KASA 5:2 - Jinghpaw Common Language Bible 2009

² shan la myit hkrum ai hte, dai jahpu kau mi, shan a matu ip da nhtawm, kau mi sha kasa ni a lata de sa jaw ma ai.

Jinghpaw Hanson Version Bible

² shan la myit hkrum ai hte, dai jahpu kau mi ip da nhtawm, kau mi sha kasa ni a lagaw nhpang e sa tawn da wu ai.

KASA 5:2 ပူးပေါင်းရင်းမြစ်များ

MALAHKI 1:14

Ngai hpe jaw ya na nga, ga sadi tawn da sai dai kaja ai dusat langai shi a yam nga hpung hta rawng nga ninglen, ngai hpe dai ra rawng ai dusat hpe masu hkalem nawng jau ya ai wa gaw dagam dala hkrum nga ai. Ngai gaw galu kaba ai hkawhkam rai nga nngai, masha amyu baw ni yawng a masha ni ngai hpe hkrit kamyin nga ma ai.”

MAHTE 23:5

Shanhte galaw ai amu bungli mahkra hpe, masha ni mu lu mu ga, nga nna galaw ma ai. Shanhte a lahtan ni hte lata lahpum ni hta chyum ga ka shakap tawn ai lakhpoi pa kaba kaba galaw la nna hkawn shakap tawn nga ma ai hpe yu mu! Shanhte a palawng kaba ni hta banbyau ni hpe mung galu lu di nna myin jahkram chywi hpun ma ai.

YAWHAN 12:6

Shi shing nga nna tsun ai gaw, matsan mayan ni hpe matsan dum ya nna tsun ai n rai, shi gaw gumhpraw jan jum ai wa rai nga ai rai nna, bang da ai gumhpraw hta na sen di sha ai lagut rai nga ai majaw tsun ai sha rai nga ai.

KASA 2:44

Kam sham ai ni nlang hte gaw shara mi hta sha rau hpawng nga nna, arai yawng mayawng hpe jawm lang ma ai.

KASA 4:37

Dai wa gaw shi lu ai ga dachyawk dut nna lu ai gumhpraw hpe kasa ni a lata de sa ap ya wu ai.

KASA 5:1

Rai ti mung, Anani mying ai la wa hte madu jan Sahpira gaw, shan lu ai ga dachyawk dut nna,

KASA 5:3

Petru gaw “Anani e, hpa majaw nang gaw Satan wa hpe na myit masin up madu na ahkang jaw ai hte ga dachyawk dut nna lu ai gumhpraw nkau mi tinang a matu ip la ai hku nna dai Chyoi Pra ai Wenyi hpe masu kau n ta?

KASA 5:8

Petru gaw, “Nang hte na a madu wa ga dachyawk dut nna lu ai gumhpraw ndai hte yawng rai sa ni? Ngai hpe tsun dan rit ngu wu yang shi mung rai sa, ndai hte mahkra rai sai,” ngu nna htan wu ai.

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

1 TIMOHTI 6:10

Hpa majaw nga yang, gumhpraw marin ai myit chyawm gaw n hkru n kaja ai lam amyu myu a ru npawt rai nga ai. Masha nkau mi gaw gumhpraw hpe lu la na matu grai myit katu ra sharawng nga ma ai majaw makam masham kaw na lam yit mat wa ma ai hte yawn hkyen ai lam amyu myu hte shanhte a myit kraw lawang ni hpe daw hten mat shangun ma ai.