KASA 5:27 - Jinghpaw Common Language Bible 2009

²⁷ Shing di shanhte hpe woi jashawn la nna Kongsi hpawng a man e tsap da shangun nhtawm Hkinjawng Agyi Kaba wa shanhte hpe ga san san mu ai gaw,

Jinghpaw Hanson Version Bible

²⁷ Shing di shanhte hpe woi la nna, salang hpawng a man e tawn da ngut jang, hkinjawng agyi wa gaw,

KASA 5:27 ပူးပေါင်းရင်းမြစ်များ

MAHTE 5:22

Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

LUKA 22:66

Nhtoi htoi jang, Yuda amyu masha ni a ningbaw rai nga ai salang ni, hkinjawng agyi ni hte Tara sara ni hpawng ma ai. Yesu hpe dai kongsi hpawng de woi wa nna, shanhte a man de jashawn nhtawm,

KASA 22:30

Hpang jahpawt e Yuda masha ni Pawlu hpe shagun ai mara hpa re ai teng teng chye lu hkra shi hpe raw dat nna hkinjawng agyi ni hte salang hpawng ting hpe shaga jahpawng tawn nhtawm Pawlu hpe shanhte a man e shatsap tawn ya mu ai.

KASA 4:7

Shanhte gaw kasa yan hpe shanhte a man e shatsap tawn da nna, “Taw nan gaw, hpa atsam, gade a mying hte ndai amu galaw myit ta?,” ngu nna san mu ai.

KASA 5:21

Kasa ni mung ga madat nna jahpawt nhtoi hprim hpram rai wa ai aten hta dai Htingnu de shang wa nna sharin shaga hpang wa nga ma ai. Hkinjawng Agyi Kaba wa hte shi manang ni gaw Yuda agyi salang ni yawng hpe tara rap daw hpawng kaba hpawng na matu shaga tawn ma ai. Dai hpang kasa ni hpe shanhte a man de woi shapraw sa wa na matu hkang da nna tara rap daw hpawng sin ai ni hpe htawng de shangun dat mu ai.

KASA 5:34

Rai ti mung, mung masha ni yawng e shagrau shatsaw hkungga tawn ai Tara sara kaba Gamale ngu ai Hparishe langai mi kasa ni hpe hkring mi shinggan de shapraw tawn shangun nhtawm

KASA 6:12

Shing rai shanhte gaw mung masha ni hte agyi salang ni, Tara sara ni hpe myit sharawt ya nna shi hpe sa rim la nhtawm Kongsi hpawng a man e woi tawn mu ai.