KASA 5:28 - Jinghpaw Common Language Bible 2009

²⁸ “Nanhte hpe dai amying hte n sharin shaga na matu anhte aja awa hkang da saga ai. Rai ti mung nanhte hpa galaw manit dai lam yu yu mu! Nanhte gaw nanhte a sharin shaga ai lam hpe Yerusalem mare ting shachyam shabra dat manit dai rai nna, dai wa si ai gaw anhte a majaw re ngu nna nanhte shadu mayu nga myit dai,” ngu nna tsun mu ai.

Jinghpaw Hanson Version Bible

²⁸ “Nanhte hpe, amying dai hte hpa mung hkum tsun, ngu nna anhte aja awa hkang da saga ai; ya yu mu, Yerusalem mare ting nanhte a sharin shaga lam pri di manit dai rai nna, dai wa a asai anhte a ntsa e mara ya na maw nga myit dai,” ngu nna shanhte hpe tsun wu ai.

KASA 5:28 ပူးပေါင်းရင်းမြစ်များ

MAHTE 27:25

Dai rai nna dai shawa masha yawng gaw, “Dai wa si ai majaw, anhte hte anhte a kashu kasha ni a ntsa e lit mara nga mali ga law!,” nga nna htan ma ai.

KASA 7:52

Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang a ding hpring nga ai shangun ma du sa na ra ai lam tau hkrau nna htawn tsun ai myihtoi ni hpe sat kau ma ai; ya nanhte mung dai wa hpe ap kau sat kau ai ni rai nga myit dai.

KASA 5:40

Shanhte gaw kasa ni hpe shaga jashawn la nna kayat nhtawm, Yesu a mying hte n sharin n shaga lu na lam hkang da ngut jang, dat dat mu ai.

MAHTE 21:44

(Dai nlung hta hkrat ai wa gaw achyen achya rai mat hkra daw hten na ra ai; gade a ntsa e mung dai nlung hkrat bun yang gaw dai wa gaw ayun ayaw mani mat na ra ai, ngu wu ai.)

AMO LAIKA (AMOS) 7:10

Behtela na hkinjawng Amazia gaw Israela a Hkawhkam Yeroboam hpang de ning ngu shiga shana dat wu ai: “Amo gaw amyu masha ni a lapran e nang hpe gumlau na matu maw mawn nga ai. Shi a tsun shaga ai ga ni gaw mungdan hpe jahten nga ai.

YEREMIA 38:4

Dai hpang, du salang ni gaw hkawhkam wa hpang de sa nna, “Ndai masha wa gaw si ging nga ai. Shi gaw dai zawn nga ai ga tsun shaga ai majaw mare kata na hpyenla ni hpe shanhte a n-gun marai shadaw kau ya nu ai; shi gaw ndai mare hta naw ngam nga ai masha shagu hte hpe karum na matu, shakut ai wa n rai, shanhte hpe nchyi nmu machyi shangun na ra sharawng ai wa sha rai nga ai,” ngu nna tsun dan ma ai.

YEREMIA 26:15

Rai ti mung, ndai amu hpe atsawm chye da mu; nanhte ngai hpe sat ai rai yang, nanhte hte ndai mare masha ni mara lu na marin dai; hpa majaw nga yang, ndai lam shadum jahprang na matu, dai Madu gaw ngai hpe shangun dat nga ai,” ngu nna tsun ni ai.

1 HKAWHKAM 22:8

Ahab chyawm gaw, “Imla a kasha Mihkaia langai mi naw nga nga ai. Rai ti mung shi chyawm gaw nye a matu mai kaja ai lam galoi mung myihtoi n htoi ya ai majaw ngai n dawng nngai. Lama mi hta ra ra sha arai nga ai,” ngu nna htan wu ai. Yehoshahpat mung, “Dai lam nang n tsun sanu ga law!,” ngu nna tsun htang wu ai.

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.