KASA 5:24 - Jinghpaw Common Language Bible 2009

²⁴ Hkinjawng agyi ni hte htingnu sin ai du wa dai hpe na ma yang, kasa ni hta hpa byin ai rai wa sai kun? nga nna grai mau mat ma ai.

Jinghpaw Hanson Version Bible

²⁴ nawku Htingnu agyi wa hte hkinjawng agyi ni dai ga na jang, ndai lam hpa byin ai rai wa sai kun, nga nna grai myit ru ma ai.

KASA 5:24 ပူးပေါင်းရင်းမြစ်များ

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

LUKA 22:4

Dai majaw Yuda gaw pru wa nhtawm, Hkinjawng Agyi Kaba ni hte Nawku Htingnu sin ai hpyen du ni kaw Yesu hpe kaning di ap kau ya na lam shanhte hte sa bawng ban wu ai.

LUKA 22:52

Dai hpang Yesu gaw, shi hpe rim la na du sa ai hkinjawng agyi ni, Nawku Htingnu sin ai hpyen du ni hte agyi salang ni hpe, “Nanhte gaw gumlau langai mi hpe rim la ai zawn ngai hpe rim la na matu, nhtu ni dawhkrawng ni hte rai nna pru sa wa marin ni?

YAWHAN 12:19

Dai re ai majaw Hparishe ni gaw, “Yu mu, anhte hta awng dang ai lam hpa mung n nga sai. Kaja wa mungkan ting gaw shi a hpang hkan mat wa masai,” nga nna shada da tsun shajang ma ai.

KASA 2:12

Shanhte gaw mau mahka ung ang let, “Ndai zawn byin ai lam gaw hpa baw lachyum wa rai nga a ta?,” nga nna shada san hkat nga ma ai.

KASA 4:1

Petru yan Yawhan shawa masha ni hpe naw shaga nga ma yang, hkinjawng agyi ni, Nawku Htingnu sin ai ni a du wa hte Saduke nkau mi sa du ma ai.

KASA 4:21

Shaloi salang kongsi gaw shan hpe shawng na hta grau ja ai hku sadi jaw daru jet nna dat dat mu ai. Shanhte gaw shan hpe ari jaw na lam n mai byin ai hpe mu chye ma ai. Hpa majaw nga yang dai byin ai amu a majaw, masha n lang Karai Kasang hpe shagrau sha-a ma ai.

KASA 5:23

“Anhte du yang htawng chyinghka mung chyip chyip la nga ai, sin ai ni mung chyinghka shinggan e sin nga ma la ai, dai wa mi hpaw yu yang me, kata e kadai mung n nga nga la ai,” ngu nna tsun dan mu ai.

KASA 5:25

Dai hpang masha langai mi shang wa nna, “Madat yu mu! Nanhte htawng hta e rawng da ai ni gaw Nawku Htingnu hta e masha ni hpe sharin shaga nga ma ai!” ngu nna shanhte hpe tsun dan mu ai.

KASA 5:26

Dai rai nna hpyen du wa gaw shi a hpyen la ni hte sa nna kasa ni hpe bai sa woi la mu ai, rai ti mung aja awa n di wam mu ai, hpa majaw nga yang, shawa masha ni nlung hte kabai wa na hpe hkrit da mu ai.