

Lama rai nna masha ni gaw nanhte a hkye hkrang la ai Madu Yesu Hkristu hpe chye chyang ai a marang e mungkan ga a matsat shabat n-gun atsam kata na lawt lu sai hpang kalang mi bai matsat shabat lam e dang kau hkrum ai rai yang, dai ni a hpang na byin da gaw shawng na hta grau sawng mat wa sai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.

1 YAWHAN 4:14

Mungkan ga a hkye hkrang la ai Madu tai u ga, Kawa gaw dai Kasha hpe shangun dat wu ai lam anhte mu lu sagaw ai hte sakse hkam ga ai.

YUDA 1:25

anhte a langai sha rai nga ai Karai Kasang hkye hkrang la ai Madu kaw anhte a Madu Yesu Hkristu a marang e, hpung shingkang daru magam hpung dagu hte ahkang aya, chyi nma pri npra aten kaw nna, ya e rai ti mung, htani htana prat dingsa e rai ti mung anga nga u ga law. Amen.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,