KASA 5:3 - Jinghpaw Common Language Bible 2009

³ Petru gaw “Anani e, hpa majaw nang gaw Satan wa hpe na myit masin up madu na ahkang jaw ai hte ga dachyawk dut nna lu ai gumhpraw nkau mi tinang a matu ip la ai hku nna dai Chyoi Pra ai Wenyi hpe masu kau n ta?

Jinghpaw Hanson Version Bible

³ Dai rai nna Petru gaw, “Anani e, Chyoi pra ai Wenyi hpe masu kau na hte, ga jahpu hta na kau mi ip da na gaw, hpa majaw Satan na a myit jahpring ya lu a ta?

KASA 5:3 ပူးပေါင်းရင်းမြစ်များ

YOBA 22:13

Rai tim, nang mahtang, “Karai Kasang hpa chye a ta? Shi gaw sumwi hta makoi rawng nga ai majaw, anhte hpe shi kaning rai tara jeyang lu na rai ta?,” ngu nna san ndai.

GA SHAGAWP 20:25

Karai Kasang hpang de, shagu hkungga nawng jau na ga sadi garai n hkam la yang, sadi maja let myit sawn yu u; shing n rai yang, hpang e nang shut dum wa na ndai.

HPAJI NINGLI 5:4

Dai rai nna, Karai Kasang hpe ga sadi jaw ai shaloi, dai hpe lawan lu ai daram lawan nna shatup u. Shi gaw angawk ai wa hpe akyu jashawn ai n rai. Galaw na ngu ga sadi tawn ai amu hpe galaw u.

ESAIA 29:15

Dai Madu n mu lu hkra nga, shanhte a maw mawn ai lam ni hpe makoi shakut ai ni gaw dingnye hkrum nga ma ai! Shanhte gaw shanhte a da da ai amu ni hpe mayun galaw ai hte dai amu hpe kadai mung n mu, shanhte hpa galaw nga ma ai hpe n chye ma ai ngu, myit nawn ma ai.

YEREMIA 23:24

Kadai mung ngai n mu lu ai shara hta n makoi lu nga ai. Ngai gaw sumsing lamu hte ginding aga ntsa shara shagu hta nga nga nngai hpe nang n chye n ni?

HOSEA 11:12

Dai Madu gaw, “Israela amyu masha ni gaw ngai hpe masu magaw ga ni, hkalem hkalau ga ni hte wang gawan tawn da mi ai. Yuda amyu masha ni mung sadi dung ai hte chyoi pra ai Karai Kasang ngu na ngai hpe naw gumlau nga ma ai.

BU HKAWM 30:2

Lasha langai ngai dai Madu hpe arai lama ma sak jaw na nga, ga shaka tawn da ai rai yang mung, shing n rai arai lama ma koi gam na nga dagam shaka da ai rai yang mung, shi a ga sadi hpe jahten lu na n rai; shi galaw na ngu tsun da sai hte maren lam shagu hpe shi galaw na rai wu ai.

MAHTE 13:19

Dai mungdan a lam na la ai ni kadai rai ti mung, dai hpe n chye na ai ni gaw, lam makau e hkrat ai nli tum hte bung ma ai. N hkru ai wa sa du nna shanhte hta gat bang tawn ai nli tum hpe shaw la kau ya wu ai rai nga ai.

LUKA 22:3

Dai shaloi sape shi lahkawng hta lawm nga ai Iskarut ngu ai Yuda a myit masin hta Satan shang wa sai.

YAWHAN 13:2

Yesu hte shi a sape ni gaw, shana shat sha nga ma yang, nat gaw Simun a kasha Yuda Iskarut a kraw kata e, Yesu hpe ap kau na hpaji daw bang ya boi nu ai.

YAWHAN 13:27

Yuda gaw dai muk n-gup mi la sha ngut ai shaloi jang, Satan gaw shi hta shang nu ai. Dai re ai majaw, Yesu gaw, “Nang galaw ra ai amu lau lau galaw u!,” ngu nna shi hpe tsun wu ai.

KASA 5:2

shan la myit hkrum ai hte, dai jahpu kau mi, shan a matu ip da nhtawm, kau mi sha kasa ni a lata de sa jaw ma ai.

KASA 5:4

Ga dachyawk hpe nang garai n dut yang na a rai nga ai, dut kau ai hpang mung dai gumhpraw gaw na a rai nga ai. Dai rai yang hpa majaw dai hku galaw na myit daw dan n ta? Nang gaw masha hpe masu ai n rai, Karai Kasang hpe masu kau nu ai,” ngu wu ai.

KASA 5:9

Shaloi Petru gaw, “Madu a Wenyi hpe chyam yu na nan hpa majaw ndai hku myit hkrum myit ta? Yu u, na a madu wa hpe lup kau ai ni ya chyinghka lam de du wa mara ai rai nna nang hpe mung shanhte hpai kau na mara ai,” ngu wu ai.

TARA JAHPRANG 23:21

“Dai Madu nanhte a Karai Kasang hpe ga shaka tawn ai shaloi nanhte a ga sadi hpe n shatup ai hkum rai myit; dai Madu gaw nanhte a ga shaka hpe hpyi na wu ai; dai hpe n galaw shatup ai rai yang, dai gaw yubak rai na rai nga ai.

YAKU 4:7

Dai re ai majaw Karai Kasang a npu e taw nga nna shi a myit ra ai lam hkan mu. Satan wa hpe ninghkap gasat kau mu; shing rai yang shi nanhte kaw na hprawng mat na ra ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.