KASA 5:23 - Jinghpaw Common Language Bible 2009

²³ “Anhte du yang htawng chyinghka mung chyip chyip la nga ai, sin ai ni mung chyinghka shinggan e sin nga ma la ai, dai wa mi hpaw yu yang me, kata e kadai mung n nga nga la ai,” ngu nna tsun dan mu ai.

Jinghpaw Hanson Version Bible

²³ “Htawng mung chyip chyip la nga ai, sin langa ni mung chyinghka shinggan e sin nga ma la ai; dai wa mi hpaw yu yang me, kata e kadai mung n nga nga la ai,” ngu nna wa tsun dan mu ai.

KASA 5:23 ပူးပေါင်းရင်းမြစ်များ

SHAKAWN KUNGDAWN 2:4

Sumsing lamu hta nga ai shi a tingnyang kaw nna dai Madu gaw shanhte a gawng kya ai yaw shada lam ni hpe mani asawng ya nga ai.

SHAKAWN KUNGDAWN 33:10

Dai Madu gaw masha amyu baw ni a shatawng shada ai lam ni hpe shanut kau ya nga ai; shanhte a maw mawn ai lam ni n awng dang u ga, shi shanhte hpe hkum shingdang da nga ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

SHARUNG SHAYAWT 3:37

Dai Madu a myit chyu sha hpa lam hpe rai tim tut nawng shabyin ya lu nga ai.

YAWHAN 8:59

Shaloi shanhte gaw shi hpe kabai na nga, lungdin ni hta la ma ai; rai ti mung Yesu gaw makoi let Nawku Htingnu na pru mat wa ai.

KASA 5:19

Rai ti mung, dai shana e Madu a lamu kasa langai mi gaw, htawng chyinghka ni hpe hpaw kau ya nna shanhte hpe shapraw dat let,

KASA 5:22

Rai ti mung shanhte du ai shaloi htawng hta kasa ni hpe n mu mu ai rai nna tara rap daw hpawng de bai wa nhtawm,

KASA 5:24

Hkinjawng agyi ni hte htingnu sin ai du wa dai hpe na ma yang, kasa ni hta hpa byin ai rai wa sai kun? nga nna grai mau mat ma ai.