KASA 5:26 - Jinghpaw Common Language Bible 2009

²⁶ Dai rai nna hpyen du wa gaw shi a hpyen la ni hte sa nna kasa ni hpe bai sa woi la mu ai, rai ti mung aja awa n di wam mu ai, hpa majaw nga yang, shawa masha ni nlung hte kabai wa na hpe hkrit da mu ai.

Jinghpaw Hanson Version Bible

²⁶ Dai rai nna hpyen du wa gaw ali ama ni hte sa nna, kasa ni hpe sa woi la mu ai; rai timung, aja awa n di wam mu ai; kaning rai nme law, shawa masha ni nlung hte kabai wa na hpe, hkrit da mu ai.

KASA 5:26 ပူးပေါင်းရင်းမြစ်များ

MAHTE 14:5

Herod gaw shi hpe sat kau mayu da wu ai rai ti mung, mung masha ni Yawhan hpe myihtoi zawn nawn da mu ai majaw, shanhte hpe hkrit da wu ai.

MAHTE 21:26

Bai, ‘Masha kaw na re,’ ngu yang, mung masha ni hpe anhte hkrit shara nga ga ai, hpa majaw nga yang, Yawhan myihtoi rai nga ai hpe yawng hte kam nga ma ai,” nga shajang ma ai.

MAHTE 26:5

“Rai ti mung, mung masha ni n kabrawng wa mu ga, Poi laman e n rai u ga,” nga nna shanhte hkang da ma ai.

MAHTE 26:58

Petru chyawm gaw Hkinjawng Agyi Kaba a wang du hkra Yesu a hpang, tsan tsan e hkan nang nga ai. Dai hpang wang de shang nna, Yesu a amu hpe gara hku shangut ya na lam chye lu hkra, Hkinjawng Agyi Kaba a sin langa ni hte rau dung nga ai.

LUKA 20:19

Dai ga shadawn hpe tara sara ni hte hkinjawng agyi ni hpe sha-ang nna tsun ai re hpe shanhte chye ma ai majaw, dai ahkying hta pyi shi hpe rim la na maw ma ai; rai ti mung shanhte shawa masha ni hpe hkrit da mu ai.

LUKA 20:6

Bai masha hta na re ai, ngu yang mung, ya nang e nga ai shawa masha ni yawng, anhte hpe nlung hte kabai sat na mara ai, hpa majaw nga yang, shanhte gaw, Yawhan gaw myihtoi re ai,” nga nna kam nga ma ai.

LUKA 22:2

Hkinjawng agyi ni hte Tara sara ni gaw, mung masha ni hpe hkrit da mu ai majaw, Yesu hpe kadai n chye ai sha sat kau na lam langai mi tam nga ma ai.

LUKA 22:4

Dai majaw Yuda gaw pru wa nhtawm, Hkinjawng Agyi Kaba ni hte Nawku Htingnu sin ai hpyen du ni kaw Yesu hpe kaning di ap kau ya na lam shanhte hte sa bawng ban wu ai.

KASA 4:21

Shaloi salang kongsi gaw shan hpe shawng na hta grau ja ai hku sadi jaw daru jet nna dat dat mu ai. Shanhte gaw shan hpe ari jaw na lam n mai byin ai hpe mu chye ma ai. Hpa majaw nga yang dai byin ai amu a majaw, masha n lang Karai Kasang hpe shagrau sha-a ma ai.

KASA 5:13

Masha ni shan hte hpe grai tsun shakawn ma ai rai tim shinggan masha gale kadai mung shan hte n kanawn wam ma ai.

KASA 5:22

Rai ti mung shanhte du ai shaloi htawng hta kasa ni hpe n mu mu ai rai nna tara rap daw hpawng de bai wa nhtawm,

KASA 5:24

Hkinjawng agyi ni hte htingnu sin ai du wa dai hpe na ma yang, kasa ni hta hpa byin ai rai wa sai kun? nga nna grai mau mat ma ai.

KASA 5:25

Dai hpang masha langai mi shang wa nna, “Madat yu mu! Nanhte htawng hta e rawng da ai ni gaw Nawku Htingnu hta e masha ni hpe sharin shaga nga ma ai!” ngu nna shanhte hpe tsun dan mu ai.