KASA 5:29 - Jinghpaw Common Language Bible 2009

²⁹ Petru hte kaga kasa ni gaw, “Anhte gaw masha a ga madat na hta Karai Kasang a ga hpe mahtang madat lu na ga ai.

Jinghpaw Hanson Version Bible

²⁹ Shaloi Petru hte kasa ni htan mu ai gaw, “Masha ga madat na hta, Karai Kasang a ga mahtang grau madat na ga ai.

KASA 5:29 ပူးပေါင်းရင်းမြစ်များ

NINGPAWT NINGHPANG 3:17

Shi gaw lasha hpe mung, “Na madu jan a ga hpe nang madat nna, hkum sha ngu nna ngai tsun da ai hpun hta na asi hpe nang sha kau nit dai. Nang galaw kau nit dai amu a majaw aga gaw dagam dala hkrum na ra ai. Nang hkrung nga ai hte yang bungli shaja sha ra nna na a matu lusha hpe mung dai hta alaw alam galaw shapraw ra na ndai.

2 SAMUELA 24:4

Rai ti mung hkawhkam wa mahtang Yoab hte shi a du salang ni shi hkang da ai ga hpe madat mara shangun wu ai rai nna shi a man kaw nna shanhte pru mat wa nhtawm, Israela amyu masha ni hpe hti yu na nga, hkawm mat wa ma ai.

2 HKAWHKAM 16:16

Uria gaw hkawhkam wa hkang dat ai hte maren galaw wu ai.

PRU MAT 1:17

Rai ti mung shangai karum ai yan mahtang Karai Kasang hpe hkrit hkungga ai yan rai nna hkawhkam wa a hkang da ai ga hpe n madat ai sha, shing rai hkan galaw na malai, shan gaw lasha ni hpe jahkrung da ya nga ma ai.

YEREMIA 26:12

Dai hpang, ngai gaw, “Nanhte na ai ndai Nawku Htingnu hte ndai mare hpe ninghtan shai ai hku lam shagu htawn tsun na, dai Madu gaw ngai hpe shangun dat nga sai.

Daniela 6:13

Dai hpang shanhte gaw hkawhkam wa hpe, “Yuda mung na bawng dung masha langai rai nga ai Daniela gaw madu hkawhkam hpe hkrit hkungga ai n rai; nang hkang da ai ga hpe madat ai n rai. Shi gaw lani mi hta masum lang man man akyu hpyi nga wu ai,” ngu nna tsun ma ai.

KASA 4:19

Rai ti mung Petru yan Yawhan chyawm gaw, “Karai Kasang a ga madat na hta, nanhte a ga madat yang, Karai Kasang a man e mai n mai gaw, nanhte she daw dan yu mu.

1 SAMUELA 15:24

Shawlu gaw, “Rai sa, ngai shut kau ni ai law; ngai gaw dai Madu a hkang da ai ga hte na a matsun maroi ga ni hpe n madat kau se ai. Ngai gaw nye a masha ni hpe hkrit we ai majaw shanhte ra ai hku galaw kau shangun se ai.