KASA 5:21 - Jinghpaw Common Language Bible 2009

²¹ Kasa ni mung ga madat nna jahpawt nhtoi hprim hpram rai wa ai aten hta dai Htingnu de shang wa nna sharin shaga hpang wa nga ma ai. Hkinjawng Agyi Kaba wa hte shi manang ni gaw Yuda agyi salang ni yawng hpe tara rap daw hpawng kaba hpawng na matu shaga tawn ma ai. Dai hpang kasa ni hpe shanhte a man de woi shapraw sa wa na matu hkang da nna tara rap daw hpawng sin ai ni hpe htawng de shangun dat mu ai.

Jinghpaw Hanson Version Bible

²¹ Ga dai na jang, jahpawt manap hpawa e dai Htingnu de shanhte shang wa nna sharin shaga nga ma ai. Hkinjawng agyi wa hte shi a manang ni mung sa du nna, tara agyi ni hte Israela kashu kasha ni a salang nlang hte hpe shaga jahpawng tawn nhtawm, kasa ni hpe shapraw la na htawng de masha shangun dat mu ai.

KASA 5:21 ပူးပေါင်းရင်းမြစ်များ

SHAKAWN KUNGDAWN 105:22

shi gaw hkawhkam wa a up hkang du ni a ntsa e mung, hkaw kata na hpaji jaw du, salang ni hpe sharin matsun na ahkang mung shi hkam la nu ai.

MAHTE 5:22

Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

LUKA 22:66

Nhtoi htoi jang, Yuda amyu masha ni a ningbaw rai nga ai salang ni, hkinjawng agyi ni hte Tara sara ni hpawng ma ai. Yesu hpe dai kongsi hpawng de woi wa nna, shanhte a man de jashawn nhtawm,

YAWHAN 18:35

Pilat gaw, “Ngai Yuda masha re ai ngu nna nang myit n ni? Na a amyu masha ni hte hkinjawng agyi ni gaw, nang hpe ngai kaw sa ap ya ma ai. Nang hpa galaw shut nit ta?,” ngu nna htan wu ai.

YAWHAN 8:2

Hpang jahpawt jau jau e Nawku Htingnu de shi bai sa wa ai rai nna, masha nlang hte mung shi kaw sa du shinggrup nga ma yang shi dung let shanhte hpe sharin shaga nga ai.

KASA 22:15

Hpa majaw nga yang, nang gaw nang mu lu, na lu ai lam ni hpe masha yawng a man e tsun shana ya na matu dai Madu a sakse hkam ya ai wa nang tai na rin dai.

KASA 22:5

Ngai tsun nga ai lam teng nga ai gaw Hkinjawng Agyi Kaba wa hte salang hpawng ting sakse hkam lu ma ai; ngai gaw shanhte kaw na, Damasku mare e nga ai Yuda hpu nau ni hpang de ka dat ai laika ni hpe la gun let dai mare e nga ai Yesu a lam hkan ai masha ni hpe rim la nna Yerusalem mare de gyit dun wa nhtawm zingri na matu dai de lung wa nngai.

KASA 5:17

Dai shaloi Hkinjawng Agyi Kaba wa hte, shi a manang ni buga Saduke hpung hta lawm ai masha ni gaw nachying manawn ai myit hkrai chyat rai nga malu ai rai nna kasa ni hpe lama ma di na hku shanhte daw dan ma ai.

KASA 5:27

Shing di shanhte hpe woi jashawn la nna Kongsi hpawng a man e tsap da shangun nhtawm Hkinjawng Agyi Kaba wa shanhte hpe ga san san mu ai gaw,

KASA 5:34

Rai ti mung, mung masha ni yawng e shagrau shatsaw hkungga tawn ai Tara sara kaba Gamale ngu ai Hparishe langai mi kasa ni hpe hkring mi shinggan de shapraw tawn shangun nhtawm

KASA 5:41

Kasa ni gaw shanhte hpe Madu Yesu a majaw kaya kahpa hkrum ging ai re ngu nna Karai Kasang e sawn ya hkrum ai majaw kabu gara ai hte Yuda kongsi hpawng kaw na pru mat wa ma ai.